អ្នកត្រូវតែមានអាយុ 13 ឆ្នាំឡើងទៅ ទើបអាចមានគណនីបាន។មានដែនកំណត់អាយុបន្ថែមទៀត ផ្អែកលើច្បាប់ក្នុងស្រុក នៅក្នុងតំបន់ខ្លះ។នៅសហរដ្ឋអាមេរិក មានឮបទពិសោធប្រើប្រាស់ TikTok សម្រាប់មនុស្សមានអាយុក្រោម 13 ឆ្នាំ ដែលផ្ដល់បទពិសោធកាន់តែមានកម្រិត ដែលបានរចនាជាមួយនឹងការការពារសុវត្ថិភាពបន្ថែម និងគោលការណ៍ឯកជនភាពពិសេស។បើយើងដឹងថានរណាម្នាក់មានអាយុក្រោមអាយុអប្បបរមាប្រើប្រាស់គណនី​នៅលើ TikTok ​យើងនឹងហាមប្រាមគណនីនោះ។

ការបំពានវិធានរបស់យើងអាចនាំឱ្យមានវិធានការអនុវត្តន៍លើគណនី។យើងនឹងហាមឃាត់គណនី ឬម្ចាស់គណនី ប្រសិនបើពួកគេចូលរួម៖

• ការបំពានខ្លឹមសារធ្ងន់ធ្ងរតែមួយ
• ការបំពានខ្លឹមសារម្តងហើយម្តងទៀត
• គេចវេះការអនុវត្តគោលការណ៍ណែនាំរបស់យើង
• ប្រតិបត្តិការនៃគណនីដែលផ្តោតលើសកម្មភាពដែលបំពានវិធានរបស់យើង

នេះរួមបញ្ចូលទាំងសកម្មភាពទាំងអស់ដែលមានគោលបំណងចម្បង ដែលមិនត្រូវបានអនុញ្ញាតនៅលើផ្លេតហ្វមរបស់យើង ដូចជាគណនីដែលផ្ដោតលើសម្ដីស្អប់ខ្ពើម ការជួញដូរ ឬការធ្វើទីផ្សារ​ទំនិញហាមឃាត់ ស្ប៉ាម ឬការបន្លំខ្លួន (ស្វែងយល់បន្ថែមអំពីការវាង និងគណនីដាច់ដោយឡែកក្នុងឥរិយាបថស្ប៉េម​និងបោកប្រាស់។ក្នុងករណីមានការបំពានធ្ងន់ធ្ងរ លើវិធានរបស់យើង ឬការចូលរួមក្នុងអាកប្បកិរិយាគេចវេស យើងក៏អាចហាមឃាត់គណនីដែលមានស្រាប់ផ្សេងទៀតរបស់អ្នកកាន់គណនីនៅលើផ្លេតហ្វមរបស់យើងផងដែរ។

យើងក៏នឹងហាមប្រាមគណនីមួយដែរ បើយើងស្រាប់តែដឹងថា ម្ចាស់គណនីជាជនហិង្សា ឬស្អប់ខ្ពើម ឬបានប្រព្រឹត្តបទល្មើសផ្លូវភេទទៅលើមនុស្សវ័យក្មេង។យើងគិតពិចារណាលើសកម្មភាពក្រៅផ្លេតហ្វមដែរ ពាក់ព័ន្ធនឹងអំពើហិង្សា ការស្អប់ខ្ពើម ព្រមទាំងការរំលោភបំពាននិងការកេងប្រវ័ញ្ចផ្លូវភេទលើកុមារ ដើម្បីជួយធ្វើសេចក្ដីសម្រេចអំពីការហាមប្រាមគណនីទាំងនេះ។យើងរាយការណ៍គណនីទៅអាជ្ញាធរអនុវត្តច្បាប់ ប្រសិនបើមានការគំរាមកំហែងជាក់លាក់ គួរឱ្យទុកចិត្ត និងជិតមកដល់ចំពោះជីវិតមនុស្ស ឬរបួសរាងកាយធ្ងន់ធ្ងរ។

ការបង្ហោះខ្លឹមសារដដែលៗដែលត្រូវបានអនុញ្ញាតនៅលើផ្លេតហ្វមរបស់យើង ប៉ុន្តែមិនទទួលសិទ្ធិទទួលបាន FYF អាចនាំឱ្យគណនី និងខ្លឹមសាររបស់វាមិនទទួលសិទ្ធិបានការណែនាំ រួមទាំងមិនទទួលសិទ្ធិទទួលបាន FYF និងពិបាកស្វែងរកក្នុងការស្វែងរក។ស្វែងយល់បន្ថែមអំពីវិធីសាស្ត្រទូទៅរបស់យើងចំពោះ ការអនុវត្តលើគណនី។

