សុវត្ថិភាព​ផ្លូវកាយ ​និង​ផ្លូវចិត្ត​បង្កើត​បាន​ជា​មូលដ្ឋាន​នៃ​សុខុមាលភាព​របស់​បុគ្គល ហើយ​ភាពគួរសម​ជា​គន្លឹះ​នៃ​សហគមន៍​ជឿនលឿន។ការមាន​ភាពគួរសម​មិនមានន័យ​ថា អ្នកត្រូវតែ​យល់ស្រប​ជានិច្ច​ឡើយ ប៉ុន្តែ​វា​ជា​ការទទួលស្គាល់​សេចក្ដីថ្លៃថ្នូរ​ជាប់មកជាមួយ​របស់មនុស្ស​​គ្រប់រូប និង​ភាពគោរព​ចំពោះ​អំពើ ពាក្យពេចន៍ និង​ទឹកដម​សំឡេង នៅពេល​ទាក់ទង​ជាមួយ​អ្នកដទៃ។

យើងប្ដេជ្ញានាំមនុស្សមកជួបជុំគ្នាតាមរបៀបដែលមិននាំឱ្យមានការប៉ះទង្គិចទៅលើរាងកាយ។យើងទទួលស្គាល់ថា ខ្លឹមសារនៅលើអ៊ីនធឺណិតដែលពាក់ព័ន្ធនឹងអំពើហិង្សាអាចបង្កឱ្យមានគ្រោះថ្នាក់ក្នុងពិភពពិត។យើងមិនអនុញ្ញាតការគំរាមដោយហិង្សា ការលើកកម្ពស់អំពើហិង្សា ការញុះញង់ឱ្យមានអំពើហិង្សា ឬការផ្សព្វផ្សាយសកម្មភាពឧក្រិដ្ឋណាមួយ ដែលអាចប៉ះពាល់ដល់មនុស្ស សត្វ ឬទ្រព្យសម្បត្តិឡើយ។

បើមានការគំរាមមួយដែលជាក់លាក់ អាចជឿបាន និងជិតកើតឡើង ចំពោះជីវិតមនុស្ស ឬរបួសដល់រាងកាយធ្ងន់ធ្ងរ យើងរាយការណ៍វាដល់អាជ្ញាធរអនុវត្តច្បាប់ដែលពាក់ព័ន្ធ។

សម្រាប់ព័ត៌មានលម្អិតអំពីរបៀបដែលយើងប្រើខ្លឹមសារដែលមានរូបភាពអំពីអំពើហិង្សា ប៉ុន្តែមិនលើកកម្ពស់អំពើហិង្សា សូមមើលខ្លឹមសារនាំឱ្យមានភាពតក់ស្លុតស្ដែងៗ។

TikTok សម្បូរទៅដោយភាពចម្រុះនៃ​សហគមន៍របស់យើង។គួរទទួលយកភាពខុសៗគ្នារបស់យើង ជាជាងការបង្កឱ្យមានការបែងចែក។យើងមិនអនុញ្ញាតអាកប្បកិរិយាស្អប់ខ្ពើម សម្ដីស្អប់ខ្ពើម ឬការផ្សព្វផ្សាយមនោគមវិជ្ជា​ស្អប់ខ្ពើមណាមួយឡើយ។ចំណុចនេះរាប់បញ្ចូលទាំងខ្លឹមសារច្បាស់លាស់ ឬបង្កប់​ដែលវាយប្រហារក្រុមដែលត្រូវបានការពារ។

នៅពេលមានការពិភាក្សាអំពីបញ្ហាសង្គមនៅលើ TikTok យើងចង់ឱ្យពិភាក្សាដោយមានការគោរព។ខ្លឹមសារអាចនឹងមិនមានសិទ្ធិទទួលបាន FYF នៅពេលវាបន្ទាបតម្លៃក្រុមដែលមានការការពារដោយប្រយោល។

