បានចេញផ្សាយនៅថ្ងៃទី 17 ខែមេសា ឆ្នាំ 2024
មានប្រសិទ្ធភាពនៅថ្ងៃទី 17 ខែឧសភា ឆ្នាំ 2024
TikTok មានគោលការណ៍ណែនាំសហគមន៍ចំនួនប្រាំបី ដែលតំណាងឱ្យសុវត្ថិភាព និងការប្ដេជ្ញាចិត្តរបស់យើងក្នុងការគោរពសិទ្ធិមនុស្ស។គោលការណ៍ទាំងនោះកំណត់លក្ខណៈការងារប្រចាំថ្ងៃរបស់យើង និងណែនាំអំពីរបៀបដែលយើងឈានទៅធ្វើសេចក្ដីសម្រេចអំពីការអនុវត្តដ៏លំបាកៗ។គោលការណ៍ទាំងនេះផ្ដោតសំខាន់លើប្រធានបទទាំងនេះ៖
យើងដឹងថា ជួនកាលគោលការណ៍ទាំងនេះមានភាពប្រទាញប្រទង់គ្នាទៅវិញទៅមក ហើយយើងពិចារណាយ៉ាងប្រុងប្រយ័ត្ន នៅពេលយើងសម្រេចយកគោលការណ៍មួយជំនួសគោលការណ៍មួយទៀត។ការពិចារណាទាំងនេះត្រូវបានធ្វើឡើងតាមក្របខណ្ឌច្បាប់អន្តរជាតិ និងទម្លាប់អនុវត្តល្អបំផុតក្នុងវិស័យឧស្សាហកម្ម រួមមាន គោលការណ៍ណែនាំស្ដីពីធុរកិច្ច និងសិទ្ធិមនុស្សអង្គការសហប្រជាជាតិ ច្បាប់សិទ្ធិមនុស្សអន្តរជាតិ អនុសញ្ញាស្ដីពីសិទ្ធិកុមារ និងគោលការណ៍សាន់តាក្លារ៉ា។យើងក៏ស្វែងរកមតិយោបល់ពីសហគមន៍របស់យើង អ្នកជំនាញសុវត្ថិភាពនិងសុខភាពសាធារណៈ និង ក្រុមប្រឹក្សាពិគ្រោះយោបល់របស់យើងផងដែរ។