Pagpapatupad
Huling na-update, Mar 2023
Mga Pagbubukod para sa Pampublikong Interes
Kinikilala namin na posibleng nasa interes ng publiko para makita ang ilang content na malamang na lalabag sa aming mga alituntunin. Hindi ito basta tumutukoy sa kung ano ang posibleng makakuha ng interes ng publiko. Ang pampublikong interes ay tumutukoy sa mga paksa na nagbibigay ng kaalaman, inspirasyon, at edukasyon sa komunidad at pinahuhusay ang pagsasaalang-alang ng mga bagay na may malawak na kahalagahan. Posible naming payagan ang content na manatili sa aming plataporma sa ilalim ng isa sa mga sumusunod na pagbubukod para sa interes ng publiko:
- Dokumentaryo
- Pang-edukasyon
- Medikal at Siyentipiko
- Counterspeech
- Satirical
- Malikhain
Gumagamit ng parehong pamantayan ang aming estratehiya sa pag-moderate ng content, sinuman ang gumawa ng content. Konteksto ang pinakamahalagang salik na isinasaalang-alang namin sa mga pagbubukod para sa pampublikong interes, gaya ng mga caption, voice over, at kahawig na signal. Hinihikayat namin ang mga creator na malinaw na ipakita ang konteksto para maging madali ang proseso namin ng pagsusuri.
Posible kaming magdagdag ng mga karagdagang hakbang para sa kaligtasan para sa ilang content na pinapayagan sa ilalim ng pagbubukod para sa pampublikong interes, gaya ng “opt-in” screen o babalang impormasyon. Hindi kami nagbibigay ng pagbubukod para sa publikong interes para sa content na may kapansin-pansing antas ng pinsala, gaya ng pagpapakita ng pananamantala ng kabataan o pagpo-promote ng terorismo.
Pag-detect at Pagre-report
Hangarin naming alisin ang content o mga account na lumalabag sa aming mga patnubay bago sila makita o maibahagi ng ibang tao para mabawasan ang posibleng pinsala. Ang content sa TikTok ay dumadaan muna sa teknolohiya na nagsusuri nito kung lumalabag sa aming mga patnubay. Kung matukoy na ang content ay isang posibleng paglabag, awtomatiko itong aalisin, o mamarkahan para sa karagdagang pagsusuri ng aming trust & safety team. Magkakaroon ng karagdagang pagsusuri kung ang isang video ay naging sikat o nai-report.
Puwedeng i-report ng mga miyembro ng komunidad ang mga paglabag sa app at sa aming website. Kung may natuklasan kang content o mga account na posibleng lumalabag sa aming mga patnubay, ipaalam ito sa amin para makagawa kami ng angkop na aksyon kung kinakailangan.
Alamin pa ang tungkol sa aming mga pagsisikap sa pagpapatupad sa pamamagitan ng aming Transparency Center.
Abiso at mga Apela
Sa pagtupad sa aming pangako na tiyakin na magiging patas ang proseso, nagbibigay kami ng mga abiso sa mga miyembro ng komunidad kung nalabag nila ang aming mga alituntunin. Kung nag-post ka ng video, audio, o nag-livestream ng content na hindi namin pinapayagan, aabisuhan ka namin sa app at ipapaalam sa iyo ang dahilan ng paglabag. Kung na-ban ang account mo dahil sa isang paglabag, makakatanggap ka ng isang banner notification sa susunod mong pagbukas ng app, na nagsasabi sa iyo tungkol sa pagbabagong ito sa account.
Kung nakatanggap ka ng abiso sa paglabag ng content o pagka-ban ng account at sa tingin mo ay may pagkakamali rito, puwede mong iapela ang desisyon. Puwede mong tingnan ang status ng apela mo sa in-app Safety Center, pati na rin ang status ng anumang report na na-file mo tungkol sa ibang content o account.