Mga Patnubay sa Komunidad

Mga Pamantayan sa Pagiging Kuwalipikado sa For You feed

Inilabas noong Abril 17, 2024

May bisa simula Mayo 17, 2024

Ang For You feed (FYF) ay isang natatanging feature ng TikTok na gumagamit ng personalized na sistema ng rekomendasyon para magkaroon ka ng kakayahang tumuklas ng maraming content, creator, at paksa. Sa pagtukoy sa kung ano ang irerekomenda, isinasaalang-alang ng sistema ang mga salik ng account, kabilang ang mga like, mga share, mga komento, mga paghahanap, pagkakaiba-iba ng content, at mga sikat na video. Alamin pa ang tungkol sa sistema ng rekomendasyon, at mga tool para makatulong na mag-customize ng mga rekomendasyon.

May ilang partikular na uri content na posibleng okay lang kung paminsan-minsan na nakikita, pero puwedeng maging problema kung titingnan nang magkakasama. Kasama rito ang content gaya ng pagdidiyeta, matinding fitness, sekswal na pagpapahiwatig, kalungkutan (gaya ng mga pahayag tungkol sa pagkawalang pag-asa, o pagbabahagi ng malulungkot na quote), at impormasyon tungkol sa kalusugan ng pag-iisip (gaya ng quiz na umano'y nagda-diagnose ng isang tao) na labis sa panglalahat. Ang ganitong uri ng content ay puwedeng maging kuwalipikado para sa FYF pero pipigilan namin ang mga paulit-ulit na pattern ng content para matiyak na hindi ito madalas na nakikita. Alamin pa ang tungkol sa aming estratehiya sa pagprotekta at pag-iiba-iba ng mga rekomendasyon.

Pinapanatili namin ang mga pamantayan sa pagiging kuwalipikado para sa FYF na binibigyang-priyoridad ang kaligtasan at nakabatay sa pagiging magkakaiba-iba ng aming komunidad at mga pamantayan sa pangkulturang kaugalian. Bagama’t ang spontaneity ng FYF ang dahilan kung bakit natatangi ang TikTok, inilaan ito para sa iba’t ibang manonood na kinabibilangan ng lahat mula sa kabataan hanggang sa mga lolo’t lola sa tuhod. Ginagawa naming hindi kuwalipikado para sa FYF, at posible rin namin gawing mas mahirap na hanapin, ang ilang partikular na content na posibleng hindi naaangkop para sa maraming iba't ibang manonood.

Alam namin na nagbibigay ang FYF ng oportunidad para makaabot ng malaking tagapanood, na hindi palaging naaangkop sa ilang batang indibidwal. Ginagawa naming hindi kuwalipikado para sa For You feed (FYF) ang content na ginawa ng sinumang wala pang 16 na taong gulang.

Puwede pa ring matuklasan sa ibang paraan ang content na hindi kuwalipikado para sa FYF, gaya ng sa pamamagitan ng search tool o pag-follow sa isang account. Kapag hindi nakakuha ng maraming view ang isang video, posibleng dahil ito sa kakulangan ng engagement sa komunidad sa halip na pagiging hindi kuwalipikado para sa FYF. Puwedeng gamitin ng mga creator ang TikTok analytics tool para masubaybayan ang performance ng kanilang mga video.

Sa buong mga patnubay namin, makikita mo ang mga pamantayan sa pagiging kuwalipikado para sa FYF. Narito ang isang binuong "mabilis na gabay" sa content na hindi kwalipikado para sa FYF.

HINDI KUWALIPIKADO PARA SA FYF

Kaligtasan at Kapakanan ng Kabataan

Anumang content na ginawa ng may-ari ng account na wala pang 16 na taong gulang

Mapoot na Pananalita at Mapoot na Gawi

Ilang content na gumagamit ng mga stereotype, paratang, o hindi direktang pahayag na posibleng magpahiwatig ng pangmamaliit sa mga protektadong grupo

Problema sa Pagkain at Hitsura ng Katawan

Pagpapakita, paglalarawan, pag-promote, o pag-aalok o paghiling ng coaching para sa potensyal na mapaminsalang gawi sa pamamahala ng timbang kabilang ang:

Mga mapanglimitang diyetang mababa sa calorie, gaya ng pinatagal na intermittent fasting
Paggamit ng gamot o mga supplement para sa pagbawas ng timbang o pagdagdag ng kalamnan, gaya ng paggamit ng anabolic steroid
Mga ehersisyong idinisenyo para sa mabilis at malaking pagbawas sa timbang, gaya ng mga cardio routine na nangangakong tulungan kang mapaliit ang baywang sa loob ng isang linggo

