गोपनीयता धोरण

शेवटचे अपडेट केल्याची तारीख: फेब्रुवारी, २०२०

टिकटॉक(“मंच”) मध्ये आपले स्वागत आहे. हा मंच टिकटॉक प्रा, लि. ने पुरविलेला आहे व नियंत्रित केलेला आहे, त्यांचा नोंदणीकृत पत्ता आहे २०१ हेंडरसन रोड#०६-२२, ॲपेक्स @हेंडरसन, सिंगापूर १५९५४५ (“टिकटॉक”, “आम्ही” किंवा “आपण”).

तुमच्या खाजगीपणाचे संरक्षण करण्यासाठी व त्याचा आदर करण्यासाठी आम्ही वचनबध्द आहोत. तुमच्याकडून गोळा केलेल्या किंवा तुम्ही आम्हाला पुरविलेल्या तुमच्या खाजगी माहिती बाबत आमच्या सेवा हे धोरण स्पष्ट करते. जर तुम्हाला हे धोरण मान्य नसेल, तर तुम्ही हा मंच वापरू शकणार नाही.

आम्ही तुमची खाजगी माहिती कशी वापरतो याविषयी जर तुमच्या मनात काही प्रश्न असतील, तर कृपया पुढील मेल-आयडी वर संपर्क साधा https://www.tiktok.com/legal/report/privacy

गोषवारा

तुमच्याकडून आम्ही कोणती माहिती गोळा करतो?

जेव्हा तुम्ही मंचावर खाते निर्माण करता आणि मंचावर कंटेंट अपलोड करता तेव्हा तुम्ही दिलेली माहिती आम्ही गोळा करतो व प्रक्रिया करतो. यामध्ये मंचाचा वापर करण्याची तांत्रिक व तुमच्या वर्तनाची माहिती समाविष्ट असते. जर तुम्ही ॲप डाऊनलोड केले व खाते निर्माण न करता मंचावर देवाणघेवाण केली तरी सुध्दा आम्ही तुमच्या संबंधी माहिती गोळा करतो.

तुमच्या विषयीची माहिती आम्ही कशी वापरतो?

मंच तुम्हाला देण्यासाठी, विकसित करण्यासाठी आणि त्यावर देखरेख करण्यासाठी आम्ही तुमच्या माहितीचा वापर करतो. तुमच्या माहितीचा वापर आम्ही इतर गोष्टींपैकी, तुमच्या सूचना फॉर यू फीड मध्ये दाखविण्यासाठी वापरतो, तुमच्या सुरक्षेच्या खात्रीसाठी, मंचामधील सुधारणांसाठी, विकसित करण्यासाठी वापरतो. जेथे योग्य असेल, तेथे साधित जाहिरातींतून तुमची सेवा करण्यासाठी आणि मंचाच्या प्रमोशनासाठी सुध्दा आम्ही तुमच्या खाजगी माहितीचा वापर करू.

आम्ही तुमची माहिती कोणाला सामायिक करू?

आम्ही तुमची माहिती तृतीय पक्षीय सेवा पुरवठादारांना सामायिक करू, जे आम्हाला मंचाच्या वितरणामध्ये मदत करतात, जसे की क्लाउड स्टोअरेज पुरवठादार. तसेच आम्ही तुमची माहिती व्यावसायिक भागीदार, त्याच गटातील इतर कंपन्या, जसे की टिकटॉक, कंटेंट मॉडरेशन सेवा, मापन प्रदाते, जाहिरातदार, आणि विश्लेषण प्रदाते यांना सुध्दा सामायिक करू. कायद्यानुसार जेथे व जेव्हा आवश्यक असेल, तेव्हा आम्ही तुमची माहिती कायदा अंमलबजावणी संस्था किंवा नियामक, आणि कोर्टाच्या आदेशानुसार कायदेशीर बंधनकारक असलेल्या अनुषंगाने तृतीय पक्षाला सामायिक करू.

तुमची माहिती आम्ही किती काळ राखून ठेवू शकतो?

तुम्हाला सेवा जितका काळ प्रदान करणे आवश्यक आहे तितका काळ आम्ही तुमची माहिती राखून ठेवतो. तुम्हाला सेवा देण्यासाठी तुमची माहिती राखून ठेवण्याची गरज आम्हाला नसली तरी, अशा प्रकारची माहिती ठेवण्याचा आमचा कायदेशीर व्यवसाय हेतू असल्यामुळे आम्ही ती माहिती दीर्घकाळ राखून ठेवतो किंवा जेथे आम्हाला माहिती राखून ठेवण्यासाठी कायदेशीर बंधने आहेत तेथे. तसेच आम्ही तुमची माहिती राखून ठेवतो, जर आम्हाला वाटले की ती स्थापनेसाठी, अभ्यासासाठी किंवा कायदेशीर दाव्यांच्या संरक्षणासाठी आवश्यक आहे किंवा असेल.

या धोरणातील कोणत्याही बदलाची सूचना आम्ही तुम्हाला कशी देऊ?