ស្វែងយល់បន្ថេមអំពីការងាររបស់យើងដើម្បីប្រឆាំងនឹងការស្អប់ ក៏ដូចជាឧបករណ៍ដែលអាចជួយ​កម្រិត​អន្តរកម្មដែលមិនចង់បាន រួមទាំងការកំហិតជម្រើសសម្រាប់ការបញ្ចេញមតិ ឌ្យូអេត ស្ទីច និងការផ្ញើសារ។

យើងចង់ឱ្យអ្នកចែករំលែកនូវអ្វីដែលបំផុសគំនិតអ្នក ប៉ុន្តែ TikTok មិនមែនជាកន្លែងសម្រាប់ផ្សព្វផ្សាយជំនឿ ឬការឃោសនា​ដែលលើកទឹកចិត្តឱ្យមានអំពើហិង្សា ឬការស្អប់ខ្ពើមនោះទេ។យើងមិនអនុញ្ញាតឱ្យមានវត្តមានរបស់អង្គការឬបុគ្គលដែលមានអំពើហឹង្សានិងស្អប់ខ្ពើមនៅលើវេទិការបស់យើងទេ។ ជនទាំងនេះរួមបញ្ចូលអ្នកហិង្សាជ្រុលនិយម អង្គការឧក្រិដ្ឋកម្មហិង្សា អង្គការនយោបាយហិង្សា អង្គការស្អប់ខ្ពើម និងបុគ្គលដែលបង្កហិង្សាដុល ឬជាបន្តបន្ទាប់។បើយើងស្រាប់តែដឹងថា ជនទាំងនោះណាមួយប្រហែលជាស្ថិតលើផ្លេតហ្វមយើង យើងនឹងធ្វើការត្រួតពិនិត្យហ្មត់ចត់ដែលអាចនាំឲ្យមាន ការហាមប្រាមគណនី។

ជាញឹកញយ គំនិតរបស់ជនទាំងនេះត្រូវបានពង្រីកដោយអ្នកដទៃ។យើងមិនអនុញ្ញាតឱ្យអ្នកណាម្នាក់ផ្សព្វផ្សាយឬផ្តល់ការគាំទ្រខាងសម្ភារៈដល់តួអង្គដែលប្រើអំពើហឹង្សាឬស្អប់ខ្ពើមឡើយ។ ខ្លឹមសារដែលអាចមានលក្ខណៈអព្យាក្រឹតដូចជាការដកស្រង់ពីអង្គការឬបុគ្គលដែលស្អប់ខ្ពើមត្រូវតែបញ្ជាក់ឱ្យច្បាស់ថាគ្មានចេតនាលើកកម្ពស់វាទេ។ យើងធ្វើការលើកលែងមានកំណត់សម្រាប់ការពិភាក្សាអំពីអង្គការនយោបាយហឹង្សា។

យើងប្ដេជ្ញាយ៉ាងមុតមាំថា TikTok ជាបទពិសោធប្រើប្រាស់ប្រកបដោយសុវត្ថិភាព និងវិជ្ជមានសម្រាប់យុវវ័យ។យើងមិនអនុញ្ញាតឱ្យបង្ហាញលើកកម្ពស់ឬចូលរួមក្នុងការរំលោភបំពានផ្លូវភេទឬការរំលោភបំពានលើរាងកាយឬការកេងប្រវ័ញ្ចលើយុវជនឡើយ។ ការមិនអនុញ្ញាតនេះរាប់បញ្ចូលទាំងខ្លឹមសាររំលោភបំពានផ្លូវភេទកុមារ (CSAM) ការថែទាំក្មេងដើម្បីឲ្យបម្រើផ្លូវភេទនៅពេលក្រោយ ការលួងលោមផ្លូវភេទ ការរំលោភបំពានផ្លូវភេទលើកុមារ និងការបង្កគ្រោះថ្នាក់ដល់ផ្លូវចិត្ត ឬផ្លូវកាយយុវវ័យ។

