ការប្រកាន់ខ្ជាប់នូវសិទ្ធិមនុស្ស
បច្ចេកវិទ្យាគឺជាច្រកសំខាន់មួយដើម្បីអនុវត្តសិទ្ធិមនុស្ស។ TikTok ទាក់ទងជាមួយមនុស្សជាង ១ពាន់លាននាក់ នៅទូទាំងពិភពលោក។ យើងប្ដេជ្ញាចិត្តគោរពសិទ្ធិមនុស្សរបស់មនុស្សទាំងអស់ដែលរងផលប៉ះពាល់ដោយផ្លេតហ្វមរបសយើង ដោយមិនគិតពីជាតិសាសន៍ ទំនោរចំណូលចិត្ត ប្រវត្តិសាវតា ឬបទពិសោធន៍ជីវិតរបស់ពួកគេ។ ក្នុងនាមជាក្រុមហ៊ុនកម្សាន្តជាសកល TikTok មានការទទួលខុសត្រូវក្នុងការធានាថាសហគមន៍របស់យើងត្រូវបានគេប្រព្រឹត្តិមកលើដោយមានសេចក្ដីថ្លៃថ្នូរ និងការគោរពជាមូលដ្ឋាននៅលើផ្លេតហ្វមរបស់យើង។
ការប្ដេជ្ញាចិត្តរបស់យើងចំពោះសិទ្ធិមនុស្ស
ការទទួលខុសត្រូវក្នុងការប្រកានខ្ជាប់នូវសិទ្ធិមនុស្សត្រូវបានចែករំលែក៖ ខណៈដែលរដ្ឋាភិបាលនានាមានកាតព្វកិច្ចក្នុងការការពារសិទ្ធិមនុស្ស, TikTok និងអាជីវកម្មដទៃទៀតក៏មានការទទួលខុសត្រូវផងដែរ ក្នុងការគោរពសិទ្ធិមនុស្សទាំងនោះ។ ការគោរពសិទ្ធិមនុស្សគឺសំខាន់សម្រាប់ TikTok ដើម្បីបង្កើត និងធ្វើឱ្យមានចីរភាពទំនុកចិត្តក្នុងចំណោមនិយោជិត អ្នកប្រើប្រាស់ អ្នកបង្កើត អ្នកផ្សាយពាណិជ្ជកម្ម និងអ្នកដទៃទៀតដែលជាផ្នែកនៃសហគមន៍របស់យើង ហើយជាអ្នកដែលយើងចូលពាក់ព័ន្ធជាមួយក្នុងនាមជាអាជីវកម្មមួយ។
ទស្សនៈវិជ្ជារបស់យើងត្រូវបានជ្រាបតាមរយៈ ហើយយើងប្ដេជ្ញាចិត្តចំពោះបណ្ដាញសិទ្ធិមនុស្សអន្តរជាតិជាច្រើន រួមមាន (១) សេចក្ដីព្រាងច្បាប់សិទ្ធិមនុស្សអន្តរជាតិ (ដែលរួមមានសេចក្ដីថ្លែងការណ៍ជាសកលនៃសិទ្ធិមនុស្ស [UDHR], កតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ [ICCPR] និងកតិកាសញ្ញាអន្តរជាតិស្តីពីសិទ្ធិសេដ្ឋកិច្ច សង្គម និងវប្បធម៌ [ICESCR]), (២) សេចក្ដីថ្លែងការណ៍របស់អង្គការពលកម្មអន្តរជាតិ [ILO] ស្ដីពីគោលការណ៍ និងសិទ្ធិជាមូលដ្ឋាននៅកន្លែងធ្វើការ, (៣) អនុសញ្ញាស្តីពីសិទ្ធិកុមារ [CRC], និង (៤) គោលការណ៍ណែនាំរបស់អង្គការសហប្រជាជាតិ ស្តីពីធុរកិច្ច និងសិទ្ធិមនុស្ស [UNGPs]។
ជាផ្នែកនៃការប្ដេជ្ញាចិត្តរបស់យើង យើងនឹងពុះពារដើម្បីគោរពសិទ្ធិមនុស្សនៅទូទាំងអាជីវកម្មរបស់យើង និងនៅក្នុងទំនាក់ទំនងអាជីវកម្មរបស់យើង ខណៈអនុលោមតាមច្បាប់និងបទប្បញ្ញត្តិដែលមានជាធរមាន ក្នុងគោលបំណងផ្សព្វផ្សាយសិទ្ធិមនុស្ស នៅទីកន្លែងណាដែលយើងដឹកនាំធ្វើអាជីវកម្មជាសកលផងដែរ។ យើងនឹងបន្តវាយតម្លៃលើប្រតិបត្តិការរបស់យើងដើម្បីកំណត់អត្តសញ្ញាណ វាយតម្លៃ និងដោះស្រាយហានិភ័យសិទ្ធិមនុស្សសំខាន់បំផុត ចូលពាក់ព័ន្ធជាមួយអ្នកពាក់ព័ន្ធ និងកាន់កាប់សិទ្ធិសំខាន់ៗ ព្រមទាំងផ្ដល់អាទិភាពលើវិស័យនានាដែលយើងមានឱកាសដ៏អស្ចារ្យបំផុតដើម្បីមានឥទ្ធិពលជាវិជ្ជមាន។
ការធ្វើប្រតិបត្តិការជាក្រុមហ៊ុនសកល ធ្វើឱ្យយើងបំពេញកាតព្វកិច្ចក្នុងការទទួលស្គាល់ និងប្រកាន់ខ្ជាប់ច្បាប់នៅតាមតំបន់ នៅក្នុងបណ្ដាប្រទេសដែលយើងធ្វើប្រតិបត្តិការ។ នៅក្នុងស្ថានភាពមួយចំនួន ច្បាប់នៅតាមតំបន់អាចមានទំនាស់ជាមួយស្តង់ដាសិទ្ធិមនុស្សអន្តរជាតិ។ នៅពេលបានបង្ហាញជាមួយនឹងករណីទាំងនេះ ការប្ដេជ្ញាចិត្តរបស់យើងចំពោះសិទ្ធិមនុស្សនៅតែបន្ត ហើយយើងស្វែងរកដើម្បីប្រកាន់ខ្ជាប់សិទ្ធិរបស់អ្នកប្រើប្រាស់របស់យើងចំពោះការសម្ដែងមតិដោយសេរី និងឯកជនភាព។ ដើម្បីធ្វើរឿងនេះ យើងវាយតម្លៃសុពលភាពនៃសំណើរបស់រដ្ឋាភិបាលដែលស្ថិតក្នុងទំនាស់ និងបកស្រាយវាឱ្យចង្អៀតដែលអាចធ្វើបាន។ ក្នុងករណីខ្លះដែលយើងជឿថារឿងនេះគឺគ្រប់គ្រាន់ក្នុងការគោរពសិទ្ធិរបស់អ្នកប្រើប្រាស់ យើងនឹងស្វែងរកមធ្យោបាយផ្លូវច្បាប់ដើម្បីត្រឡប់ទៅវិញនូវសំណើនានាដែលអាចធ្វើឱ្យប៉ះពាល់ដល់ស្តង់ដាច្បាប់អន្តរជាតិ និងសិទ្ធិមនុស្សអន្តរជាតិ។
បាទ/ចាស
ទេ