या धोरणातील कोणत्याही भौतिक बदलाची सूचना सर्व युजरना सामान्यपणे आम्ही आमच्या मंचावरील सूचने द्वारे देतो. तथापि, तुम्ही या धोरणाकडे नियमितपणे नजर टाकली पाहिजे की त्यात काही बदल झाले आहेत का हे पाहण्यासाठी. आम्ही या धोरणाच्या वरच्या बाजूला लास्ट अपडेटेड तारीख सुध्दा टाकतो, त्यातून या धोरणाची प्रभावी तारीख दिसून येते. मंचामध्ये प्रवेश करणे किंवा त्याचा वापर करून, तुम्ही हे धोरण वाचले असल्याचे आणि तुमच्या खाजगी माहिती संबंधी तुमचे हक्क, आणि आम्ही ती कशी गोळा करतो, त्याचा वापर व त्यावर प्रक्रिया कशी करतो हे तुम्हाला कळाले आहे, तुम्ही मान्य करता.

***********************************************************************************************

1. आम्ही वापरत असलेल्या खाजगी माहितीचे प्रकार

आम्ही तुमच्या विषयी खालील माहिती गोळा करतो व त्याचा वापर करतोः

तुमची प्रोफाइल माहिती. जेव्हा तुम्ही मंचावर नोंदणी करता, तेव्हा तुम्ही आम्हाला माहिती देता, त्यात तुमचे युजरनाव, जन्मतारीख(लागू असेल तर), इमेल पत्ता, आणि /किंवा टेलीफोन क्रमांक, तुमच्या युजर प्रोफाइल मध्ये तुम्ही प्रकट करत असलेली माहिती, आणि तुमचा फोटो किंवा प्रोफाइल व्हिडिओ यांचा समावेश आहे.

युजर कंटेंट आणि वर्तणूक माहिती. मंचावर तुम्ही निर्माण केलेल्या कंटेंटवर आम्ही प्रक्रिया करतो, यात तुम्ही सेट केलेल्या आवडी (जसे की भाषेची निवड), तुम्ही अपलोड केलेले फोटो, व व्हिडिओ आणि तुम्ही केलेल्या टिप्पण्या यांचा समावेश आहे.(“युजर कंटेंट”). युजर कंटेंट अपलोड करण्याचा वेग सुधारण्यासाठी, अपलोड निश्चित करण्यासाठी, पोस्ट वर क्लिक करण्याआधी, आम्ही ऑडिओ व व्हिडिओ अपलोड करण्यासाठी प्रीलोड सेवा आगाऊ देऊ करतो. कंटेंट अपलोड करण्यात तुम्ही इतर काही कारणांमुळे अयशस्वी झालात किंवा तुम्ही रद्द केले तर, आम्ही संबंधित ऑडिओ व व्हिडिओ आमच्या सर्व्हर वरून काढून टाकू. तुम्ही सहभागी होत असलेल्या सर्वेक्षण, आव्हाने, आणि स्पर्धांद्वारे आम्ही माहिती गोळा करतो. मंचाच्या तुमच्या वापरासंबंधी माहिती सुध्दा आम्ही गोळा करतो, उदा. मंचामध्ये तुम्ही कसे गुंतता, तसेच आम्ही दाखविलेल्या कंटेंट वर तुम्ही कसे संवाद साधता, तुम्ही पाहिलेली जाहिरात, माझे आवडते मध्ये तुम्ही सेव्ह केलेले कंटेंट आणि तुम्ही अनुसरण करत असलेले युजर हे समाविष्ट आहेत. तसेच आम्ही तुमच्या आवडीतून अनुमान सुध्दा काढतो, यात कंटेंट वैयक्तिककृत करण्याच्या हेतूने तुमचे स्वारस्य, लिंग आणि वयाचा समावेश आहे. तुमच्या अनुयायांची माहिती, तुम्हाला मिळणारे लाइक्स, आणि तुम्ही अपलोड केलेल्या कंटेंटला मिळणारा प्रतिसाद यावर आम्ही प्रक्रिया करतो, इतर युजरना तुमचे कंटेंट जाहिरात करण्याच्या आणि आपले प्रोफाइल सहयोगाच्या पुढील संधी सादर करते की नाही हे शोधून काढण्याच्या हेतूने. जेथे योग्य असेल तेथे, आम्ही या माहितीचा उपयोग वैयक्तिकृत जाहिरात देण्याच्या उद्देशाने आणि तुम्हाला नवीन सेवा व संधी विषयी सांगण्यासाठी सुध्दा करू.

तृतीय पक्षांकडून मिळणारी माहिती. तृतीय पक्षांकडून मिळणारी माहिती आमच्याकडे शेअर करण्याचा पर्याय तुम्ही निवडू शकता किंवा तुम्ही मंचाचा करत असलेल्या वापराद्वारे, आम्ही अशा प्रकारचा तृतीय पक्षीय डाटा स्वयंचलितपणे गोळा करू शकतो. खालील तृतीय पक्षांकडून आम्हाला मिळणाऱ्या माहितीतील अधिक तपशीलावर आम्ही लक्ष केंद्रित केले आहेः