គណនីព័ត៌មាន និងរដ្ឋាភិបាល អ្នកនយោបាយ និងគណបក្សនយោបាយ

គណនីអង្គភាពព័ត៌មាន រដ្ឋាភិបាល អ្នកនយោបាយ និងគណបក្សនយោបាយ សុទ្ធតែមានតួនាទីសំខាន់ក្នុងដំណើរការពលរដ្ឋ និងសង្គមស៊ីវិល។ខណៈពេលយើងចាត់ទុកខ្លឹមសារទាំងនេះដូចនឹងគណនីដទៃទៀត និងលុបការបំពានទាំងឡាយ យើងខិតជិតដល់ការអនុវត្តកម្រិតគណនីផ្សេងៗគ្នា ស្របតាមការប្ដេជ្ញាចិត្តរបស់យើងក្នុងការគោរពសិទ្ធិមនុស្ស និងការបញ្ចេញមតិដោយសេរី។គណនីផលប្រយោជន៍សាធារណៈទាំងនេះនឹងត្រូវបានហាមប្រាមចំពោះការបំពានខ្លឹមសារធ្ងន់ធ្ងរតែមួយដងណាមួយ ដូចជាអំពើហិង្សាដោយការគំរាម។ចំពោះការរំលោភលើខ្លឹមសារម្តងហើយម្តងទៀតដែលមិនសូវធ្ងន់ធ្ងរ ពួកគេនឹងមិនទទួលសិទ្ធិបង្ហាញនៅក្នុង FYF និងនៅក្នុងហ្វីត​របស់អ្នកតាមដានរបស់ពួកគេជាបណ្តោះអាសន្ន។ក្នុង​កាលៈទេសៈ​មួយចំនួន ពួកគេ​ក៏​អាច​នឹង​ត្រូវ​បាន​ដាក់​កំហិតបណ្ដោះ​អាសន្ន​មិន​ឱ្យ​បង្ហោះ​ខ្លឹមសារ​ថ្មី​ដែរ។ស្វែយល់បន្ថែមអំពីវិធីសាស្ត្ររបស់យើងចំពោះគណនីផលប្រយោជន៍សាធារណៈ។

TikTok LIVE អនុញ្ញាតឱ្យអ្នកបង្កើតខ្លឹមសារ ធ្វើអន្តរកម្មជាមួយទស្សនិកជន និងកសាងសហគមន៍របស់អ្នកក្នុងពេលវេលាជាក់ស្តែង។ដើម្បីគាំទ្របទពិសោធប្រកបដោយសុវត្ថិភាពនៅលើ LIVE យើងដាក់កំហិតមនុស្សវ័យក្មេងមិនឱ្យប្រើប្រាស់មុខងារនេះ។អ្នកត្រូវតែមានអាយុ 18 ឆ្នាំ ឬលើសនេះ ដើម្បីចូល LIVE និងដើម្បីផ្ញើកាដូ ទៅកាន់អ្នកបង្កើត ក្នុងអំឡុងវេលា LIVE។

ការបំពានលើវិធានរបស់យើងនឹងនាំឲ្យមានការបិទ​ផ្នែក LIVE ដែលកំពុងមាន និងអាចនាំទៅដល់ការដាក់កំហិតបណ្តោះអាសន្ន​លើការប្រើប្រាស់​ LIVE ឬមុខងារ LIVE ឬការហាមឃាត់គណនីមួយ។គណនីត្រូវតែបំពេញលក្ខខណ្ឌចូលរួមដែលពាក់ព័ន្ធ ដើម្បីមានសិទ្ធិសំរាប់ប្រើមុខងាររកប្រាក់ LIVE។

LIVE មិនមានសិទ្ធិទទួលបាន FYF នៅពេលដែលវាចែករំលែកខ្លឹមសារដែលមិនមានសិទ្ធិទទួលបាន FYF ឬនៅពេលដែលគោលបំណងសំខាន់នៃ LIVE កំពុងបញ្ជូន​មនុស្សឱ្យទៅក្រៅផ្លេតហ្វម។LIVE ត្រូវបានដាក់កំហិត (18 ឆ្នាំឡើងទៅ) នៅពេលវាចែករំលែកខ្លឹមសារដែលមិនសមរម្យសម្រាប់មនុស្សវ័យក្មេង។ប្រសិនបើ LIVE ចែករំលែកខ្លឹមសារ​ដែលមិនទទួលសិទ្ធិទទួលបាន FYF ម្តងហើយម្តងទៀត យើងអនុវត្តការដាក់កំហិតបណ្តោះអាសន្នលើម្ចាស់គណនី រួមទាំងការរដាក់កំហិតលើការមើលឃើញនៃវគ្គ LIVE របស់ពួកគេ ឬការប្រើប្រាស់មុខងារ LIVE មួយចំនួនរបស់ពួកគេ។

