Suporta sa Substansya

Suporta sa komunidad gikan sa Tiktok

Sa TikTok, among guihatagan og bili ang pag-ugmad og usa ka higayon nga makatabang sa atong komunidad diin mabati sa mga membro nga libre sila mopadayag sa ilang kaugalingon. Naglakip kini sa nagkadako nga komunidad nga nakadawat og oportunidad gikan sa TikTok pina agi sa paghahatag og koneksyon; suporta ug pag tulun-an gikan sa mga organisasyon; ug mga kauban sa kumunidad nga nakasinate na o napektuhan sa paggamit og mga kontroladong substansya (sama sa mga droga, alkohol, ug tabako).

Kami nakahibalo nga ang kada usa adunay kaugalingong panlantaw ug kasinatian sa paggamit og kontroladong substansya. Bisan unsa pa man ang imong mga na-agian, gusto namo nga motabang pina-agi sa pag-hatag og impormasyon aron magpabiling luwas ang atong komunidad ug suportahan ka sa pagpili sa imong desisyon nga maka ayo kanimo. Busa nakig-uban kami sa mga eksperto aron matabangan kami sa paghatag og mga gabay nga makatabang kaninyo.

Kinging gabay para sa tanan nga :

gustong makakat-on pa og dugang kasinataan kun sa unsang pama-agi nga ang paggamit og kontroladong substansya maka apekto sa panghunahuna, lawas ug kinaiya;
naghunahuna karon sa paggamit o kasamtangang naggamit og mga kontroladong substansya;
nangita og mga gabay nga makatabang unsaon pag-usab og paghunong sa paggamit og mga kontroladong substansya;
nabalaka sa usa ka tawo o kauban nga naapektohan sa paggamit og kontroladong substansya;
nangita og komunidad o grupo nga makatabang aron ma padayag nila ang ilang mga kasinatian; og,
gusto og dialogo nga makatabang pagsanta sa mga kadaot nga may kalabotan sa paggamit og kontroladong substansya.

Dili dali ang paghisgot sa isyo kabahin sa paggamit og kontroladong substansya. Pero nanghinaot kami nga kining suporta o gabay dinhi sa among pahina sa Tiktok makatabang unta dili lang kanimo hasta usab sa imong mga mahal sa kinabuhi.

Mag pangutana kabahin sa kontroladong substansya

Unsa ang dili maayong pagamit sa kontroladong substansya?

Kabahin kini ang dili maayong pagamit og nagkalin laing kontroladong substansya sama sa droga, alkohol, o tabako. Dunay daghang paagi sa paggamit og mga kontroladong substansya magsukad pa sa pagsulay sulay pa og gamit niini para sa kalingawan, padulong na sa mas regular na nga paggamit, hangtod na sa pagkaadik sa kontoladong substansya (guitwag sad kini og sab substance use disorder). Mga dugang pagtulon-an kabahin sa lainlaing klase sa paggamit og kontroladong substansya :

Pag-eksperimento

May mag tawo nga gusto lang mag eksperimento o mo tilaw sa mga kontroladong substansya labi na kung kon anaa sila sa pabor sitwasyon, sama sa party. Kasagaran dili sila magpangita og o maghunahuna bahin sa substansya hangtod nga gamiton na usab nila kini. Gamiton tingali nila kini tungod sa kuryosidad, o aron malingaw. Wala nakasentro ang ilang kinabuhi sa ilang paggamit og substansya – mahitabo lamang kini kon kombenyente sa ilaha ang sitwasyon.

Paggamit para sa Kalingawan

Mahitabo kini kon kanunay ang paggamit og mga substansya gawas sa rason nga medical. Puede sad nga ila na kining naandan sama sa pag-inom og alkohol kada kataposan sa semana sa dili pa molakaw.

Pag-abuso

Mahitabo kini kon mas mahimong delikado ug mas kanunay na ang paggamit sa substansya, ug mag sugod na silag kasinati og mga negatibong epekto sa ilang kinabuhi. Ang mga tawo nga nag-abuso sa paggamit og mga substansya mag sigi guihapon og gamit niini, bisan pa mao kini ang hinungdan sa problema sa ilang kinabuhi. Kinahanglan makakita sila og kaduolan niining higayona sa mga higala o pamilya aron masulti an nila bahin sa ilang paggamit sa kontroladong substansya.

Pagdepende

Mahitabo ang pagkadepende sa droga kon mopahiangay ang lawas sa usa ka tawo sa substansya. Nagpasabot kini nga kinahanglan sa lawas ang substansya aron nga mobating “normal.” Ang paghunong sa paggamit og substansya maghinungdan sa mga simtomas sa withdrawal, sama sa kakapoy, kahigwaos/depresyon, pagpaningot, pagsuka-suka, mga seizure o mga halusinasyon. Mahitabo ang pagkadepende sa pipila ka substansya bisan pa gitumar kini isip gireseta sa doktor.

Adiksyon

Kon makasinati na og adiksyon ang usa ka tawo, magpadayon sila sa paggamit og substansya bisan pa sa mga kadaot nga ilang nahi-agom sa ilang kaugalingon ug sa ubang mga tawo. Naay uban misulay sa pag-undang og gamit sa substansya, pero lisod na kayo sila maka ukang sa niining kahimtanga. Bisan kinsa puede masulod sa adiksyon kay wala kini guipili. Pero puede pa kini sila matambalan ug dunay daghang pag pilian sa pagpatambal depende sa kahintamtang og panginahanglanon sa tawo. Usa ka kondisyon ang adiksyon og dili lamang kini tungod kay kulang sa disiplina.

Nganong mas delikado karon ang paggamit sa droga?

Dili pa masiguro kon sa unsang paagi makaapekto kining mga drogaha kay lisod pa mahibalhan ang substansya nga makadaot sa mga tawo. Pero delikado na kini kung gamiton. Nag-una niin mao ang fentanyl ug mga peke.

Ang Fentanyl usa ka kusog nga klase sa droga nga synthetic opioid. Dunay 2 ka klase ang Fentanyl: 1) pharmaceutical-grade (hinimo sa mga pharmaceutical nga kompanya aron makontrol ang dosis) ug, 2) ang “guinadili” nga fentanyl- hinimo kini dili sa mga pharmaceutika og kontrolado kini sa mga tawo nga nagbaligya o nakig-deal og mga guinadili nga droga. Usahay, sekretong gidugang ang gidili nga fentanyl sa ubang droga kay mas barato kini himuon ug mas kusog kaysa sa uban pang droga. Gisagol sad ang fentanyl sa mga peke nga pill (nga murag mga giresetang opoid nga pawala sa kasakit pero gikan kini sa mga sa mga gropo ng nagpayuhot og droga), o gisagol sa mga droga sama sa heroin, cocaine, ug Methamphetamine. Makapatay na sa usa ka tawo ang ingon ka gamay sa 2 milligrams nga fentanyl- ang gidaghanon sama sa pipila ka grano sa asin. Tungod niini nga rason, nag-unang hinungdan ang fentanyl sa mga kamatayon tungod sa pagka-overdose sa droga. Bisan pa og nagtuo ang usa ka tawo nga kahibalo siya kon unsay iyang gigamit, makamatay gihapon kini bisan pa ang kausa lang nga paggamit.
Mga dili tinuod o peke nga giresetang pill sama sa mga benzodiazepine (kasagarang gitawag og “street benzos”). Aduna kini delikadong kusog ug/o dunay uban pang makadaot nga substansya nga dili angay para sa medikal nga paggamit, nga mosangpot sa mga pagka-ospital o kamatayon.