व्यावसायिक भागीदार

जर तुम्ही तुमच्या सोशल नेटवर्क खात्याचा(उदा. फेसबुक, ट्विटर, इन्स्टाग्राम, गुगल), तपशील देऊन नोंदणी करण्याचे निवडले तर, तुम्ही आम्हाला द्याल किंवा तुमच्या सोशल नेटवर्कला परवानगी द्याल आम्हाला तुमचे युजरनाव व सार्वजनिक प्रोफाइल प्रदान करण्याची. आम्ही तुमच्या सोशल नेटवर्क वर असणारी माहिती तशीच शेअर करू, जसे की तुमचा ॲप आयडी, ॲक्सेस टोकन आणि संदर्भांकित युआरएल. तुमच्या फेसबुक वरील कॉन्टॅक्ट यादी आम्हाला शेअर केल्यावर पुढील माहितीसाठी, कृपया इतर युजर शोधा व तुमच्या मित्रांना आमंत्रित करा पहा.

जाहिरातदार आणि जाहिरातींचे नेटवर्क

मंच व इतर तृतीय पक्षीय साइट वरील तुमच्याकडून गोळा केलेली माहिती आणि तुमचे संवाद, तुमचे स्वारस्य काय आहेत याचे अनुमान करून तुम्हाला अधिक सुसंबध्द जाहिराती पुरविण्यासाठी आम्ही वापरतो. ही माहिती आम्हाला तुम्ही भेट दिलेल्या वेबसाइट विषयी, तुम्ही डाऊनलोड केलेल्या ॲपविषयी आणि तुमच्या खरेदी विषयी सांगते, त्यामुळे आम्ही तुमच्या संभाव्य स्वारस्या विषयी अनुमान करू शकतो आणि आमच्या मंचावरील जाहिराती किती प्रभावी आहेत याचे मूल्यमापन करू शकतो. कुकीज आणि त्या प्रकारच्या आमच्या ॲपवरील तंत्रज्ञानाचा वापर करून तसेच आमच्या मंचावर जाहिरात करणाऱ्या तृतीय पक्षांकडून मिळणाऱ्या तशाच माहितीतून आणि तुम्ही भेट दिलेल्या साइट वरून आम्ही ही माहिती गोळा करतो.

तुमच्या विषयी आम्ही गोळा केलेली तांत्रिक माहिती. जेव्हा तुम्ही मंचाचा वापर करता तेव्हा आम्ही स्वयंचलितपणे तुमच्या विषयी माहिती गोळा करतो, यात खाते नसताना ॲपचा तुम्ही करत असलेला वापर सामील आहे. अशी माहिती, यात तुमचा आयपी पत्ता, ब्राऊजिंग इतिहास (उदा. मंचावर तुम्ही पाहिलेले कंटेंट), मोबाइल कॅरियर, टाइम झोन सेटिंग, जाहिरातीच्या उद्देशाने अभिज्ञापक, आणि तुम्ही वापरत असलेले ॲपचे व्हर्जन समाविष्ट आहेत. त्याच प्रमाणे आम्ही मंचामध्ये प्रवेश करण्यासाठी वापरत असलेल्या डिव्हाइसची माहिती सुध्दा गोळा करतो, जसे की तुमच्या डिव्हाइसचे मॉडेल, डिव्हाइस सिस्टीम, नेटवर्क प्रकार, डिव्हाइस आयडी, तुमच्या स्क्रीनचे रिझॉल्यूशन आणि ऑपरेटिंग सिस्टीम. तुम्ही जरी एकाधिक डिव्हाइस वापरून लॉग-इन केले तरी सर्व डिव्हाइस वरील तुमची कृती ओळखण्यासाठी तुमच्या प्रोफाइल माहितीचा वापर आम्ही करू शकू.

लोकेशन. (स्थान) आम्ही यासाठी रिजन वापरतो, सेटिंग मध्ये तुम्ही तुमच्या टिकटॉकच्या अनुभवासाठी निवडता ते रिजन, याला अपवाद आहे जेथे आम्ही लोकेशनवर आधारीत सेवा पुरवतो, त्याचा, अशा बाबतीत आम्ही जीपीएस संकलित करतो( येथे आम्हाला तुमची संमती हवी असते).

इतर युजर शोधा आणि तुमच्या मित्रांना आमंत्रित करा. आमचे फाइंड फ्रेंडस फंक्शन वापरून तुम्ही मंचावरील इतर युजर शोधण्याचा पर्याय निवडू शकता. तुमच्या टेलिफोनच्या कॉन्टॅक्ट यादीतील किंवा फेसबुक फ्रेंडस लिस्ट मधील कोणते मित्र या मंचाचा वापर करत आहेत हे पाहण्याची परवानगी तुम्हाला या फंक्शनॅलिटी मधून मिळते आणि तुम्हाला त्यांना फॉलो करण्याचा पर्याय दिला जातो. तसेच तुम्ही या फंक्शनचा वापर करून तुमच्या कॉन्टॅक्टना मंचावर तुम्हाला सामील होण्यासाठी आमंत्रित करू शकता. त्या व्यक्तीची कॉन्टॅक्ट माहिती तुमच्या टेलीफोन कॉन्टॅक्ट लिस्ट मधून किंवा फेसबुक फ्रेंडस लिस्ट मधून घेऊन आम्ही त्याचा वापर करू आणि एसएमएस द्वारे, इमेल द्वारे किंवा तृतीय पक्षीय मेसेज द्वारे(जसे की व्हॉटसॲप, फेसबुक(यात फेसबुक मेसेंजर सुध्दा समाविष्ट आहे) किंवा ट्विटर) तुमचे टिकटॉक प्रोफाइल पाहण्यासाठी त्यांना आमंत्रित करण्याचा पर्याय तुम्हाला देऊ.

