Privacy at Seguridad
Huling na-update, Mar 2023
Alam namin na mahalaga ang pagprotekta sa iyong mga karapatan sa privacy at personal na impormasyon, at pagpapanatiling ligtas ng aming plataporma para mapanatili ang iyong tiwala at matiyak ang iyong kaligtasan.
Personal na Impormasyon
Puwedeng makita ng kahit sino ang content na ibinabahagi online, at may malawak na abot. Nakatuon kami sa pagtiyak na anumang personal na impormasyon na ibinahagi sa TikTok nang sadya o bilang aksidente ay hindi magdudulot ng pinsala. Hindi namin pinapayagan ang content na naglalaman ng personal na impormasyon na posibleng lumikha ng panganib ng pagmamanman, karahasan, phishing, pandaraya, pagnanakaw ng pagkakakilanlan, o pinansyal na pananamantala. Kasama rito ang content na na-post mismo ng isang tao o pumayag sila na ibahagi ito sa iba.
Kung sa tingin mo ay nalabag ang privacy mo, puwede mo itong i-report.
Karagdagang impormasyon
HINDI pinapayagan
- Mga personal na hindi pampublikong numero ng telepono at address ng bahay
- Pinansyal at impormasyon sa pagbabayad, gaya ng bank account at mga numero ng credit card
- Impormasyon sa pag-login, gaya ng mga username at password
- Dokumentasyon ng pagkakakilanlan, mga card, o numero, gaya ng mga numero ng passport, ID na inisyu ng gobyerno, at numero ng social security
- Mga pagbabanta o panghihikayat na ibahagi ang personal na impormasyon o para i-hack ang account ng isang tao
Seguridad sa plataporma
Nagtatrabaho kami nang husto para protektahan at ingatan ang mga tao at impormasyon sa TikTok. Hindi namin pinapayagan ang: (1) access sa anumang bahagi ng TikTok sa pamamagitan ng mga di-awtorisadong paraan; (2) mga pagtatangka na makuha ang sensitibo, kumpidensyal, komersyal, o personal na impormasyon; o (3) anumang pang-aabuso sa seguridad, integridad, o pagkamaaasahan ng aming plataporma.
Dapat mong iwasan ang pag-click sa mga kahina-hinalang link o pagsagot sa mga paghingi ng impormasyon hinggil sa mga detalye ng account, password, kuwalipikasyon sa pag-beripika, at iba pang personal na impormasyon mo sa TikTok. Alamin pa ang tungkol sa aming estratehiya sa privacy at seguridad sa plataporma.
Karagdagang impormasyon
HINDI pinapayagan
- Pagbibigay ng access sa mga detalye sa pag-log in ng account mo sa iba o pagbibigay-daan sa iba na magsagawa ng mga aktibidad na lumalabag sa aming Mga Patnubay sa Komunidad
- Pag-access sa aming plataporma sa hindi awtorisadong paraan, o paglikha ng mga pekeng bersyon ng aming plataporma
- Pagbabahagi ng mga malisyosong file, content, at mensahe na naglalaman ng mga virus, Trojan horse, worm, logic bomb, o iba pang nakakapinsalang materyal na nagsasapanganib sa seguridad ng cyberspace
- Pagtatangkang makuha ang personal na impormasyon (gaya ng detalye sa pag-login) o pag-access ng content, mga account, mga sistema, o data sa pamamagitan ng paggamit ng anumang mapanlinalang na estratehiya (gaya ng phishing, smishing, mga automated script, at web crawling)
- Pagbabago, pag-adapt, pag-translate, pag-reverse engineer, pag-disassemble, pag-decompile, o paglikha ng anumang derivative na produkto na nakabatay sa TikTok, kabilang ang anumang file, table, o dokumentasyon, at pagtatangka na i-regenerate ang anumang source code, algorithm, pamamaraan, o estratehiya na nakapaloob sa TikTok