យើងរាយការណ៍ករណីនៃការរំលោភបំពាន និងការកេងប្រវ័ញ្ចផ្លូវភេទ និងការរំលោភលើយុវជនទៅមជ្ឈមណ្ឌលជាតិទទួលបន្ទុកលើកុមារបាត់ខ្លួន និងត្រូវបានកេងប្រវ័ញ្ច (NCMEC)។យើងក៏រាយការណ៍ទៅអាជ្ញាធរអនុវត្តន៍ច្បាប់ពាក់ព័ន្ធ នៅពេលមានការគំរាមកំហែងជាក់លាក់ គួរឱ្យទុកចិត្ត និងជិតកើតឡើងចំពោះជីវិតមនុស្ស ឬរបួសរាងកាយធ្ងន់ធ្ងរ។ប្រសិនបើអ្នកឃើញមាន CSAM គួរឱ្យសង្ស័យ សូមរាយការណ៍ករណីនេះភ្លាមៗនៅក្នុងកម្មវិធី ឬវិបសៃរបស់យើង។កុំទាញយក ថត ឬចែករំលែកខ្លឹមសារ CSAM តាមមធ្យោបាយណាមួយឡើយ។

បើអ្នកឬនរណាម្នាក់ដែលអ្នកស្គាល់បានជួបប្រទះការរំលោភបំពាន ឬការកេងប្រវ័ញ្ចផ្លូវភេទលើយុវវ័យ នោះជំនួយមានផ្ដល់ជូន។សូមទាក់ទង ខ្សែទូរសព្ទជំនួយឬអ្នកផ្ដល់សេវានៅក្នុងតំបន់អ្នក។បើអ្នកកំពុងមានគ្រោះថ្នាក់បន្ទាន់ សូមទាក់ទងសេវាសង្គ្រោះបន្ទាន់នៅក្នុងតំបន់របស់អ្នក។

យើងប្ដេជ្ញាផ្ដល់កន្លែងមួយដែលប្រកាន់យកនូវសមភាពយេនឌ័រ គាំទ្រភាពទំនាក់ទំនងដែលមានសុខភាពល្អ និងគោរពឯកជនភាពអំពីការស្រើបស្រាល។ការបំបាត់តម្លៃទាំងនេះអាចបង្កឱ្យមានដំបៅផ្លូវចិត្ត និងអាចនាំឱ្យមានគ្រោះថ្នាក់ផ្លូវចិត្តនិងកាយ។យើងមិនអនុញ្ញាតឱ្យបង្ហាញលើកកម្ពស់ឬចូលរួមក្នុងការរំលោភបំពានផ្លូវភេទឬការកេងប្រវ័ញ្ចលើរាងកាយឬមនុស្សពេញវ័យឡើយ។ នេះរួមបញ្ចូល សកម្មភាពផ្លូវភេទដែលគ្មានការព្រមព្រៀង ការរំលោភបំពានផ្លូវភេទផ្អែកលើរូបភាព ការគំរាមកំហែងផ្លូវភេទ ការរំលោភបំពានរាងកាយ ឬការបៀតបៀនផ្លូវភេទ។

បើអ្នកឬនរណាម្នាក់ដែលអ្នកស្គាល់បានជួបប្រទះការរំលោភបំពាន ឬ​ការកេងប្រវ័ញ្ច នោះជំនួយមានផ្ដល់ជូន។សូមទាក់ទង ខ្សែទូរសព្ទជំនួយឬអ្នកផ្ដល់សេវានៅក្នុងតំបន់អ្នក។បើអ្នកកំពុងមានគ្រោះថ្នាក់បន្ទាន់ សូមទាក់ទងសេវាសង្គ្រោះបន្ទាន់នៅក្នុងតំបន់របស់អ្នក។បើអ្នកជឿជាក់ថា អ្នកបានជួបប្រទះការបំពានលើឯកជនភាពលក្ខណៈបុគ្គលនៅលើផ្លេតហ្វមរបស់យើង អ្នកអាចរាយការណ៍វាបាន។