Unsa man ang guitawag”harm reduction”?

Siguro nakadungog ka na sa termino nga “harm reduction”. Kini naghulagway sa mga pamaagi nga makakunhod sa mga risgo nga nalambigit sa paggamit og droga. Ang harm reduction wala nagpasabot nga maayo ra ang paggamit og mga droga, o nga luwas kini. Usa kini ka pamaagi sa pagprotekta ug pagsuporta sa mga tawo nga naggamit og mga droga ug pagdasig sa mga positibong kausaban nga walay paghukom.

Pipila ka mga pananglit sa harm reduction:

Mga tambal nga sama sa naloxone. Kini nga tambal paspas nga mo pa ubos sa pagka pagka-overdose sa opioid, ug uban pang tambal nga makahatag og adiksyon sa opioid;
Access sa mga mas luwas nga supply ug mga luwas nga pamaagi sa paglabay kanila, ug pagsulay para sa mga sakit nga mahimong mokaylap pinaagi sa paggamit og pipila ka klase sa mga droga.

Unsa ang Recovery?

Ang recovery mao ang proseso nga diin ipalambo ang kinatibuk-ang kaayohan pagkahuman masinati ang pagka lulung sa paggamit og droga o kontroladong substansya. Dunay daghang pamaagi sa recovery ug kini may nagkada-iyang proseso depende sa tagsa tagsa ka tawo. Magpasabot sad nga adunay lain laing interpretasyon ang recovery sa ubang tawo. Para sa pipila, ang paglikay sa tanang substansya ang usa ka pama agi sa recovery og sa uban naman, importanteng bahin sa recovery mao ang pagdumala sa mga negatibong gibati og dili na paggamit og mga substansyang makadaot.

Atong tamdan nga dili sayon nga proseso sa recovery. Kalagmitan, adunay panahon nag mobalik pag gamit sa substansya samtang anaa pa sila sa processo sa recovery. Wala kini magpasabot nga napakyas ang usa ka tawo o dili na gayud makakab-ot sa ilang kaayuhan o recovery. Ang mga tawo na biktima sa controladong substansya puede pang maayo o mauli-an pag balik.

Unsa ang stigma sa paggamit og substansya?

Ang stigma mao ang set sa mga negatibong kinaiya, kahadlok, sayop nga pagsabot, ug stereotype bahin sa mga tawo nga naggamit og mga droga o nagkinabuhing dunay adiksyon. Usa ang stigma sa mga komon nga rason nganong dili magpatambal ang mga tawo para sa ilang paggamit og substansya. Dunay katungdanan ang tanan sa pagpaubos sa stigma sa paggamit og substansya. Usa ka pamaagi sa pagbuhat niana mao ang pag-usab sa pamaagi sa atong paghisgot bahin sa paggamit og substansya.

Sa TikTok, among gigamit ang gitawag nga “Person-First language” nga may kalambigitansapaggamitogsubstansya. Nagpasabot kini nga dili namo hatagan og kahulogan ang tawo base sa pamatasan o diagnosis. Pananglitan, imbes nga tawagon ang usa ka tawo nga “drug user” dapat natong isulti nga “a person who uses drugs.” Dili judgemental paminawon ang person-first language ug itratar ang mga tawo nga nagsinati og adiksyon nga dunay pagtahod ug empatiya. Usa ka importanteng lakang padulong sa pagpaubos sa stigma sa paggamit og substansya ang paggamit sa person-first language.

Ania ang pipila ka pananglit sa mga pamaagi nga ang pag usab sa atong mga pulong makatabang sa pagpaubos sa stigma batok sa paggamit og substansya.

Imbes nga	Gamita
Pag-abuso sa droga	Disorder sa paggamit og substansya
Tiggamit og droga	Usa ka tawo nga naggamit og mga droga
Addik, Junkie, Nag-abuso sa droga	Usa ka tawo nga nagkinabuhi o nakasinati og adiksyon; Usa ka tawo nga dunay disorder sa paggamit og substansya
Adik kaniadto	Usa ka tawo nga nagpa-recover
Palahubog	Usa ka tawo nga dunay disorder sa paggamit og alkohol; Usa ka tawo nga naggamit og alkohol sa delikado nga pamaagi
Nahuwasan / Limpyo	Gawasnon sa substansya; Usa ka tawo nga nagpa-recover/naglikay
Nagpabiling limpyo	Gimentinar ang recovery

Unsa ang overdose?

Overdose ang mahitabo kung masobraan sa paggamit og substansya. Delikado kini sa panglawas ug maka resulta sa pagkamatay. Kon ang imong kaila nakasinati sa pagka-overdose, icontact ang emergency services aron ma-atimanan. Naay mga “Good Samaritan” nga balaod sa ubang nasod nga ga hatag og proteksyon batok sa pagka-aresto, pagkaso, o pag-akusa kon matawag sa emergency ang usa ka indibidwal nga nakasinati o nakasaksi sa pagka-overdose.

Nagkalain-lain ang simtomas sa pagka-overdose depende sa substansya, pero maglakip kini sa:

Hilabihan ka luspad ug / o nagsingot nga nawong
Luya nga lawas o grabeng kahuyang
Purple/asul nga mga kuko sa kamot o ngabil
Sobrang pagsuka-suka
Walay panimuot ang usa ka tawo o dili makamata o makasulti
Hinay kaayo o walay gininhawa
- Paspas nga pagginhawa (epekto sa paggamit sa mga stimulant sama sa cocaine ug shabu)

Hinay nga pitik sa kasingkasing o walay pulso
- Paspas o dili regular nga pitik sa kasingkasing (epekto sa paggamit sa mga stimulant sama sa cocaine ug shabu)
Pagkatuok
Ubos nga temperatura sa lawas
Hilanat (epekto sa paggamit sa mga stimulant sama sa cocaine ug shabu)
Mga grabeng panakit sa tiyan
Mga seizure
Gamay nga pupil sa mata (pinpoint pupils)

Kon ma-atimanan, posible nga matambalan ang pagka-overdose sa pagtumar og naloxone (Narcan, Evzio o Kloxxado ang lain nga pangalan ani nga tambal), nga mo kontraka sa mga epekto sa opoids sa lawas kon ma-overdose. Sa ubang nasod, mapalit kini over-counter sa mga botika nga walay reseta o ihatag nga libre gikan sa mga public health organizations

Para sa dugang impormasyon kon unsay buhaton kon nagtuo ka nga na-overdose ang usa ka tawo, susiha ang Talk to Frank.

