Paglikay sa Manga-ngaway dinhi sa TikTok

Ang TikTok usa ka kuminidad sa mga nagka lain laing mga tawo nga nagkada-iya sad og kahibalo o kaagi. Sila nagakatigum aron magpadayag sa ilang kaugalingon, makahatag og kalingawan o kalipay sa uban og aron sad makadasig sa uban nga mahimong mamugna on. Sama sa among guipahibalo sa among Mga Tamdanan sa Komunidad, ang madumtanon o pala away nga pamatasan dili uyon sa systema sa TikTok kay amo guihatagn og balor ang nag ka-lain laing mga tawo nga pueding mahimong membro sa kumunidad sa TikTok. Kini isip among protekta sa kumindad sa TikTok.

Unsa ang mga posts nga dili angay Makita sa TikTok

Ang pang-atake, panghulga, pangdaot o pagpost nga naka minus sa usa ka indibidwal o grupo ang mga ehimplo sa mga posts nag dili angay ibutang sa TikTok. Naglakip sad kini sa mga pagdumot o pag pangaway sa ubang mga tawo tungod sa ilang kaliwatan, etnisidad, nasudnong gigikanan, relihiyon, istado, oryentasyong seksual, sekswalidad, kinatawhan, identidad sa kinatawhan, seryoso nga sakit, pagkabaldado ug mga tawo gikan sa ubang nasod. Ang mga pang-atake nga puntarya ang usa ka indibidwal o grupo mahimong isipon nga pagdaogdaog o pagpang-harass.

Pag-spot sa madumtanong posts online

Ang madumtanong post mahimong ipahayag pinaagi sa bisan unsang porma, lakip na ang mga imahe, cartoon, meme, butang, lihok ug mga simbolo, ang pipila niini dili kaayo klaro. Nahibawan sa mga akademikong pag-tulon an nga ang pipila sa mga kasagarang tema nga gigamit sa mga grupo aron makakuha og mga followers ug ipakaylap nila ang ilang madumtanong mensahe:

• Mga Lahi nga tawo: Kadali lang madumtan ang mga tawo nga lahi sa uban. Ang tawo nga lahi sa kadaghanan tungod kay lain ang ilang kinaiyahan , ilang panan aw o mithi sa kinabuhi ang kasagarang mabiktima sa mga madumtanong posts.
• Paglutos ug Pagpabiktima: Laing pamaagi sa pagpakaylap sa pagdumot mao ang pa pakita nga sila ang mga biktima sa mga taong lahi ra sa ilaha. Ilang basolon ang mga taong lahi ra nila nga mao ang hinungdan sa ilang kahimtang karon og ila silang guitudlo nga mao ang problema aron maka kabig silag uban nga mo dapig kanila og mo apil og dumot sa mga tawong lahi ra nila.
• Ang Superiority Complex: Mao kini ang pagdumot nga taas ra sila sa ilang pag tanaw og ang ubang tawo nga lahi ra nila, ubos ra sa ilang pagtan aw. Ilang daygon ang usa ka gropo nga taas sa ilang pag tanaw samtang ilang daoton ang mga tawo nga lahi ra nila.

Gamit kini nga mga tema, i-target sa mga madumtanong grupo ang ilang mga biktima pinaagi sa lainlaing taktika:

Unsa ang angay buhaton kung makasinati og pagdumot sa TikTok?

Kung sa inyong pagtan aw adunay mi atake kaninyo o sa ubang membro sa kumunidad tungod sa inyong identidad o pagkatawo, kinahanglan ipahibalo ninyo kini kanamo dire sa TikTok. Dili sayon nga mailhan ang pagdumot kay kinahangalan pod mabalanse kun misobra na ba kini sa ilang katungod sa pagsulti og libre. Mahimong dili namo kini kanunay nga mahibaw an og igsakto, apan makatabang ang imong feedback o pagsulti kanamo aron mapadayon namo ang pagsusi og papalambo ang among mga polisiya, sistema ug produkto og ma protektahan ang mga membro sa kumunidad.

Kung ang biktima usa ka tawo nga imong kaila, pagpangumustaha sila aron magka-istoryahay kamo bahin kung unsa ang iyang naagian.
Ang pag-atake sa imong identidad o pagkatawo mahimong sakit ug makaguol, maong ang TikTok dili motugot sa mga mga pag-atake dinhi sa among platform. Gidasig ka namo sa paggamit og lain-laing tool aron malikayan nimo ang mga pagataki sa TikTok og aron usab maprotektahan ang imong kaugalingon ug magpabiling layo gikan sa mga tawo nga adunay daotang tinguha.

Wala’y bisan kinsa nga angay atakehon tungod sa ilang identidad o pagkatawo. Hinaot unta nga makatabang kami kanimo og magpabilin ang nimong pagsalig dire namo og kanunay kaming andam nga mo alagad og mo suporta kanimo sa panahon nga adunay moatake kanimo pinagi sa madumtanong post.