នៅក្នុង LIVE ដែលមានភ្ញៀវច្រើននាក់ គណនីអ្នកផ្សាយត្រូវទទួលខុសត្រូវចំពោះខ្លឹមសារដែលបានផ្សាយនៅក្នុង LIVE របស់ពួកគេ។អ្នកផ្សាយមិនត្រូវជួយសម្រួលដល់ការចែករំលែកខ្លឹមសាររបស់ភ្ញៀវដែលបំពានវិធានរបស់យើង ឬមិនបំពេញតាមស្តង់ដារ FYF របស់យើង។ប្រសិនបើភ្ញៀវផ្សាយខ្លឹមសារដែលបំពាន វានឹងនាំទៅដល់ការបិទវគ្គ LIVE ច្រើន ហើយអាចនាំឱ្យមានការដាក់កំហិតការចូលប្រើ LIVE បណ្តោះអាសន្នសម្រាប់អ្នកផ្សាយ ឬភ្ញៀវ។ប្រសិនបើភ្ញៀវផ្សាយខ្លឹមសារដែលមិនទទួលសិទ្ធិទទួលបាន FYF វានឹងធ្វើឱ្យ LIVE មិនទទួលសិទ្ធិទទួលបាន FYF។

ការប្រើប្រាស់ឧបករណ៍ស្វែងរកអាចជាមធ្យោបាយដ៏សម្បូរបែប និងមានប្រយោជន៍ក្នុងការស្វែងរកខ្លឹមសារនៅលើផ្លេតហ្វម។នៅពេលអ្នកធ្វើការស្វែងរក យើងព្យាយាមផ្តល់ឱ្យអ្នកនូវលទ្ធផលស្វែងរកដែលពាក់ព័ន្ធ។យើងរឹតបន្តឹងការស្វែងរកដែលប្រើពាក្យគន្លឹះឬឃ្លាដែលបំពានវិធានរបស់យើង។ ខ្លឹមសារដែលត្រូវបានអនុញ្ញាតនៅលើផ្លេតហ្វម ប៉ុន្តែមិនបំពេញតាមសិទ្ធិទទួលបានការណែនាំរបស់យើង ប្រហែលជាមិនបង្ហាញជាលទ្ធផលស្វែងរកពេញនិយមនោះទេ។

យើងផ្តល់ការណែនាំការស្វែងរកដែលពាក់ព័ន្ធនឹងអ្នក។ការណែនាំការស្វែងរកទាំងនេះអាចរកបាននៅទូទាំងផ្លេតហ្វម រួមទាំងការបំពេញដោយស្វ័យប្រវត្តិនៅក្នុងឧបករណ៍ស្វែងរក ខ្លឹមសារ​ពីផ្នែក អ្នកអាចនឹងចូលចិត្ត និងខណៈពេលកំពុងមើលខ្លឹមសារ​នៅក្នុង FYF។

ជារឿយៗតំណត្រូវបានចែករំលែកនៅក្នុងរូបតំណាង ជីវប្រវត្តិ ឬខ្លឹមសារដើម្បីភ្ជាប់អ្នកទៅកាន់ខ្លឹមសារបន្ថែមទៀត ឬទៅកាន់គេហទំព័រផ្សេងទៀត។ខណៈពេលដែលតំណមួយចំនួនទៀតអាចជាប្រយោជន៍ ឬជាព័ត៌មាន ផ្សេងទៀតភ្ជាប់ទៅនឹងខ្លឹមសារដែលមានគ្រោះថ្នាក់ ដែលនឹងមិនត្រូវបានអនុញ្ញាតនៅលើផ្លេតហ្វមរបស់យើងទេ។យើងមិនអនុញ្ញាតឱ្យបង្ហោះតំណដែលដឹកនាំមនុស្សទៅកាន់ខ្លឹមសារដែលបំពានវិធានរបស់យើងទេ។ ការបំពានវិធានរបស់យើងនឹងនាំឱ្យមានការដកតំណចេញ ការដាក់កំហិតបណ្តោះអាសន្នលើការបង្ហោះតំណផ្សេងទៀតឡើងវិញ ឬការហាមឃាត់គណនី។ប្រសិនបើតំណភ្ជាប់ទៅខ្លឹមសារដែលមានលក្ខណៈគ្រប់គ្រាន់ជាការបំពានធ្ងន់ធ្ងរ នៃវិធានរបស់យើង យើងក៏អាចហាមឃាត់គណនីនេះផងដែរ។