Makasalig ba ko sa impormasyon nga akong makita sa internet?

Pagbantay kanunay sa impormasyon nga imong makita online bahin sa paggamit og substansya, lakip na sa TikTok. Mo-share ang mga tawo og daghang opinyon bahin sa paggamit og substansya, ug dili tanan impormasyon nakabase sa kamatuoran. Pamatud-i kanunay ang impormasyon nga imong makita online. Niini nga page, makakita ka og mga kamatuoran bahin sa mga komon nga klase nga substansya, ug mga link sa ubang mga resource diin makakita ka og dugang impormasyon.

Unsa ang mga lain lain nga klase sa mga substansya?

Gahatag kami sa Tiktok og mga impormasyon nga masaligan bahin sa lain-laing klase sa substansya, lakip na sa mga droga ug alkohol. Mag-share mi og pipila ka impormasyon bahin sa mga komon nga substansya nga tingali nadunggan na nimo, lakip na kon unsa sila, unsay epekto sa lawas, ug ang mga peligro nga may kalambigitan sa kada usa. Niini nga page, mogamit mi og mga pormal nga pangalan sa kada substansya, pero mailhan sab sila sa lain-laing pangalan o “street names”.

Mga Opioid

Unsa ang mga opioid? Opoids ang tawag sa mga droga nga dunay kusog nga epekto sa pagpahupay sa kasakit sa ulo ug lawas. Dunay lain-laing klase sa mga opioid, naglakip sa:

Giresetang opioid nga pampawala sa kasakit o painkillers: Mahimong pill o tabletas ang porma, sama sa oxycodone ug hydrocodone
Heroin: Usa ka ilegal nga drogang opioid nga gikan sa morphine nga pwedeng yupyopon, i-inject o suyopon. Susama ang hitsura sa mga giresetang opioids ug heroin. Kini nga mga droga makapahatag ug euphoric sensation.
Fentanyl: Pwedeng ireseta ang fentanyl sa mga pasyente nga dunay grabeng kasakit o mga tawo nga dunay chronic nga kasakit nga dunay tolerance sa uban pang opioid. Dunay 2 ka klase ang Fentanyl:
- 1) pharmaceutical-grade (hinimo sa mga kompanya aron makontrol ang dosage) ug,
- 2) fentanyl nga ginabaligya gawas sa mga hinimo sa mga pharmaceutical nga kompanya (Illicit fentanyl).
- Kasagaran isagol ang illicit fentanyl sa mga peke nga painkiller o isagol sa uban droga sama sa heroin, cocaine, o shabu
- Ang pagtumar sa duha lang ka milligrams nga fentanyl – ang gidaghanon sama sa pipila ka grano sa asin, moresulta sa pagkamatay. Mao kini ang hinungdan nga ang fentanyl ang usa sa mga pinakadelikado nga droga kon mga overdose sa pagtumar.
Codeine: Kasagarang gireseta isip syrup para sa ubo, pero mahimo sab nga mga tabletas. Mas kusog ang ubang lain nga opioid, pero makaapekto kini sa utok sa susamang pamaagi.
Morphine: Kasagarang ginahatag sa mga ospital pinaagi sa pag injection. Pwede sab kining tumaron isip tabletas, patch, o suppository kon ireseta para dal-on sa pasyente sa balay.

Unsa ang mga peligro kon ma overdose sa pagtumar ug opioid? Mahitabo kang bisan kinsa ang pagka-overdose sa opioid – bisan pa og first time ang paggamit niini, o kon kini gireseta sa doktor o nakuha sa ilegal nga pamaagi. Para sa mga substansya nga ilegal ang pagpalit, dunay risgo nga mo kini ang ginadili nga fentanyl, nga maoy nag-unang hinungdan sa mga kamatayon tungod sa pagka-overdose sa United States. Mas delikado ang opioid kon tumaron uban sa lain pang substansya nga makapahinay sa pulso ug pagginhawa, sama sa alkohol, mga giresetang depressant, o uban pang opioid. Mao kini ang simtomas sa mga tawo nga nakasinati og pagka-overdose sa opioid:

Hilabihan ka luspad ug/o nagsingot nga nawong
Luya nga lawas
Purple/asul nga mga kuko sa kamot o ngabil
Pagsuka-suka
Walay panimuot ang usa ka tawo o dili makamata o makasulti
Hinay kaayo o walay gininhawa
Hinay nga pitik sa kasingkasing o walay pulso
Pinpoint nga mga kalimutaw / pagkagamay sa pupil sa mata

Napamatudan nga ang pagtumar sa Naloxone makaluwas sa kinabuhi nga mobatok sa mga epekto sa opioids sa lawas kon ma-overdose.

Sa ubang nasud, mapalit over the counter ang naloxone sa mga botika ug dili na kailangan ug reseta. Mahimong nasal spray o ma-inject nga droga ang Naloxone. Ang epekto sa Naloxene molungtad lamang ug 30-90 ka minute, maong importante nga macontact ang emergency services sa pinakaduol nga ospital paghuman og tumar sa naloxone. Kon walay reaksyon gikan sa tawo sulod sa 3 ka minuto paghuman sa paghatag og naloxone— sama sa kon dili momata ang tawo—hatagi og ikaduhang dosis ang tawo. Ubani ang tawo hangtod nga moabot na ang tabang.

Unsa ang mga short-term ug long-term nga epekto? Ang mga short-term nga epekto sa paggamit og opioid naglakip sa paghupay sa kasakit, katulgon, kasukaon, dili makalibang, euphoria, paglisod sa pagginhawa, ug kamatayon tungod sa overdose. Para sa pipila ka tawo, ang regular ka paggamit sa opioid moresulta sa adiksyon. Uban sa long-term nga epekto ang pagkadepende niining droga, mga panakit sa tiyan, sakit sa atay o bato, ug mga impeksyon o mga samad gikan sa paggamit og dagom.

Alkohol

Unsa ang alkohol? Gihimo ang alkohol pinaagi sa pag-ferment sa yeast, asukal, ug starch. Alkohol ang pinakakasagarang gigamit nga droga sa tibuok kalibutan. Dunay daghang klase sa alkohol, lakip ang beer, wine, o ilimnon (sama sa vodka, tequila, rum, gin, ug whisky, uban pa). Makita sab ang alkohol sa uban pang klase sa mga ilimnon, sama sa mga hard seltzer, tsaa, o kombucha.