Pag-promote ng mga produkto para sa pagbawas ng timbang o pagdagdag ng kalamnan, gaya ng pagbabahagi ng before-and-after na pagbabago
Pag-promote ng mga uri ng katawan bilang ideyal o perpekto, kapag nauugnay sa mga potensyal na mapaminsalang gawi sa pamamahala sa timbang
Pagpapakita o pagpo-promote ng kosmetikong operasyon na walang kasamang babala ng panganib, kasama na ang mga larawan bago at pagkatapos, mga video ng mga procedure ng operasyon, at mga mensaheng tumatalakay sa kosmetikong operasyon na pinili ng pasyente

Mga Mapanganib na Aktibidad at Hamon

Pagpapakita ng aktibidad na may makikita o napipintong katamtamang pisikal na panganib, o pagpo-promote ng aktibidad na malamang na magdulot ng katamtamang pisikal na pinsala

Paghuhubad at Pagpapakita ng Katawan

Pagpapakita ng bahagyang kahubaran ng mga nasa hustong gulang, gaya ng pagsusuot lang ng mga takip sa utong o panloob na hindi natatakpan ang malaking bahagi ng puwit
Pagpapakita ng mga kabataang nakadamit na kapansin-pansing nagpapakita ng cleavage, o nakadamit na hubog ng ilang partikular na malaswang bahagi ng katawan (ari at mga utong)
Pagpapakita ng mga sanggol at toddler (wala pang 4 na taong gulang) na ipinapahiwatig ang kahubaran o bahagyang ipinapakita ang kanilang mga puwit

Mahalay na Content

Pagpapakita ng mga nasa hustong gulang na mainit na naghahalikan, sexualized ang framing, o may sekswal na pagkilos
Pagpapakita ng mga produkto para sa pagtatalik

Nakakagulat at Graphic na Content

Nagpapakita ng:

Dugo ng tao o hayop
Matinding pisikal na away
Graphic o posibleng nakakabalisang kuha ng mga kaganapan na nasa interes ng publiko na mapanood, gaya ng pakikipaglaban sa mga tagapagpatupad ng batas o resulta ng pambobomba o likas na sakuna
Kathang-isip na graphic na karahasan
Posibleng nakakabalisang materyal na posibleng magdulot ng pagkabalisa o takot, tulad ng mga hindi malalang pinsala at aksidente, patay na hayop, jump scare effect, o madugong make-up
Medyo graphic na materyal na posibleng magdulot ng pandidiri, kasama ang mga nangyayari sa katawan ng tao at hayop o mga likido nito (gaya ng ihi o suka), at mga close-up na kuha ng mga organ at ilang hayop (gaya ng mga insekto o daga)

Maling Impormasyon

Mga conspiracy theory na walang basehan at nagsasabing isinasagawa ng mga lihim o makapangyarihang grupo, gaya ng "gobyerno" o ng isang "lihim na lipunan," ang ilang partikular na kaganapan o sitwasyon
Maling impormasyong pangkalusugang may katamtamang pinsala, gaya ng hindi pa napapatunayang rekomendasyon kung paano gamutin ang isang hindi malubhang sakit
Media na binago ang layunin, gaya ng pagpapakita ng maraming tao sa isang music concert at pagpapahiwatig na pulitikal na protesta ito
Maling representasyon sa mga mapagkakatiwalaang sanggunian, gaya ng piniling pagsipi sa ilang partikular na siyentipikong data para suportahan ang isang kongklusyong salungat sa mga napag-alaman sa pag-aaral
Mga hindi na-verify na pag-aangkin kaugnay ng emergency o kasalukuyang kaganapan
Maling impormasyon na posibleng magdulot ng malaking pinsala habang sinusuri ang pagiging totoo nito

Integridad ng Publiko at Halalan

Mga hindi na-verify na pag-aangkin tungkol sa isang halalan, gaya ng masyadong maagang pag-aangking nabilang na ang lahat ng balota
Mga pahayag na lubos na pinapasinungalingan ang awtorisadong impormasyong panlipunan, tulad ng maling pahayag tungkol sa teksto ng parlamentaryong panukalang-batas

Pekeng Engagement

Content na nanloloko o nagmamanipula sa iba bilang paraan para maparami ang mga regalo, o metric ng engagement, gaya ng mga pangakong "like para sa like" o iba pang hindi totoong insentibo kapalit ng pakikipag-engage sa content

Hindi Orihinal na Content

Ni-reproduce o hindi orihinal na content na in-import o in-upload nang walang anumang bago o mga malikhaing edit, gaya ng content na may nakikitang watermark dahil gawa ito ng iba o content na may ipinatong na logo
Content na mababa ang kalidad, gaya ng sobrang maiikling clip o mga exclusively-GIF based video

Pagsusugal

Pagpapakita o pagpuri sa pagsusugal o mga aktibidad na parang pagsusugal, gaya ng pagkuha ng video ng isang taong nagsusugal o may anumang positibong pahayag tungkol sa pagsusugal

Alak, Tabako, at mga Droga

Pagtalakay sa mga gamot o iba pang kinokontrol na sangkap (hangga't ang mga sangkap ay hindi ginagamit o ipinapakita)
Pag-promote sa mga produktong tabako
Pagpapakita sa paggamit ng labis-labis na dami ng alkohol ng mga nasa hustong gulang

