Kaayohan sa Hayop

Sa TikTok, nagatukod mi og global nga komunidad diin ang mga tawo makahimo, makadiskubre sa kalibutan sa ilang palibot, ug makakonekta sa uban sa tibuok kalibutan. Komitado mi sa pagmintinar og masuportahon nga palibot alang sa among nagadako nga komunidad. Naglakip kini sa paghatag og espasyo alang sa mga tag-iya sa binuhi ug mga mahigugmaon sa hayop nga ma-share ug ma-enjoy ang content nga may kalabutan sa hayop.

Ginadili namo ang bisan unsang content nga naga-promote, nagahimaya, o naga-normalize sa kapintasan batok sa mga hayop o sa pag-antos sa mga hayop. Aron matabangan nga masiguro nga magpabiling luwas ug makalingaw nga lugar para sa tanan ang TikTok, nagagamit mi og mga kombinasyon sa teknolohiya ug team sa pag-moderate sa pag-ila, pagsusi, ug paghimo og aksyon batok sa content o mga account nga naglangkob o naga-promote sa pag-abuso o kabangis sa hayop. Nagpabilin mi nga komitado sa kanunay nga pagpauswag sa among mga paningkamot sa pagpugong ug pagtangtang sa bisan unsang content nga may kalabutan sa hayop nga nakalapas sa among mga palisiya.

Unsa ang pag-abuso sa hayop?

Naglakip ang pag-abuso sa hayop sa pagdapat og pisikal o sikolohikal nga kadaot o pagdaot sa usa ka hayop. Naglakip kini sa paggamit og pwersa batok sa mga hayop nga mahimong hinungdan sa mga pisikal nga kadaot, pagdumili sa paghatag sa hayop og pangunang pagkaon, tubig, pagkalimpyo, o mga medikal nga panginahanglanon, pagdaot o paghatag og kasakit sa hayop alang sa kalingawan, ug pagpailalom sa mga hayop sa mapintas o dili tawhanon nga mga gawi.

Unsaon pag-ila sa pag-abuso sa hayop?

Sugdi pinaagi sa paglikay sa paglihok o paggawi sa mga buhat nga makahatag og kasakit o kadaot sa mga hayop. Ania ang pipila ka mga timailhan sa pag-abuso sa hayop nga kinahanglan nimong mahibal-an (dili kumpleto):

Paghulagway sa agresyon ug/o kapintasan ngadto sa hayop, sama sa pagsipa o pagbunal
Pagsinggit ug pagpailalom sa usa ka hayop sa kanunay nga kasakit sa pandungog
Dili angay nga pagpakaon sa mga hayop og pagkaon nga makadaot o makahilo kanila
Gipasiugdahan o pinugos nga panag-away sa mga hayop, diin gibansay o gipugos ang mga hayop sa pag-atake sa matag usa sa mga mapintas nga komprontasyon nga adunay risgo sa grabeng kadaot o kamatayon
Pagkawala sa husto nga kondisyon sa pagkalimpyo nga makaapekto sa kahimsog ug kaayohan sa mga hayop
Pagkawala sa saktong medikal nga pag-atiman kung adunay ebidensya sa kadaot (e.g. Pagkiang, pagdugo, o nabali nga ikog)

Makahimo usab ka og kalainan

Adunay daghang paagi aron makahimo kita og kalainan sa pagsaulog ug pag-atiman sa mga hayop. Ania ang pipila ka mga paagi nga ikonsiderar, basta kini mahimo ug angay nga buhaton:

Kung nanag-iya ka og binuhi, mahimong responsable ug buotan. Pangandam alang sa pag-atiman sa imong binuhi sa dili pa siya biyaan nga mag-inusara. Unsa pa, paglabaw sa pangunang panginahanglan sa imong mga binuhi pinaagi sa paghatag kanila og mga positibong kasinatian aron ma-enhance ang ilang kaayohan.
Tudloi ang mga bata sa pagtahod sa mga hayop. Pagpakita og maayong ehemplo pinaagi sa pagtagad sa mga hayop nga adunay gugma ug konsiderasyon, pag-share kanila kung unsa ang hustong pakig-interact sa mga hayop, ug pag-awhag kanila nga mahimong mga manlalaban sa kaayohan sa hayop kung modako na sila.
Ikonsiderar ang pag-share og dili graphic nga pang-edukasyon nga content nga magpataas sa kahibalo bahin sa pag-abuso ug kaayohan sa hayop sa angay nga paagi. Magpataas ang pagbuhat niini sa kahibalo sa importansya sa pagpangilabot kung gipasagdan o gipasakitan ang mga hayop.
Ikonsiderar kung makatabang ba ka sa mga tawo nga nabug-atan sa pag-atiman sa ilang hayop. Mahimong mahitabo ang pagpabaya sa mga hayop sa lainlaing rason. Pananglitan, mahimong walay sikolohikal o pinansyal nga mga resource ang tag-iya aron mahatagan ang hayop og angay nga pag-atiman. Makahimo ang imong tabang og kalainan sa pagtabang sa binuhi nga makadawat og pag-atiman nga gikinahanglan niini ug pinaagi sa pagtabang sa binuhi, mahimong makatabang usab ka sa laing tawo.
Pag-donate sa pinansyal o pagboluntaryo sa imong oras sa mga tawhanon nga puy-anan sa hayop ug organisasyon aron masuportahan ang ilang importanteng trabaho.

Mapuslanon nga Resources

Kung makakita ka og higayon sa pag-abuso sa hayop sa platform sa TikTok, giawhag ka namo nga itaho kini pinaagi sa dugay nga pagpindot sa content, pagpindot sa “Itaho” ug pagpili sa may kalabutan nga rason o pinaagi sa among online online nga form. Ania ang pipila ka mga pananglitan sa mga organisasyon nga mahimo nimong kontakon aron makahibalo pa bahin sa pag-abuso sa hayop.

Disclaimer

Nagsilbi kini nga giya sa paghatag og impormasyon alang sa edukasyon sa user. Wala mi nikita gikan sa paghatag sa maong impormasyon, ni ang impormasyon direkta nga gihimo isip resulta sa kooperasyon o pakig-uban sa mga nakalista nga eksternal nga organisasyon.