कॉइन्स विकत घेणे. जर तुम्ही विशिष्ट न्यायाधिकारकक्षेच्या आत रहात असाल जेथे इन-ॲप कॉइन विकत घेण्याचा प्रस्ताव देत असेल, तर कृपया आमच्या व्हर्च्युअल आयटेम्स पॉलिसीच्या तरतुदी लक्षात घ्या. तुमच्या ॲपल आयट्युन्स किंवा गुगल प्ले अकाऊंट वरून तुम्ही ते खरेदी करू शकाल. अशा प्रकारच्या व्यवहारासंबंधी कोणत्याही आर्थिक बाबीची किंवा बिलासंबंधी माहिती आम्ही तुमच्याकडून गोळा करत नाही. कृपया, अशा प्रकारची माहिती हाताळण्याविषयी संबंधित ॲप स्टोअरच्या अटी व सूचना तपासून पहा. म्हणजे आम्ही योग्य किंमतीच्या कॉइन्स तुमच्या खात्यात क्रेडिट करू शकू, तुमच्या खरेदीचे, तुम्ही ती खरेदी कधी केली व किती रक्कम त्यात घालविली याचे आम्ही रेकॉर्ड ठेवतो.

2. कुकीज

आम्ही आणि आमचे व्हेंडर आणि सेवा पुरवठादार कुकीज व इतर तत्सम तंत्रज्ञानाचा वापर, ज्या वेब पेजेस वर तुम्ही क्लिक करता आणि तुम्ही मंचाचा वापर कसा करता, मंच वापरण्याचा तुमचा अनुभव सुधारण्यासाठी, आमच्या सेवा सुधारण्यासाठी, आणि मंचावर तुम्हाला साधित जाहिराती पुरविण्यासाठी आणि तुमच्या इतर डिव्हाइस वरील स्वयंचलितपणे माहिती गोळा करणे, मूल्यमापन करणे, आणि विश्लेषण करणे यासाठी करतात (उदा. वेब बेकन्स, फ्लॅश कुकीज, इ.) (कुकीज). कुकीज म्हणजे छोट्या फाइल्स असतात, त्या तुमच्या डिव्हाइस वर ठेवल्या की मंचाला विशिष्ट फीचर्स व फंक्शनॅलिटी पुरविण्यात सक्षम करतात. वेब बेकन्स ही खूप छोटी चित्रे किंवा चित्रांमध्ये बसविलेले माहितीचे छोटे तुकडे असतात, त्यांना पिक्सेल टॅग्ज किंवा क्लिअर जीएयएफस असेही म्हणतात, त्या कुकीज ओळखू शकतात, पेज पाहिल्याची तारीख व वेळ, ज्या पेजवर पिक्सेल टॅग टाकलेला आहे त्याचे वर्णन, आणि तुमच्या संगणकाची किंवा डिव्हाइसची समान माहिती. मंचाचा वापर करून तुम्ही आमच्या कुकीजच्या वापराला संमती देता.

त्याचप्रमाणे, आम्ही आमच्या व्यावसायिक भागीदारांना, जाहिरात नेटवर्क्सना, आणि इतर जाहिरातदार व्हेंडर्सना आणि सेवा पुरवठादारांना (विश्लेषण व्हेंडर व सेवा पुरवाठादारांसह) कुकीज द्वारे तुमच्या ऑनलाइन कृतीची माहिती गोळा करण्याची परवानगी देतो. आम्ही आमच्या मंचावर असलेला तुमचा कॉन्टॅक्ट किंवा सबस्क्रायबर माहिती तुमच्या सर्व डिव्हायसेस वर असणारी, तुमचा इमेल किंवा इतर लॉग-इन किंवा डिव्हाइस माहिती वापरून तुमच्या ऑनलाइन कृतीशी जोडतो. हे तृतीयपक्षीय ही माहिती वापरून आमच्या मंचावर जाहिराती प्रदर्शित करू शकतील आणि त्या तुमच्या आवडी, प्राधान्ये आणि वैशिष्ट्यांनुसार बनविलेल्या असतील. या तृतीय पक्षीयांच्या गोपनीयता सेवांसाठी आम्ही जबाबदार असणार नाही, आणि या तृतीय पक्षांकडून दिल्या जाणाऱ्या माहितीच्या सेवा या धोरणांतर्गत समाविष्ट केलेल्या नाहीत.