Unsa ang mga risgo? Posible ang pagka-overdose sa alkohol (gitawag nga pagkahilo sa alkohol). Nakasinati tingali og pagkahilo sa alkohol ang usa ka tawo nga walay panimuot o dili makamata ug dunay risgo sa pagkamatay. Kon nagduda ka nga dunay pagkahilo sa alkohol ang usa ka tawo, tawagi dayon ang mga serbisyo sa emerhensya. Naglakip ang mga timailhan sa pagkahilo sa alkohol sa:

Pagkalibog
Sobrang pagsuka-suka
Mga seizure
Hinay o dili regular nga pagginhawa
Gamay nga pagka-asul sa panit o luspad nga panit
Ubos nga temperatura sa lawas
Naglisod sa pagpabiling dunay panimuot
Pagkakuyap/ walay panimuot ug dili makamata

Unsa ang mga short-term ug long-term nga epekto? Ang mga short-term nga epekto sa alkohol maglakip sa pagkatabian, pagkarelax, o makig-abiabi, pero makapabati sab kini sa mga tawo og kahigwaos o pagka-agresibo. Kon moinom og daghan ang usa ka tawo, dili masabtan ang sinultihan, problema sa koordinasyon o “blackout”, ug kumon nga epekto ang hangover sa sunod nga adlaw. Lakip sa epekto sa hangover ang delayed nga reaction time, paglisod sa pagbaklay, panlisod panglantaw, pagsuka, coma, pagkakuyap, ug pagkakalma. Ang mga long-term nga epekto sa paggamit og alkohol naglakip sa pagubos sa testosterone/ impotence, sakit sa atay, cancer, o ulcer. Maghinungdan sab ang alkohol sa pagkunot, pag-uga sa panit, ug permanenteng pamula sa nawong.

Unsa pa ang kinahanglan nakong mahibal-an? Ang pagsagol sa alkohol ug uban pang droga – sama sa mga opioid, mga giresetang depressant, cocaine, Methamphetamine, ug ketamine – mahimong delikado sa panglawas. Makapahinay kini sa pagginhawa, ug moresulta sa pagkaubos sa oxygen nga musulod lawas ug mag-trigger sa utok nga sugdan ang pagpahunong sa paggana sa mga organ. Ang pagkahubog gikan sa pag-inom ug alcohol ang kasagara nga rason sa mga aksidente, ilabina kon magmaneho paghuman og inom. Delikado ang pagmaneho paghuman ug inom bisan pa og gamay lang nainom. Ang pagmaneho nga nakainom susama ra ka delikado sa pagmaneho nga hubog. Responsable sa ginatos ka libo nga mga pagkamatay kada tuig ang pagmaneho nga nakainom.

Tabako

Unsa ang tabako? Usa kini nga tanom diin gipauga ang mga dahon ug gamiton sa paghimo og mga produkto sama sa mga sigarilyo. Gitawag og nicotine ang kemikal sa tabako nga makapabati og kalipay o kusog, ug makaadik sab kini. Dunay lain-laing klase sa tabako:

Mga dahon sa tabako ang mga sigarilyo nga gilikit sa nipis nga papel, ug ang pinakakomon nga porma sa tabako nga gamiton.
Mga Cigar, gagmayng cigar ug cigarillo mao ang hinimo sa tabako ug giputos sa brown nga papel o mga tibuok nga dahon sa tabako. Dunay mga flavor ang mga gagmayng cigar ug cigarillo.
Hookah (nailhan sab nga shisha, mga waterpipe) dunay flavor nga tabako nga yupyopon gamit ang waterpipe.
Walay aso nga tabako mao ang usa ka klase sa tabako nga dili yupyopon o dagkotan. Dunay lain-laing klase sa walay aso nga tabako, lakip ang usapon nga tabako, snuff, snus, ug dissolvable nga tabako.

Unsa ang mga short-term ug long-term nga epekto? Naglakip ang mga short-term nga epekto sa pagpagana sa area sa utok nga may kalambigitan sa pagpagawas sa kalipay nga pagbati. Makapahimo sab ang nicotine nga mobati og kakusog, pagkalipong, kasukaon, pagkadasig, o pagkarelax. Maghinungdan kini sa pagtaas sa presyon sa dugo, pagginhawa, ug heart rate nga maghatag og pamati nga kakusog. Maghinungdan sab ang tabako sa pagka yellow sa ngipon ug mga kuko, ug manimaho og aso ang gininhawa, buhok, ug sinina. Makaadik nga kemikal ang nicotine, mao nga ang paggamit og tabako mahimong adiksyon sa pipila ka tawo. Ang mga long-term nga epekto sa paggamit ug tabacco mao ang pagsakit sa baga, cancer, sakit sa kasingkasing ug stroke, ug pagtaas sa risk nga sa diabetes. Patas-on sab niini ang risgo nga makabati ug chronic bronchitis, katarata, ug pulmonya.

Ang pagsigarilyo makamugna sab og secondhand smoke, nga mao ang aso nga malanghab kon anaa duol sa usa ka tawo nga nanigarilyo. Makadaot kini sa panglawas sa mga dili gapanigarilyo ug sa atong mga binuhing hayop.

Mga Vape ug E-cigarette

Unsa ang mga vape/ e-cigarette? Dunay daghang ngalan ang mga vape ug e-cigarette, lakip na ang mga e-cig, vape pen, vaporizer, electronic nicotine delivery systems (ENDS), ug uban pa. Molanghab og aerosol ang mga tiggamit og e-cigarette nga gihimo pinaagi sa pagpainit sa liquid (nga gitawag og ‘e-juice’). Daghang klase nga produkto ang mga e-cigarette ug mas daghan pang klase nga e-juice. Naglangkob sa lain-laing kemikal ang E-juice sa mga E-cigarette, lakip ang makaadik nga kemikal nga nicotine, nga gikan sa mga tanom nga tabako. Synthetic ang paggama sa “Nicotine nga walay tabako” pero parehas nga makaadik sama sa nicotine nga gikan sa mga tanom nga tabako.

Unsa ang mga short-term ug long-term nga epekto? Ang mga short-term nga epekto sa paggamit og e-cigarette naglakip sa pagpagana sa dapit sa utok nga may kalambigitan sa pagpagawas sa kalipay nga pagbati, ug makapabati sab sa mga tawo og pagkakusgan, pagkalipong, kasukaon, nadasig, o na-relax. Maghinungdan kini sa pagtaas sa presyon sa dugo, pagginhawa, ug rate sa kasingkasing, ug exposure sa mga kemikal nga hinimo pinaagi sa pagpainit sa mga coil sa device. Makaadik nga kemikal ang nicotine, mao nga ang paggamit og mga e-cigarette nga dunay nicotine mahimong mosangpot sa adiksyon sa pipila ka tawo. Wala pa mahibal-i ang mga long-term nga epekto sa paggamit og mga e-cigarette o sa pagka-expose kanila. Hinuon, walay mga negatibong epekto ang nicotine sa paglambo sa utok. Nagsugyot sab og mga kalambigitan sa mga chronic nga sakit sa baga ug hubak ang mga mitumaw nga data.