មតិ និងសារផ្ទាល់លើ TikTok អនុញ្ញាតឲ្យអ្នកធ្វើអន្តរកម្មជាមួយវីដេអូ ឬដោយផ្ទាល់ជាមួយអ្នកដទៃ និងផ្ដល់បទពិសោធប្រាស្រ័យទាក់ទងទាំងស្រុងពីផ្លេតហ្វម។អ្នកត្រូវតែមានអាយុ 16 ឆ្នាំឡើងទៅ ដើម្បីប្រើសារផ្ទាល់ និង 18 ឆ្នាំឡើងទៅ ដើម្បីប្រើមុខងារផ្ញើសារកម្រិតខ្ពស់ ដូចជាសារជាក្រុមនៅក្នុងតំបន់មួយចំនួន។

ការបំពានវិធានរបស់យើងនឹងនាំទៅដល់ការដាក់កំហិតការមើលឃើញ ឬការដកចេញនូវមតិ ឬការដាក់កំហិតលើការផ្ញើសារផ្ទាល់ ហើយអាចនាំឱ្យមានការហាមប្រាមគណនី ប្រសិនបើមានការបំពានធ្ងន់ធ្ងរ។

យើងផ្ដល់ឱ្យនូវឧបករណ៍ដែលអាចឱ្យអ្នកបង្កើតរកប្រាក់ពីខ្លឹមសារ ហើយដែលឱ្យអាជីវកម្មនូវសមត្ថភាពធ្វើការ និងពង្រីកសហគ្រាសរបស់គេ។អ្នកត្រូវតែមានអាយុ 18 ឆ្នាំ និងលើសនេះ ដើម្បីប្រើមុខងាររកប្រាក់។

គណនីត្រូវតែបំពេញលក្ខខណ្ឌចូលរួមដែលពាក់ព័ន្ធ ដើម្បីមានសិទ្ធិសំរាប់ប្រើមុខងាររកប្រាក់។មុខងាររកប្រាក់មួយចំនួន ដូចជាការផ្តល់កាដូ LIVE អាចមានស្តង់ដារបន្ថែមដើម្បីប្រើប្រាស់វា។ការបំពានវិធានរបស់យើងអាចនាំឱ្យមានកំហិតជាបណ្ដោះអាសន្នលើមុខងាររកប្រាក់ ហើយការបំពានដដែលៗនឹងនាំឱ្យមានការដាក់កំហិតជារៀងរហូត ឬការហាមប្រាមគណនីមួយ។ខ្លឹមសារដែលមិនមានសិទ្ធិក្នុង FYF ប្រហែលជាត្រូវបានកំហិតមិនឱ្យប្រើមុខងាររកប្រាក់ឡើយ។

ខ្លឹមសារពាណិជ្ជកម្មទាំងអស់នៅលើ TikTok ត្រូវតែអនុលោមតាមគោលការណ៍នៃមុខងាររកប្រាក់ពាក់ព័ន្ធ ដូចជា គោលការណ៍ខ្លឹមសារមានម៉ាក គោលការណ៍ច្នៃប្រឌិត Ads របស់ TikTok គោលការណ៍ចូលឧស្សាហកម្ម និងគោលការណ៍ TikTok Shop។ប្រសិនបើយើងដឹងអំពីខ្លឹមសារទីផ្សារដែលមិនត្រូវបានបង្ហាញឱ្យច្បាស់លាស់ យើងនឹងអនុវត្តការកំណត់បញ្ចេញព័ត៌មានខ្លឹមសារ។ខ្លឹមសារពាណិជ្ជកម្មរួមបញ្ចូលការផ្សព្វផ្សាយម៉ាក ផលិតផល ឬសេវាកម្មផ្ទាល់ខ្លួនរបស់អ្នក ឬការដោះដូរអ្វីមួយដែលមានតម្លៃរវាងអ្នកបង្កើត ភាគីទីបី និងអ្នកបង្កើត (ដូចជាខ្លឹមសារមានម៉ាក) អ្នកបង្កើត និងអាជីវកម្ម (ដូចជាពាណិជ្ជកម្មអេឡិចត្រូនិក) ឬអ្នកបង្កើត និង TikTok (ដូចជា Creator Fund)។