तुमच्या ब्राऊजरचे सेटिंग समायोजित करून तुम्ही कुकीज नाकारू शकता किंवा अक्षम करू शकता. कारण प्रत्येक ब्राऊजर वेगळा आहे, कृपया तुमच्या ब्राऊजर द्वारे पुरविण्यात आलेल्या सूचना विचारात घ्या. कृपया लक्षात घ्या की विशिष्ट प्रकारच्या कुकीज नाकारण्यासाठी किंवा अक्षम कऱण्यासाठी तुम्हाला अतिरिक्त स्टेप्स घेण्याची गरज लागेल. उदाहरणार्थ, ब्राऊजर व मोबाइल ॲपच्या फंक्शनमधील फरकांमुळे, ब्राऊजरमध्ये लक्षित जाहिरातींसाठी वापरल्या जाणाऱ्या कुकीजची निवड रद्द करण्यासाठी आणि मोबाइलच्या ॲप्लिकेशन मध्ये लक्षित जाहिरातींसाठी वापरल्या जाणाऱ्या कुकीजची निवड रद्द करण्यासाठी, तुम्हाला वेगवेगळ्या स्टेप्स घेण्याची आवश्यकता पडू शकते, तुमच्या डिव्हाइस सेटिंग किंवा मोबाइल ॲप परमिशन द्वारे त्यावर तुम्ही नियंत्रण ठेवू शकता. याशिवाय, तुमचे रद्द करण्याची निवड ही त्या विशिष्ट ब्राऊजरसाठी किंवा डिव्हाइस साठी आहे, जेथे तुम्ही रद्द करणे निवडले आहे, त्यामुळे तुम्हाला प्रत्येक ब्राऊजर किंवा डिव्हाइस साठी वेगळे रद्द करणे निवडण्याची गरज पडेल. जर तुम्ही कुकीज नाकारल्या, अक्षम केल्या किंवा रद्द केल्या तर, मंचावरील काही फंक्शनॅलिटी तुम्हाला यापुढे उपलब्ध होणार नाही.

3. तुमची खाजगी माहिती आम्ही कशी वापरतो

तुमच्या विषयी गोळा केलेली माहिती आम्ही खालील मार्गांनी वापरूः

आमच्या सेवांमधील बदलां विषयी तुम्हाला सूचना देऊ.,
युजर सपोर्ट सह तुम्हाला पुरवठा करू.,
तुम्हाला प्राप्त होणारे कंटेंट खाजगी करू आणि तुमच्या स्वारस्या प्रमाणे तयार केलेले कंटेंट तुम्हाला पुरवू.,
युजर कंटेंट शेअर करण्यात आणि इतर युजरशी संवाद साधण्यात तुम्हाला सक्षम करू.,
आमच्या मेसेंजर सेवेचा वापर करण्याचे फंक्शन तुम्ही निवडल्यास ते फंक्शन सक्षम करू.,
व्हर्च्युअल आयटेम्स कार्यक्रमात सहभागी होण्यासाठी तुम्हाला सक्षम करू.,
तुमच्याशी संवाद साधू.,
मंचावरील गैरवापर, अपायकारक कृती, फसवणूक, स्पॅम आणि बेकायदेशीर कृती शोधण्यात व त्याविरुध्द लढण्यात आम्हाला मदत करण्यासाठी.,
आमच्या कम्युनिटीच्या गाइडलाइन्स आणि इतर अनुचित कंटेंटच्या उल्लंघनातील युजर कंटेंट, मेसेज आणि संबंधित मेटाडाटाच्या पुनरावलोकनासह तुमची सुरक्षा व सुरक्षितता निश्चित करणे.,
तुम्ही व तुमच्या डिव्हाइस साठी कंटेंट हे प्रभावी पध्दतीने सादर केले आहे याची खात्री करणे.,
मंचामध्ये सुधारणा करणे, प्रोत्साहन देणे आणि विकसीत करणे आणि मंचावरील लोकप्रिय विषय, हॅशटॅग आणि मोहिमांना प्रोत्साहन देणे.,
मंचाची स्थिरता आणि सुरक्षिततेची खात्री करण्यासाठी डाटा विश्लेषण करणे व मंचाची चाचणी करणे.,
मंचाच्या परस्पर संवादी फीचर्स मध्ये सहभागी होण्याची तुम्हाला परवानगी देणे.,
मंचावर तुम्हाला सामाजिक करण्यात सक्षम करणे, उदाहरणार्थ, फाइंड अदर फ्रेंडस फंक्शन द्वारे किंवा त्यांच्या फोन मधील कॉन्टॅक्ट द्वारे इतर युजरना तुम्हाला ओळखण्याची परवानगी देणे.,
तुम्ही आमच्या मंचाचा वापर करण्यासाठी तेवढे मोठे आहात याची खात्री करा( कायद्यानुसार आवश्यक असलेले).
तुम्हाला वैयक्तिकृत जाहिरातींसह पुरवते.,
लोकेशन-आधारीत सेवा तुम्हाला पुरवते(तुमच्या न्यायकक्षेच्या आत जेथे या सेवा उपलब्ध आहेत तेथे).,
आमच्या अटी, शर्ती आणि धोरणे लागू करणे., आणि
समस्या निवारणासह मंचाचे प्रशासन.