Marijuana/ Cannabis

Unsa ang marijuana? Gikan sa mga ugang parte sa mga tanom nga Cannabis ang marijuana. Dunay lain-laing dili pormal nga ngalan ang marijuana. Kasagarang ginayupyop ang marijuana nga nilikit sa papel o nilikit sa dahon sa tabako, sa yahong o bong, o ikonsumo nga ‘makaon’ o ‘mainom.’ Legal ang marijuana sa pipila ka nasud (ug daghang U.S. state) sa tibuok kalibutan sa kalingawan man (nagpasabot nga makakuha ang bisan kinsa nga anaa sa legal nga edad), o sa medikal (nagpasabot nga makakuha ang bisan kinsa nga anaa sa legal nga edad, nga dunay reseta sa doktor). Sa pipila ka nasud, posible nga mareseta ang mga droga nga dunay sulod nga mga cannabinoid (ang mga substansya nga makita sa tanom nga cannabis) sa mga tawo nga dunay talagsaong klase sa epilepsy, mga tawo nga kasamtangang nagpa-chemotherapy sa cancer, mga tawo nga nawad-an og gana nga may kalambigitan sa HIV/AIDS, ug mga tawo nga nakasinati og chronic nga kasakit.

Unsa ang mga short-term ug long-term nga epekto? Ang mga short-term nga epekto sa paggamit og marijuana mahimong maglakip sa nausab nga mga pamati, pagka-relax, katulgon, mga kausaban sa mood, paghupay sa kasakit, pagtaas sa gana, ug kalisod sa paghunahuna o pagsulbad sa mga problema. Wala pa mahibal-i ang mga long-term nga epekto sa marijuana ug gitun-an pa.

Mga Synthetic Cannabinoid

Unsa ang mga synthetic cannabinoid? Hinimo sa tawo ang synthetic cannabinoid nga gidisenyo aron mogana nga sama sa THC, ang pangunang psychoactive nga sagol sa marijuana. Gitawag sab nga synthetic marijuana ang mga synthetic cannabinoid. Mga gipaugang materyal ang mga synthetic cannabinoid nga murag potpourri tan-awon, ug yupyupon o kaonon isip makaon.

Unsa ang mga risgo? Dili sama sa marijuana, posible nga ma-overdose sa mga synthetic cannabinoid. Sekretong ginasagol sa uban pang droga ang mga synthetic cannabinoid, nga nagpataas sa risgo sa pagka-overdose.

Unsa ang mga short-term ug long-term nga epekto? Mahimong maglakip ang mga short-term nga epekto sa mga synthetic cannabinoid sa pagbati nga na-relax, limtanon, gikapoy, o gigutom. Mahimong makasinati ang mga tawo og mga halusinasyon, paranoia, paspas nga pagpitik sa kasingkasing, pagsuka-suka, kasamok, kalibog, kabalaka ug pagtaas nga presyon sa dugo. Wala pa mahibal-i ang mga long-term nga epekto sa pisikal nga panglawas sa mga synthetic cannabinoid.

Giresetang Mga Depressant

Unsa ang mga giresetang depressant? Mga pill ang mga giresetang depressant nga magpahinay sa aktibidad sa utok ug maghinungdan sa pagkakatulgon. Gitawag sab ang mga giresetang depressant nga mga benzo, benzodiazepine, mga pampakalma, o tranquilizer. Mahimong motumar sa mga giresetang depressant aron makatabang sa problema sa pagkatulog.

Unsay pamati niini? Ang mga giresetang depressant makapahimo sa tawo nga mobati ug pagkatulgon, pagkarelax, pagkalma, kakulangan sa koordinasyon, pagkalibog, nahisalaag. Ang mga simtomas sa withdrawal naglakip sa pagkasamok, kahigwaos, insomnia, sobra ka aktibong mga reflex, pangurog, pagtaas sa heart rate ug blood pressure, mga halusinasyon, mga pagtinguha, ug bisan mga seizure.

Unsa ang mga risgo? Posible nga ma-overdose sa mga giresetang depressant. Motaas ang risgo sa pagka-overdose kon tumaron ang mga giresetang depressant uban sa mga opioid o alkohol, kay makapahinay sa pagginahawa ang mga opioid, alkohol ug mga giresetang depressant. Magamit sa pagtambal sa pagka-overdose sa mga giresetang depressant ang usa ka droga nga gitawag og Flumazenil. Ang mga ambulansya ug emergency responders lang ang dunay access niini nga tambal.

Unsa ang mga short-term ug long-term nga epekto? Maglakip ang mga short-term nga epekto sa mga giresetang depressant sa nagkayuring nga sinultihan, kulang nga konsentrasyon, uga nga baba, paglisod sa pagginhawa, ug problema sa memorya. Wala pa mahibal-i ang mga long-term nga epekto sa pagtumar og mga giresetang depressant.

Cocaine

Unsa ang cocaine? Usa ka droga ang cocaine nga gihimo gikan sa pagproseso sa mga dahon sa tanom nga coca, nga lumad sa South America. Usa ka puti nga powder o bato nga kristal ang cocaine nga suyopon, yupyopon, o i-inject. Halos pareho sa kemikal ang cocaine ug crack cocaine. Ang nangunang kalainan mao ang paagi sa paggamit niini: suyopon, i-inject o tunlon ang cocaine nga powder, samtang yupyopon ang crack cocaine.

Unsa ang mga risgo? Posible nga ma-overdose sa cocaine. Motaas ang risgo sa pagka-overdose kon isagol ang cocaine sa uban pang droga o alkohol. Sekretong ginalusaw o ginasagol sab usahay ang cocaine sa uban pang droga, nga magpataas sa risgo sa pagka-overdose.

Unsa ang mga short-term ug long-term nga epekto?Maglakip ang mga short-term nga epekto sa paggamit og cocaine sa pagka alerto, dili mahimutang, pagkahinam, kalipay, paranoid, ug nasamok, taas nga temperatura sa lawas, ug taas nga heart rate. Ang mga tawo nga naggamit og cocaine magpakita sab og bayolente o usab-usab nga linihokan, psychosis, atake sa kasingkasing, stroke, mga seizure, o coma. Maglakip ang mga long-term nga epekto sa paggamit og cocaine sa mga kausaban sa utok, pagkawala sa panimaho, mga impeksyon, pag-ubos sa timbang, pagkadaot sa kasingkasing, ug pagkadaot sa baga.

Methamphetamine

Unsa ang Methamphetamine? Usa ka klase sa stimulant ang Methamphetamine (shabu) o mas ilado sa pangalang shabu nga puti nga powder o pill nga porma, samtang murag mga piraso sa bildo o sinaw nga mga bato tan-awon ang “crystal shabu”.