យើងប្ដេជ្ញាលើកកម្ពស់សេចក្ដីថ្លៃថ្នូរមនុស្សរបស់បុគ្គលគ្រប់រូប និងធានាថា TikTok មិនត្រូវបានប្រើដើម្បីកេងប្រយោជន៍ពីមនុស្សដែលងាយរងគ្រោះឡើយ។យើងមិនអនុញ្ញាតឱ្យមានការជួញដូរនិងការរត់ពន្ធមនុស្សទេ។ យើងប្ដេជ្ញាលើកកម្ពស់សេចក្ដីថ្លៃថ្នូរមនុស្សរបស់បុគ្គលគ្រប់រូប និងធានាថា TikTok មិនត្រូវបានប្រើដើម្បីកេងប្រយោជន៍ពីមនុស្សដែលងាយរងគ្រោះឡើយ។

យើងរាយការណ៍ឧប្បត្តិហេតុនៃការជួញដូរផ្លូវភេទយុវជនដល់មជ្ឈមណ្ឌលជាតិទទួលបន្ទុកលើកុមារបាត់ខ្លួន និងត្រូវបានកេងប្រវ័ញ្ច (NCMEC)។យើងក៏រាយការណ៍ទៅអាជ្ញាធរអនុវត្តន៍ច្បាប់ពាក់ព័ន្ធ នៅពេលមានការគំរាមកំហែងជាក់លាក់ គួរឱ្យទុកចិត្ត និងជិតកើតឡើងចំពោះជីវិតមនុស្ស ឬរបួសរាងកាយធ្ងន់ធ្ងរ។

យើងសូមស្វាគមន៍ចំពោះការបញ្ចេញមតិប្រកបដោយការគោរពទស្សនៈផ្សេងៗគ្នា និងចង់ធានាថា គ្រប់គ្នាអាចចែករំលែកមតិរបស់ពួកគេ ដោយគ្មានការភ័យខ្លាចចំពោះការបន្ថោក ឬការសម្លុត។យើង​មិន​អនុញ្ញាត​ឱ្យ​មានការលើកឡើង ឬឥរិយាបថ​បៀតបៀន បន្ទាប​បន្ថោក ឬ​និយាយ​សម្លុតធ្វើបាបឡើយ។នេះរួមបញ្ចូលទាំងការឆ្លើយតបទៅនឹងទង្វើបែបនេះជាមួយនឹងការបៀតបៀនលក្ខណៈសងសឹក។

យើងទទួលស្គាល់ថាបុគ្គលសាធារណៈស្ថិតនៅក្នុងទីតាំងនៃការយកចិត្តទុកដាក់របស់សាធារណៈជន មានវិធីដើម្បីប្រឆាំងនឹងការនិយាយអវិជ្ជមាន ហើយខ្លឹមសារមួយចំនួនដែលទាក់ទងនឹងពួកគេអាចជាផលប្រយោជន៍សាធារណៈក្នុងការមើល។យើងអនុញ្ញាតឱ្យមានមតិ ឬរូបភាពអវិជ្ជមាន ឬរិះគន់មួយចំនួនអំពីបុគ្គលសាធារណៈ។ទោះជាយ៉ាងនេះក៏ដោយ យើងនៅតែលុបខ្លឹមសារដែលបំពានគោលការណ៍ផ្សេងទៀតដដែល (ដូចជាការគំរាមហិង្សា សម្ដីស្អប់ខ្ពើម ឬការកេងប្រវ័ញ្ចផ្លូវភេទ) ព្រមទាំងទម្រង់ធ្ងន់ធ្ងរនៃការបៀតបៀន (ដូចជាការលាតត្រដាងព័ត៌មានឯកជន ឬការសម្ដែងអំពីការប្រាថ្នាឲ្យនរណាម្នាក់ជួបប្រទះគ្រោះថ្នាក់លើរាងកាយធ្ងន់ធ្ងរ)។

បើអ្នកឬនរណាម្នាក់ដែលអ្នកស្គាល់កំពុងរងការសម្លុត នោះជំនួយមានផ្ដល់ជូន។យើងផ្ដល់ធនធានជំនួយ ព្រមទាំងឧបករណ៍ដែលអាចជួយកម្រិតអន្តរកម្ម ដែលអាចបង្កគ្រោះថ្នាក់ រួមទាំងការកំហិតជម្រើសសម្រាប់ការបញ្ចេញមតិ ឌ្យូអេត ស្ទីច និងការផ្ញើសារ។