4. तुमचा वैयक्तिक डाटा आम्ही कसा शेअर करतो

आम्ही तुमचा डाटा खालील निवडक तृतीय पक्षांना शेअर करतोः

व्यावसायिक भागीदार

जेथे तुम्ही सोशल मीडियामंचावर कंटेंट सामायिक करणे निवडता, तेव्हा तो व्हिडिओ, युजरनाव आणि तत्संबंधी मजकूर त्यामंचावर शेअर केला जाईल, किंवा इन्स्टंट मेसेजिंग मंचांद्वारे, जसे की व्हॉटसॲप, शेअरिंग करण्याच्या बाबत, कंटेंटची एक लिंक शेअर केली जाईल.

पेमेंट पुरवठादार

जर तुम्ही बाय कॉइन्स निवडले, तर आम्ही हा व्यवहार सुलभ करण्यासाठी संबंधित पेमेंट पुरवठादाराला तो डाटा शेअर करू. तुम्हाला ओळखण्यासाठी आम्ही एक व्यवहार आयडी शेअर करू आणि तुम्ही एकदा का पेमेंट केले की त्या किंमतीचे कॉइन्स तुमच्या खात्यात क्रेडिट करू.

सेवा पुरवठादार

आमच्या व्यवसायाला साहाय्य करणाऱ्या आमच्या सेवा पुरवठादारांना आम्ही माहिती व कंटेंट पुरवतो, जसे की क्लाउड सेवा पुरवठादार आणि कंटेंट मॉडरेशन सेवा देणारे पुरवठादार, मंच हा सुरक्षित आणि आनंददायक जागा आहे याची खात्री करण्यासाठी.

विश्लेषण पुरवठादार

मंचाच्या सानुकूलतेत आणि सुधारणांमध्ये आम्हाला मदत करण्यासाठी आम्ही विश्लेषण पुरवठादारांचा वापर करतो. आमचे तृतीय पक्षी विश्लेषण पुरवठादार आम्हाला लक्षित जाहिरात सेवा देण्यात सुध्दा मदत करतात

जाहिरातदार आणि जाहिरातींचे नेटवर्क

जाहिरातदार आणि तृतीय पक्षीय मापन कंपन्यांना आम्ही माहिती शेअर करतो हे दाखविण्यासाठी की जाहिरात मंचाच्या किती आणि कोणत्या युजरने पाहिल्या आहेत किंवा त्यावर क्लिक केले आहे. आम्ही तुमचा डिव्हाइस आयडी मापन कंपन्यांना शेअर करतो त्यामुळे आम्ही तुमची मंचावरील कृती इतर वेबसाइटवरील तुमच्या कृतीला जोडू शकतो., त्यानंतर आम्ही ही माहिती तुमच्या स्वारस्यानुसार कदाचित असलेल्या जाहिराती तुम्हाला दाखविण्यासाठी वापरतो.

आमचा कॉर्पोरेट गट

आम्ही तुमची माहिती इतर सदस्य, सहाय्यक कंपन्या किंवा आमच्या कॉर्पोरेट गटाचे सहयोगी यांना सुध्दा शेअर करू, मंचातील सुधारणा, सानुकूलतेसह मंचाचा पुरवठा करण्यासाठी, बेकायदेशीर वापर टाळण्यासाठी व युजरना सहाय्य करण्यासाठी.

कायद्याची अंमलबजावणी

आम्ही तुमची माहिती जर कायद्यानुसार तसे करणे आवश्यक असले तर कायदा अंमलबजावणी संस्था, सार्वजनिक प्राधिकरणे किंवा इतर संघटनांना शेअर करू, किंवा असा वापर करण्याची माफक आवश्यकता असली तरः

कायदेशीर बंधन, प्रक्रिया किंवा विनंतीचे पालन करणे,

आमच्या सेवेच्या अटी, व इतर करार, धोरणे, आणि मानके लागू करा, यात कोणत्याही संभाव्य उल्लंघनाची तपासणी समाविष्ट आहे.,

सुरक्षा, फसवणूक किंवा तांत्रिक अडचणींचा शोध घ्या, त्यांना प्रतिबंध करा, किंवा त्या सोडवा., किंवा

जेथे आवश्यक असेल त्याप्रमाणे किंवा कायद्यानुसार मंजूर केलेले आमच्या, आमच्या युजरच्या, तृतीय पक्षाच्या किंवा सार्वजनिक, हक्कांचे, मालमत्तेचे किंवा सुरक्षेचे संरक्षण करणे, (फसवणूकीपासून संरक्षण आणि क्रेडिट जोखीम कमी करण्यासाठीच्या उद्देशाने इतर कंपनी आणि संस्थांकडे माहितीची देवाणघेवाण करणे समाविष्ट आहे).

सार्वजनिक प्रोफाइल

कृपया लक्षात घ्या की तुमचे प्रोफाइल हे सार्वजनिक असेल, तर तुमचे कंटेंट मंचावरील प्रत्येकाला दिसेल आणि ते तुमचे मित्र व अनुयायी पाहू शकतील, किंवा शेअर करू शकतील, तसेच तृतीय पक्षीय जसे की सर्च इंजिन्स, कंटेंट संकलक आणि नवीन साइटस सुध्दा पाहू शकतील. तुम्ही जेव्हा व्हिडिओ अपलोड कराल त्या प्रत्येक वेळी तुम्ही व्हिडिओ कोणाला दिसेल हे बदलू शकता. त्याचप्रमाणे, तुम्ही तुमचे प्रोफाइल डीफॉल्ट खाजगी मध्ये बदलू शकता, मॅनेज माय अकाऊंट सेटिंग मधील प्रायव्हेट अकाऊंट वर सेटिंग करून.

