Inilabas noong Abril 17, 2024
May bisa simula Mayo 17, 2024
Kinikilala namin na posibleng nasa interes ng publiko na makita ang ilang content na malamang na lalabag sa aming mga alituntunin. Tumutukoy ang pampublikong interes sa mga paksa na nagbibigay ng impormasyon, inspirasyon, o kaalaman sa komunidad at nagpapalalim sa pag-iisip tungkol sa mga usapin na may malawakan at kolektibong kahalagahan. Posible naming payagan ang content na manatili sa TikTok sa ilalim ng isa sa mga sumusunod na eksepsyon para sa pampublikong interes:
Gumagamit ng parehong mga pamantayan ang aming estratehiya sa pag-moderate ng content, sinuman ang gumawa ng content. Ang pinakamahalagang salik na isinasaalang-alang namin sa pagtingin sa mga eksepsyon para sa pampublikong interes ay konteksto, gaya ng kung nagbibigay ng kamalayan o namumuna ng mga mapanganib na gawi ang content. Para tulungan kami sa aming pagsusuri, hinihikayat ka naming malinaw na ipakita ang konteksto gamit ang mga feature gaya ng mga caption, voice over, o mga sticker.
Posible kaming magdagdag pa ng mga hakbang para sa kaligtasan para sa ilang content na pinapayagan sa ilalim ng eksepsyon para sa pampublikong interes, gaya ng paggawang hindi ito kwalipikado para sa FYF o pagdaragdag ng label, "opt-in" screen, o babalang impormasyon. Hindi kami nagbibigay ng mga eksepsyon para sa content na nasa interes ng publiko kung posible itong magdulot ng matinding pinsala, gaya ng pagpapakita ng pagpapakamatay o sekswal na pang-aabuso ng batang indibidwal.
Nilalayon naming alisin ang content o mga account na lumalabag sa aming mga alituntunin bago makita o maibahagi ang mga ito. Dumadaan muna sa naka-automate na proseso ng pagsusuri ang content. Kung matukoy na ang content ay isang posibleng paglabag, awtomatiko itong aalisin, o mamarkahan para sa karagdagang pagsusuri ng aming mga moderator. Magkakaroon ng karagdagang pagsusuri kung ang content ay naging sikat o nai-report. Para suportahan ang katumpakan ng pag-moderate, kami ay naglalapat ng mga karagdagang proseso para sa pagtiyak ng kalidad sa ilang account na sumailalim na sa mga karagdagang proseso ng pag-validate, gaya ng mga naberipikang account.
Bagama't nagsisikap kaming ipatupad ang aming mga patnubay, hindi namin ginagarantiya na ang lahat ng content na ibinabahagi ay sumusunod sa aming mga patnubay o Mga Tuntunin ng Serbisyo. Puwedeng i-report sa app at sa aming website ang mga pinaghihinalaang paglabag. Kung may matuklasan kang content o mga account na posibleng lumalabag sa aming mga alituntunin, ipaalam ito sa amin para masuri namin ito at makapagsagawa kami ng anumang naaangkop na aksyon.
Alamin pa ang tungkol sa aming mga pagsisikap sa pagpapatupad sa pamamagitan ng aming Transparency Center.
Sa pagtupad sa aming pangako na tiyakin na magiging patas ang proseso, nagbibigay kami ng mga abiso kung nalabag mo ang aming mga alituntunin. Kung nag-post ka ng content na hindi namin pinapayagan, aabisuhan ka namin at ibabahagi namin ang dahilan sa pagkakatanggal. Kung na-ban ang account mo dahil sa isang paglabag, makakatanggap ka ng isang banner notification sa susunod mong pagbukas ng app, na nagsasabi sa iyo tungkol sa pagbabagong ito sa account. Kung nag-post ka ng content na hindi kwalipikado para sa For You feed (FYF), o nililimitahan, lalabas ang impormasyong ito sa TikTok analytics tool.
Kung na-ban ang account mo, o ang content mo ay nalabag, ginawang hindi kwalipikado para sa FYF, o nilimitahan, at naniniwala kang pagkakamali ito, pwede mong iapela ang desisyon. Puwede mong tingnan ang status ng apela mo sa Safety Center sa app, pati na rin ang status ng anumang report na na-file mo tungkol sa ibang content o account.