Unsa ang mga risgo? Posible nga ma-overdose sa shabu. Sa panahon karon, nagkataas ang mga pagka-overdose sa paggamit og shabu. Motaas ang risgo sa pagka-overdose kon isagol ang shabu sa uban pang droga o alkohol. Sekretong ginalusaw o ginasagol usahay ang shabu sa uban pang droga, nga magpataas sa risgo sa pagka-overdose.

Unsa ang mga short-term ug long-term nga epekto? Maglakip ang mga short-term nga epekto sa shabu sa pagkaalerto, dili makapugong, sobrang kalipay, dili makatulog, nakunhoran nga gana, taas nga heart rate, pagsaka sa blood pressure, pagkalipong, ug kasukaon. Para sa pipila ka tawo, mosangpot sab sa adiksyon ang shabu, ilabi na kon i-inject o yupyopon. Maglakip ang mga long-term nga epekto sa shabu sa bayolenteng kinaiya, kahigwaos, mga delusyon, mga halusinasyon, insomnia, hilabihan nga pag-ubos sa timbang, grabeng mga problema sa ngipon, pagkalibog, ug grabeng pagpangatol.

Mga Giresetang Stimulant

Unsa ang mga giresetang stimulant? Mga tambal ang mga giresetang stimulant nga gigamit sa pagtambal sa attention-deficit hyperactivity disorder (ADHD), narcolepsy (kalit ug dili makontrol nga pagtulog), ug hubak.

Unsa ang mga risgo? Posible nga ma-overdose sa mga giresetang stimulant. Motaas ang risgo kon tumaron uban ang alkohol.

Unsa ang mga short-term ug long-term nga epekto? Maglakip ang mga short-term nga epekto sa mga giresetang stimulant mao ang pagtaas sa heart rate og blood pressure, nikipot nga mga ugat sa dugo, taas nga blood sugar, ug naabling mga agianan sa pagginhawa (nga makatabang sa mga tawo nga dunay hubak). Maghinungdan kini aron mobati ang mga tawo nga dili katulgon, alerto, kusgan, nasamokan, o agresibo. Sa mga taas nga dosis, ang mga giresetang stimulant mahimong mosangpot sa delikadong taas nga temperatura sa lawas ug dili regular nga pitik sa kasingkasing, mga atake sa kasingkasing, ug mga seizure. Maglakip ang mga long-term nga epekto sa paranoia, psychosis, kasuko, ug mga problema sa kasingkasing.

MDMA

Unsa ang MDMA? Gitawag sab nga molly o ecstasy ang MDMA.Usa kini ka pormang powder o mga pill nga pwedeng himuon nga lainlaing porma ug kolor.

Unsa ang mga risgo? Talagsaon para sa usa ka tawo ang pagkamatay tungod sa pagka-overdose sa puro nga MDMA. Pero motaas ang risgo sa pagka-overdose kon isagol ang MDMA sa uban pang droga.

Unsa ang mga short-term ug long-term nga epekto? Ang short-term effect sa MDMA mao ang lowered inhibitions, pag-enhance sa mga sensory perception, pagsaka sa heart rate og blood pressure, kasukaon, pagkakuyap, pagpaningot o pangurog, ug kalit nga pagtaas sa body temperature. Wala mahibal-i ang mga long-term nga epekto pero maapektuhan niini ang memorya.

Mga Psychedelic/ Hallucinogen

Unsa ang mga psychedelic? Gitawag kasagaran nga mga hallucinogen ang mga psychedelic. Dunay daghang klase sa mga psychedelic. Usa niini ang mga synthetic, o hinimo sa tawo nga droga sama sa LSD ug PCP, psilocybin nga makita sa mga mushroom, o DMT (ayahuasca) ug peyote (mescaline) nga makita sa mga tanom o gihimo sa laboratoryo. Sa mga laing nasod, gamiton ang psychedelic para sa therapy, para sa mga naay mental health condition sama sa PTSD. Sa pipila ka mga netibo ug katutubo sa tibuok kalibutan, gigamit ang psychedelic nga ayahuasca ug mescaline para sa mga relihiyosong ritwal.

Unsa ang mga risgo? Dili lagmit ang pagka-overdose sa usa ka tawo gikan sa mga puro nga psychedelic, pero motaas ang risgo sa pagka-overdose kon isagol sa uban pang droga.

Unsa ang mga short-term ug long-term nga epekto? Ang mga short-term nga epekto sa paggamit sa psychedelic mao ang pag-usab-usab sa emosyon, pagkasinati sa mga sensasyon o visions, ug maghinungdan sa pagbati og euphoria, pagka energetic, o kahigwaos, paglisod sa paghunahuna, pakigistorya sa uban o pag-ila sa realidad, pagtaas sa blood pressure og heart rate, pagkalipong ug pagkawala sa gana. Talagsaon ang mga long-term nga epekto gikan sa mga psychedelic, pero posible na makasinati og paranoia, pag-usab-usab sa mood, o pagkasinati og halusinasyon sa panan-aw.

Ketamine

Unsa ang ketamine? Synthetic nga droga ketamine nga gamiton sa mga medical provider og beterenaryo isip anestisya para sa kasakit.

Unsa ang mga risgo? Posible nga ma-overdose kon mogamit og ketamine. Motaas ang risgo sa pagka-overdose kon gamiton kini uban sa lain pang droga o alkohol.

Unsa ang mga short-term ug long-term nga epekto? Maglakip ang mga short-term nga epekto sa ketamine sa mga problema sa atensyon, pagkat-on, memorya, pagkamalipayon, pagkabalaka, pagkasinati sa mga halusinasyon, pagkawala sa panimuot o dili motubag, pagsaka sa blood pressure og paglisod sa pagginhawa. Ang mga long-term nga epekto sa ketamine mao ang depresyon, isyu sa memorya, ulcer, mga kasakit sa tiyan o pantog, ug problema sa kidney.

Nitrous Oxide ug uban pang Inhalant

Unsa ang mga inhalant? Ang inhalant usa ka klase nga substansya nga langhabon o hanggapon sa mga tawo. Naglakip sa lain-laing produkto ang mga inhalant, sama sa mga spray nga pintal, mga marker, glue, ug mga produkto nga gamiton panghinlo. Nitrous oxide (nailhan sab nga nitrous, whippets, whip-its) mao ang laing klase sa inhalant. Kasagaran dali ra mawala ang epekto sa mga inhalant sa pipila ka minuto.

Unsa ang mga risgo? Concentrated sa mga puro nga kemikal ang inhalant maong posible nga ma-overdose gikan sa usa lang ka sesyon og moresulta sa pagkamatay. Mao kini ang ginatawag nga “sudden sniffing death.”