विक्री किंवा विलीनीकरण

आम्ही तुमची माहिती तृतीय पक्षांना सुध्दा जाहीर करूः

जर आम्ही कोणताही व्यवसाय किंवा मालमत्ता विकत किंवा खरेदी करत असू त्या प्रसंगी (दिवाळे, कर्जबाजारी किंवा इतर गोष्टींचा परिणाम म्हणून), अशा प्रसंगी आम्ही तुमची माहिती अशा व्यवसायाच्या किंवा मालमत्तेच्या संभाव्य विक्रेता किंवा खरेदीदाराला जाहीर करू., किंवा

जर आम्ही विकले, खरेदी केले, विलीनीकरण केले, द्वारे विकत घेतले, किंवा इतर कंपनी किंवा व्यवसाया सोबत भागीदारी केली किंवा आमच्या मालमत्ते पैकी काही किंवा सर्व विकले आहे. अशा व्यवहारात, युजरची माहिती ट्रान्सफर केलेल्या मालमत्तांमध्ये कदाचित समाविष्ट असू शकते.

5. तुमची वैयक्तिक माहिती आम्ही कोठे साठवून ठेवतो

तुमच्याकडून गोळा केलेला तुमचा वैयक्तिक माहिती तुम्ही रहात असलेल्या देशाच्या बाहेर सिंगापूर किंवा युनायटेड स्टेटस मध्ये असलेल्या सर्व्हर वर तुम्ही स्टोअर करू शकता. आमच्या सेवा जागतिक पातळीवर व सतत तुम्हाला देण्यासाठी आम्ही संपूर्ण जगातील मुख्य सर्व्हर वर देखरेख करतो.

6. तुमच्या निवडी

तुम्ही टिकटॉक मध्ये साइनिंग करून तुमच्या प्रोफाइलची जास्तीत जास्त माहिती पाहू शकता किंवा एडिट करू शकता. तुम्ही अपलोड केलेले युजर कंटेंट तुम्ही रद्द करू शकता. कंट्रोल, अमंग अदर्स, हू कॅन व्ह्यू युवर व्हिडिओ, सेंड युवर मेसेज, किंवा तुमच्या व्हिडिओवर पोस्ट कमेंटस अशा प्रकारची अनेक टूल्स आम्ही तुम्हाला देतो. जर तुम्हाला तुमचे संपूर्ण खाते रद्द करायचे असेल तर तुम्ही ते तसे निवडून करू शकता. ही टूल्स कशी वापरावी यासंबंधी तुम्हाला काही प्रश्न असल्यास , किंवा तुम्ही जेथे रहात आहात त्या देशातील कोणत्याही हक्काविषयी तुम्हाला जाणून घ्यायचे असेल, तर कृपया आम्हाला येथे संपर्क साधा https://www.tiktok.com/legal/report/privacy

7. तुमच्या वैयक्तिक माहितीची सुरक्षा

तुमची माहिती सुरक्षितपणे व या धोरणाच्या अनुसार वापरली जाईल याची खात्री आम्ही खात्री करतो. दुर्दैवाने, इंटरनेट द्वारे माहितीचे हस्तांतरण पूर्णपणे सुरक्षित नाही. जरी आम्ही तुमच्या वैयक्तिक माहितीचे सरंक्षण करणार असलो, उदाहरणार्थ, एनक्रिप्शन द्वारे, मंचा द्वारे हस्तांतरण करण्यात येणाऱ्या तुमच्या माहितीच्या सुरक्षेची हमी आम्ही देऊ शकत नाही., कोणतेही हस्तांतरण ही तुमची स्वतःची जोखिम आहे.

तुमच्या आणि इतर युजरच्या हक्क व स्वातंत्र्यासाठी भिन्न शक्यता व तीव्रता होण्याच्या जोखमेच्या सुरक्षेचा स्तर योग्य आहे की नाही हे मोजण्याचे अचूक तांत्रिक व संस्थात्मक मापनदंड आमच्याकडे आहेत. आम्ही या तांत्रिक व संस्थात्मक मापनदंडांची देखभाल करतो आणि आमच्या सिस्टीमच्या संपूर्ण सुरक्षे मध्ये सुधारणा करण्यासाठी त्यात वेळोवेळी बदल करतो.

आम्ही, वेळोवेळी आमच्या सहभागी नेटवर्कच्या, जाहिरातदारांच्या आणि सहयोगींच्या वेबसाइट वरील लिंक्स समाविष्ट करू. यापैकी कोणत्याही वेबसाइटच्या लिंक्सला तुम्ही फॉलो करत असाल, तर कृपया लक्षात घ्या की या वेबसाइटची त्यांची स्वतःची खाजगी धोरणे असतात आणि या धोरणांची कोणतीही जबाबदारी किंवा उत्तरदायीत्व आम्ही स्विकारत नाही. या वेबसाइट वर कोणतीही माहिती सादर करण्यापूर्वी त्यांची धोरणे कृपया तपासून पहा.