Komersyal na Pagbubunyag at May Bayad na Promotion

Pang-marketing na content na hindi ibinunyag gamit ang setting ng pagbubunyag ng content

TikTok LIVE

Content ng LIVE na may pangunahing layunin na idirekta ang mga tao palayo ng plataporma
Content ng LIVE na hindi kuwalipikado para sa FYF, kasama ang content na ibinabahagi ng bisita sa isang LIVE na marami ang bisita

Karagdagang impormasyon

mga protektadong grupo Ang ibig sabihin ng ay mga indibidwal o komunidad na may magkakatulad na protektadong katangian.

potensyal na mapanganib na pamamahala sa timbang Ang ay tumutukoy sa mga diyeta, gamot, o ehersisyong ginagamit para sa mabilis o malaking pagbawas sa timbang o pagdagdag ng kalamnan na posibleng magsanhi ng pangmatagalang panganib sa kalusugan o mabuting kalagayan.

katamtamang pisikal na pinsala Ang ay pinsalang hindi malamang na mangailangan ng propesyonal na medikal na panggagamot at hindi nagdadala ng panganib ng kapansanan o pagkasira ng katawan. Kasama rito ang maliliit na hiwa na may kaunting pagdurugo at kaunting pagpapasa sa katawan.

malalaswang bahagi ng katawanTumutukoy ang sa ari, puwit, at mga dibdib (kabilang ang utong at areola).

bahagyang kahubaran Ang ay nangangahulugan ng kalakhang kawalan ng damit at malapit nang maging (pero hindi pa talaga) hubad, gaya ng ipinapahiwatig na kahubaran o pagsusuot ng mga damit na natatakpan lang nang kaunti ang malalaswang bahagi ng katawan.

mainit na halikan Tumutukoy ang sa halikang posibleng magpahiwatig ng sekswal na pagpukaw o simula ng sekswal na ugnayan.

sexualized na framingTumutukoy ang sa content na sadyang binibigyang-diin ang mga may damit na malaswang bahagi ng katawan sa pamamagitan ng mga technique, gaya ng pagkuha ng video, pag-edit, o pagpwesto ng katawan sa harap ng camera.

sekswal na pagkilos Tumutukoy ang sa pagkilos inilalayon na maging sekswal na nakakapukaw, kabilang ang mga performance o paulit-ulit na galaw ng katawan na binibigyang-diin ang malalaswang bahagi ng katawan, at paggaya sa mga sekswal na aksyon.

produkto para sa pagtatalik Tumutukoy angsa isang bagay o device na idinisenyong magamit para sa sekswal na kasiyahan, gaya ng sex toy.

maling impormasyonAng ibig sabihin ng ay hindi totoo o mapanlinlang na content.

maling impormasyong pangkalusugang may katamtamang pinsala Ang ay tumutukoy sa mali o mapanlinlang na content tungkol sa panggagamot o pag-iwas sa mga pinsala, kundisyon, o sakit na hindi agaran o banta sa buhay.

mga conspiracy theoryAng ay tumutukoy sa mga paniniwala tungkol sa mga hindi maipaliwanag na kaganapan, o kinabibilangan ng pagtanggi sa mga pangkalahatang tinatanggap na paliwanag para sa mga kaganapan, pagbilang at pagpapahiwatig na isinagawa ang mga ito ng mga lihim o makapangyarihang indibidwal o grupo.

media na binago ang layuninAng ay tumutukoy sa hindi na-edit na media content na ipinapakita nang wala sa koneksto at posibleng makapanlinlang ng tao tungkol sa isang kasalukuyang paksang mahalaga sa publiko.

mga mapagkakatiwalaang sangguniang minali ang representasyon Ang ay tumutukoy sa content na nagpo-promote ng mga mapanlinlang na pag-uugnay o kongklusyon kaugnay ng mapagkakatiwalaang impormasyong kinikilala at pinagkakatiwalaan, gaya ng mga ulat mula sa mga institusyon ng pananaliksik.

pagsusugalAng ay pagtaya ng pera (kabilang ang mga digital na currency gaya ng bitcoin) o bagay na may katumbas na halaga ng pera sa isang kaganapan na walang kasiguruhan sa kalalabasan, para kumita.

mga aktibidad na parang pagsusugal Tumutukoy ang sa mga aktibidad na hindi kaantas ng pagsusugal, pero katulad ang pagkilos at may mga kaakibat na katulad na panganib, gaya ng mga social casino at software kaugnay ng pagsusugal.

mga produktong tabakoKabilang sa ang mga produkto para sa vaping, smokeless o combustible na produktong tabako, synthetic na produktong nicotine, e-cigarette, at iba pang Electronic Nicotine Delivery System.

mga kinokontrol na substanceKasama sa ang mga inireresetang gamot, mga gamot na nabibili sa reseta, mga compressed air canister (whippets), at nitrite poppers.