Unsa ang mga short-term ug long-term nga epekto? Ang short-term nga sa mga inhalant mao ang kasukaon, pagkalipong, paglisod sa pagistorya, euphoria, pagkahubog, pagkalipay, kulang sa koordinasyon, katulgon, kakuyapon, mga halusinasyon o mga delusyon, labad sa ulo, heart failure, seizure, coma o kamatayon tungod kay dili makaginhawa. Ang mga long-term nga epekto sa mga inhalant mao ang pagkadaot sa atay, kidney, pagkadaot sa bone marrow, mga ugat, ug sa utok nga maghinungdan sa mga problema sa panghunahuna, paglihok, panan-aw, ug pandungog.

Mga Over-the-Counter (OTC) nga Tambal

Unsa ang mga over-the-counter nga tambal? Makatabang ang mga Over-the-counter OTC nga tambal sa pagpaubos sa hilanat, kasakit, kalibanga, o mga allergy. Makasinati og mga psychoactive nga epekto ang pipila ka OTC nga tambal kon masayop og gamit – sama sa mga tambal sa allergy nga dunay diphenhydramine, mga tambal sa ubo nga dunay Dextroshabuorphan/ DXM (kasagarang dunay “DM” ang ngalan sa tambal), o mga tambal sa kalibanga nga dunay Loperamide.

Unsa ang mga risgo? Posible nga ma-overdose sa tanan niining OTC nga tambal. Epektibo ang Naloxone aron tabangan ang usa ka tawo nga na-overdose sa mga tambal sa ubo nga dunay DXM.

Unsa ang mga short-term ug long-term nga epekto? Ang mga short-term nga epekto sa paggamit niining mga OTC nga tambal mao ang halusinasyon, euphoria, pagka energetic, dili mahimutang, paglisod sa pagistorya, pagsaka sa heart rate og blood pressure, mga problema sa kasingkasing, seizure, pagkalipong, kasukaon o pagsuka-suka. Wala pa mahibal-i ang mga long-term nga epekto sa paggamit niining mga OTC nga tambal.

I-share imong mga kasinatian sa TikTok

Maayo nga platform ang TikTok aron dasigon ug tudloan ang komunidad pinaagi sa pag-share sa imong kaagi bahin sa kon sa unsang paagi nakaapekto kanimo ang paggamit og substansya. Makatabang kini og makasuporta sa uban ang imong kaagi. Ang mga miyembro sa komunidad ang gapagana sa TikTok. Duna kitay katungdanan nga himoong safe and positive nga plataporma ang TikTok.

Pero usa ka importanteng personal nga desisyon kon imo bang i-share ang imong kaagi. Kon makadesisyon ka sa pag-share sa imong kaagi, palihug hunahunaa ang content nga imong i-share, kay tingali makatrigger kini o makasuko sa uban. Mahimong mangutana sab ang mga tawo o mo-share sa ilang mga kaugalingong kasinatian paghuman nga madungog ang imong kaagi. Duna sab mi nabuhat nga mas kinatibuk-ang well-being guide kon gusto nimong mobasa bahin sa pag-share sa bisan unsang kaagi nga duna ka bahin sa mental health.

Sa dili pa i-share sa TikTok ang imong mga kasinatian sa paggamit og substansya, pangutan-a una ang imong kaugalingon:

Kinsa imong gusto nga makakita sa imong kaagi? Gusto ba nimong i-share lamang sa imong mga amigo ug pamilya, o sa mas dako nga audience?
Unsa ang imong mga rason sa pag-share? Para ba sa imong kaugaligon, o para sa uban?
Makatabang ba ang pag-share sa imong kaagi sa imong kaugalingon o sa uban? Makadaot ba kini?
Kon ang imong kaagi bahin ba sa paggamit og substansya sa laing tawo, unsay ilang bation kon makita nila ang imong post? Naghatag ba sila og pagtugot para i-share nimo ang kaagi nila?
Unsaon nimo pag-react sa mga comments? Ang imong post posible nga mahimong rason para sa uban nga mag- share sa ilang mga kaagi, o magpaambit og mga opinyon nga usahay lisod paminawon.

Paghuman sa pagpangutana sa kaugalingon ug nakadesisyon nga gusto nimong i-share ang imong kaagi, ania ang pipila ka suggestion para sa imong post:

Kon bahin sa recovery ang imong post, paggamit og mga recovery-oriented nga hashtag aron maapil sa mga conversation sa TikTok (example, #recoverytok, #addictionawareness, #quitsmoking, #fentanylawareness).
Saimong kaagi, ayaw idamay ang uban tawo o magshare ug mga tsismis bahin sa mga kasinatian sa ubang tawo sa paggamit og substansya, treatment, o recovery. Ayaw i-reference ang laing tawo, gawas kon gitugotan ka nila sa pag-share.
Dasiga ang mga tawo sa pagpangita og suporta, ug ikonsiderar ang pag-apil sa mga local hotline sa imong video ug caption.
Lain-laing kasinatian ang mga tawo, mao nga likayi ang pagkumpara sa imong mga kasinatian sa uban. Kon motubag ang mga tawo sa imong kaagi, magmahunahunaon ug pagpakita og empatiya.

Unsaon nako pag-apil sa RecoveryTok nga komunidad?

Nakita namo ang among community members nga gagamit sa mga hashtag nga #recoverytok, #sobertok, #addictionawareness, #sobercurious #sobernative, #blackandsober, #soberlatina, #sobergay, #soberlesbian, ug #transandsober nga gahatag og plataporma sa pakigsultihanay, pagkat-on, ug pagdasig.

Kon nangita ka og mga matinabangong komunidad diin ma-share nimo ang imong kasinatian sa recovery, mahimo nga magkonekta sa uban pang miyembro sa komunidad nga dunay mga susamang kasinatian o pagtan-aw lang og pipila ka mga TikTok, maayong starting point kining mga hashtag.

Samtang gipili namo nga dili gamiton ang term nga “sober” o “nahuwasan” (kay maka-stigma kini sa pipila ka tawo) sa TikTok, suportahan namo ang mga tawo nga magpaila sa ilang kaugalingon sa ilang gusto. Gidasig namo ang mga tawo nga mangita og mga komunidad pinaagi sa ilang kaugalingong kailhanan.

Na-pressure ba sa pagsulay og mga droga, alkohol o tabako?

Ang mga amigo, classmate, kauban sa trabaho, ug uban pa, kay importante sa atong kinabuhi. Pero sila usahay ang magdasig kanimo sa pagbuhat sa mga butang nga dili ka komportable sama sa pagsulay sa mga substansya o paggamit niini sa mga delikadong paagi. Mahitabo kini sa personal o sa online, ug mahimong lisod kini likayan. Ania ang pipila ka butang nga hinumdoman nga mahimong makatabang:

Hinumdomi nga wala ka nag-inusara. Kadaghanan sa mga tawo dili gagamit og droga.
Andama ang imong kaugalingon. Hibal-i kon unsaon nimo pagtubag kon ang usa ka tawo magtanyag kanimo og mga droga, tabako o alkohol.
Pangita og tawo nga imong masaligan nga masultihan nimo – mahimong kini imong ginikanan, igsuon, o higala. Usa ka tawo nga masiligan nimo nga maminaw ug makatabang kanimo sa paghibalo kon unsaon pagsulbad sa lain-laing sitwasyon.
Sulayi ang lig-on ug klaro nga pagsulti og ‘dili’, nga dili himuong big deal ang bahin niini. Kon mosulay sila sa pag-usab sa imong hunahuna, pabilin sa imong baruganan.
Hatagig atensyon ang imong gibati. Kon paminaw nimo murag dunay sayop sa sitwasyon, dili tingali kini sakto – bisan pa og okay ra niini ang imong mga higala.
Kon naglisod ka sa pagpabiling tinuod sa imong kaugalingon kon makig-uban sa pipila ka tawo, tingali panahon na aron mangita og bag-ong grupo nga makauban.