8. तुमची वैयक्तिक माहिती आम्ही किती काळ ठेवू शकतो

तुम्हाला सेवा पुरविण्याची जोपर्यंत गरज आहे तोपर्यंत आम्ही तुमची माहिती टिकवून ठेवू. तुम्हाला सेवा पुरविण्यासाठी जरी आम्हाला तुमच्या माहितीची गरज नसली तरी, आम्ही ती टिकवून ठेवतो कारण अशा प्रकारची माहिती ठेवण्याचा आमचा कायदेशीर व्यवसाय हेतू आहे. तथापि, आमच्या कायदेशीर जबाबदाऱ्यांनुसार किंवा कायदेशीर दाव्यांच्या स्थापनेसाठी, अभ्यासासाठी किंवा बचावासाठी आवश्यक असेल म्हणून आम्ही ही माहिती दीर्घकाळ ठेवत असतो.

आमच्या मंचावरून तुमचा वापर तुम्ही बंद केल्यानंतरही, आम्ही तुमची माहिती एकूण व अज्ञात स्वरुपात स्टोअर करतो.

9. मुलांविषयीची माहिती

टिकटॉक हे १३ वर्षे वयाच्या खालील मुलांसाठी निर्देशित केलेले नाही. काही विशिष्ट परिस्थितीत हे वय स्थानिक नियामकाच्या आवश्यकतांनुसार जास्त असू शकेल, तर तेव्हा कृपया अधिक माहितीसाठी तुमची स्थानिक गोपनीयता धोरणे पहा. संबंधित वयाच्या खालील मुलाची माहिती आमच्याकडे वैयक्तिक माहिती म्हणून दिली गेली आहे असे तुम्हाला वाटत असेल तर, कृपया आमच्याशी संपर्क साधा येथे https://www.tiktok.com/legal/report/privacy

10. तक्रारी

तुमच्या वैयक्तिक माहितीची प्रक्रिया आम्ही कशी करतो याविषयी तुम्हाला काही तक्रार करावयाची असल्यास, कृपया पहिले उदाहरण म्हणून आमच्याशी संपर्क साधा येथे https://www.tiktok.com/legal/report/privacy आणि आम्ही तुमची विनंती शक्य तितक्या लवकर हाताळण्याचा प्रयत्न करू. संबंधित माहिती संरक्षक प्राधिकरणाकडे एखादा दावा करणे हे तुमच्या हक्कांमध्ये बाधा आणणारे ठरणार नाही.

11. बदल

आम्ही या अटींमधील कोणत्याही मोठ्या बदलांची सर्वसाधारण सूचना सर्व युजर्सना देण्यासाठी मंचाद्वारे सूचना देण्याचा प्रयत्न करतो, परंतु, अशा बदलांसाठी आपण या अटी नियमितपणे तपासून पाहाव्या. आम्ही या अटींच्या वरती असलेला “मागील सुधारणा” दिनांक बदलत राहू, ज्यातून अशा अटींचा प्रभावी दिनांक कळेल. नवीन अटींच्या तारखेनंतर आपण या सेवांमध्ये प्रवेश किंवा त्यांचा वापर चालू ठेवणे याचा अर्थ आपण नवीन अटींना मान्यता देता असा होतो. आपण नवीन अटींना मान्यता दिली नाही तर, आपण या सेवांमध्ये प्रवेश करणे किंवा त्या वापरणे थांबविले पाहिजे.

12. संपर्क साधा

या धोरणाशी संबंधित प्रश्न, टिप्पण्या आणि विनंत्या संबोधित करा येथे https://www.tiktok.com/legal/report/privacy

सप्लिमेंटल टर्म्स- ज्युरिसडिक्शन-स्पेसिफिक

सप्लिमेंटल टर्म्स-ज्युरिसडिक्शन -स्पेसिफिक मधील ज्या तरतुदी या सेवांमध्ये प्रवेश किंवा वापर करण्यासाठी तुमच्या अधिकारक्षेत्राशी संबंधित आहेत आणि राहिलेल्या या अटी, त्या संबंधित अधिकारक्षेत्रातील सप्लिमेंटल टर्म्स-ज्युरिसडिक्शन -स्पेसिफिक यांच्यातील तरतुदी यामध्ये काही मतभेद आढळल्यास, ते त्याजागी येतील किंवा नियंत्रण करतील.

भारत. जर तुम्ही भारतातील आमच्या सेवेचा वापर करत आहात, तर हा मंच बाईटडान्स (इंडीया) टेक्नॉलॉजी प्रा. लि. ने प्रदान केलेला आहे व नियंत्रित केलेला आहे. टिकटॉक हा आमचा ब्रँड सेवा पुरविण्यासाठी व जाहिरातीसाठी आहे. भारतातील या सेवांचा वापर करताना बाईटडान्स (इंडिया) टेक्नॉलॉजी इंडिया प्रायव्हेट लिमिटेड च्या उल्लेखासाठी कृपया “टिकटॉक”, “आम्ही” किंवा “आपण” असे या धोरणात वाचा.