Kon duna kay mga pangutana bahin sa lain-laing klase sa mga droga, tan-awa ang uban pang seksyon niini nga page o bisitaha ang Talk to Frank para sa dugang impormasyon.

Resources ug Mga Crisis Line

Dunay suporta dinha para sa mga tawo nga nangita og tabang. Kon interesado ka sa mga resource para sa imong kaugalingon o para sa uban tawo, ania ang pipila ka makatabang nga tool sa pangpangita aron makakita og mga lokal nga opsyon para sa pagtambal, suporta, ug recovery sa imong lugar:

Unsaon pagreport sa makapabalakang content sa TikTok

Ang pagkahimong kabahin sa komunidad sa TikTok nanginahanglan ug pagsiguro nga suportado ang imong kaubang miyembro sa komunidad. Kami nagdasig kanimo sapagpahibalokanamo kon nibati ka og kabalaka bahin sa member sa platform, o magreport kon duna kay nakitang butang nga paminaw nimo dili angay sa TikTok.

Aron magpabiling safe ug positibo ang among komunidad, among gi-empower ang among komunidad sa report og content nga batok sa among Community Guidelines. Anonymous ang tanan namong report, nagpasabot nga dili pahibal-on ang orihinal nga nag-upload sa imong kailhanan kon makadesisyon ka nga magreport ang bahin sa content!

Unsaon ang anonymous nga pagreport og video:

Kon duna kay makitang video sa TikTok nga nagtuo ka nga nakalapas sa among Community Guidelines, palihug report kini kanamo.

Aron magreport og video sa imong TikTok app:

Adto sa video nga kinahanglan ireport.
I-press ug pindota og dugay ang video.
Pilia ang Report, pindot sa ‘Illegal activities and regulated goods’ ug isubmit ang report sa ‘Drugs and controlled susbtances’.
Pwede sab gamiton ang among online form aron magreport og content sa TikTok

Unsay mahitabo paghuman report bahin sa content:

Naggamit mi og kombinasyon sa human and machine moderation aron masusi ang among content para sa mga violations sa Community Guidelines, para matimanan og nahiangay nga aksyon.
I-update namo ang status ug progress sa imong report sa imong Inbox.

Para sa mga ginikanan ug tig-atiman: Unsaon pagpakigsulti sa usa ka bata bahin sa paggamit og substansya

Dunay importanteng impluwensya ang mga ginikanan sa kinabuhi sa mga bata, duna silay dakong katungdanan sa mga kasinatian sa bata sa paggamit og substansya. Pero mahimong lisod ang pakigsulti sa usa ka bata bahin niini. Ania ang pipila ka tip para sa pakigsulti sa usa ka bata bahin sa paggamit og substansya.

Hibal-i kon unsay nahitabo

Usahay magsugod ang mga bata sa pag-eksperimento sa mga substansya kon itanyag sa ilang mga amigo. Kon duna silay kauban nga mga amigo, pangumusta ug mag paila-ila ka sa ilaha.
Dasiga sila sa sa pag-apil sa mga aktibidad nga sila ma-enjoy, ug pakigila-ila sa mga magtutudlo, coach, o instructor aron mangutana kon kumusta sila.
Pagtanyag og suporta ug pagdasig sa imong anak.

Kailangan nga open ka sa pakig-istorya sa ilaha bahin sa paggamit og substansya

Likayi ang pagpamadlong. Pangayoa ang ilang opinyon, ug ipabiling open ang hunahuna. Ipakita nga nakasabot ka kon unsa ka lisod kini sa ilang edad, ug anaa ka aron suportahan sila.
Hunahunaa kon unsaon nimo pagtubag kon pangutan-on bahin sa imong mga kaugalingong kasinatian sa paggamit og substansya. Kon nigamit ka og substansya kaniadto, makabatabang ang pag-share sa imong mga natun-an gikan niadtong mga kasinatian.
Dunay daghang mga resource nga makatabang kanimo sa pakigsulti bahin sa paggamit og substansya. Dunay mga punto sa pakigsulti ang Partnership to End Addiction ngagipahaomsa lain-lainggruposaedad, ug mga punto sapakigsulti para makighisgotsausa ka teenager.

Uban pang pwede nimong buhaton

Pagpatuman og mga rules and consequences – pero tagaan sab sila og mga solusyon. Pananglitan, pwede nimong ipasabot nga dili gayud maayo nga mosakay sa sakyanan nga naay tawo nga nakainom og alkohol. Pero kon anaa sila sa sitwasyon nga kinahanglan nila og masakyan pauli, pwede silang motawag kanimo og magpakuha, nga walay daghang pangutana.
Hibal-i ang mga aktibidad ug kon asa ang imong anak.
Kon duna kay mga giresetang tambal o mga over the counter nga tambal sa balay, i-track kini sila.

Disclaimer

Dili maghatag og mental health o medikal nga serbisyo ang mga resource sa TikTok. Dili kini substitute para sa medikal, psychological, o psychiatric nga diagnosis, panambal, o tambag ang “Mga Resource sa Suporta sa Substansya” sa TikTok. Para sa pang-impormasyon ug pang-edukasyon nga gamit lamang ang content nga gihimo sa TikTok. Ayaw pagpasagad o langana ang pagpangita og propesyonal nga tambag tungod lamang sa availability sa mga serbisyo o pang-edukasyon nga mga materyal sa TikTok.

_{show more}

Kon anaa ka o laing tawo sa krisis o nanginahanglan ug immediate medical attention, tawagi ang mga local contact line sa medical emergency. Kinahanglang hinumdoman sa mga TikTok user nga ang resposibilidad sa safety sa uban tawo dili lamang imoha; available ang uban para motabang. Dili nimo kinahanglang moapil niining mga panagsultihanay kon ikaw dili ka andam niining mga sitwasyon.

Kini nga safety center gihimo uban sa ekspertong konsultasyon gikan sa The Public Good Projects. Espesyal nga pasalamat sa Song for Charlie, We Are With You, Talk to Frank, Truth Initiative sa pagtabang sa pagmugna niini nga resource.

_{^{show less}}