យើង​ចង់​ឱ្យអ្នក​ទទួល​អារម្មណ៍​មាន​ទំនុកចិត្ត​ដែល​ថា អ្នកអាច​ទទួល​ព័ត៌មាន​ដែល​អាច​ទុកចិត្ត​បាន រកឃើញ​ខ្លឹមសារ​ដែល​មាន​ភាពដើម និង​ពាក់ព័ន្ធ​ជាមួយ​មនុស្ស​ដែល​ពិតប្រាកដ។នេះ​ជា​មូលដ្ឋាន​នៃ​ការបង្កើត​សហគមន៍​ដែល​មាន​ទំនុកចិត្ត​ និង​ការទទួលខុសត្រូវ ទាំង​នៅលើ​ផ្លេតហ្វម និង​នៅក្រៅ​ផ្លេតហ្វម។

ក្នុងសហគមន៍សាកល វាជារឿងធម្មតាដែលមនុស្សមានគំនិតផ្សេងៗគ្នា ប៉ុន្តែយើងខិតខំធ្វើប្រតិបត្តិការលើសំណុំនៃការពិតនិងភាពប្រាកដជារួម។យើងមិនអនុញ្ញាតព័ត៌មានភាន់ច្រឡំដែលអាចបង្កគ្រោះថ្នាក់ខ្លាំងដល់បុគ្គលនិងសង្គមឡើយ ដោយមិនគិតពីបំណង។យើងពឹងផ្អែកលើដៃគូត្រួតពិនិត្យការពិតឯករាជ្យ ការណែនាំពីអាជ្ញាធរសុខភាពសាធារណៈ និងមូលដ្ឋានទិន្នន័យរបស់យើងនៃការអះអាងដែលបានពិនិត្យការពិតពីមុន ដើម្បីជួយវាយតម្លៃភាពត្រឹមត្រូវនៃខ្លឹមសារ។

ខ្លឹមសារមិនមានសិទ្ធិទទួលបាន FYF ទេ ប្រសិនបើវាមានព័ត៌មានភាន់ច្រឡំ ដែលអាចបណ្តាលឱ្យមានគ្រោះថ្នាក់កម្រិតមធ្យម ដូចជាខ្លឹមសារសុខភាពមួយចំនួន ទ្រឹស្តីសមគំនិត បណ្ដាញ​ផ្សព្វផ្សាយដែលបានរៀបចំឡើងវិញ ឬប្រភពយកជាការដែលនាំឱ្យយល់ខុស។ជាការប្រុងប្រយ័ត្ន ព័ត៌មានដែលមិនបានបញ្ជាក់អំពីភាពអាសន្ន និងខ្លឹមសារដែលបណ្ដោះអាសន្នស្ថិតក្រោមការត្រួតពិនិត្យដោយអ្នកត្រួតពិនិត្យ-ព័ត៌មានពិតក៏មិនមានសិទ្ធិទទួលបាន FYF ដែរ។

ដើម្បីជួយអ្នកក្នុងការគ្រប់គ្រងបទពិសោធប្រើប្រាស់ TikTok របស់អ្នក យើងអាចអនុវត្តស្លាកសញ្ញាព្រមានចំពោះខ្លឹមសារដែលត្រូវបានវាយតម្លៃដោយដៃគូត្រួតពិនិត្យព័ត៌មានពិតរបស់យើង និងមិនអាចផ្ទៀងផ្ទាត់ថាត្រឹមត្រូវបានទេ។យើង​ក៏​អាចផ្ញើសារណែនាំ​ឱ្យ​ពិចារណា​ឡើងវិញ​ក្នុង​ការ​ចែករំលែក​ខ្លឹមសារ​បែបនេះ។

ការបោះឆ្នោតគឺជាព្រឹត្តិការណ៍ដ៏សំខាន់ ហើយជារឿយៗជាកម្មវត្ថុនៃការពិភាក្សា និងការវិភាគដ៏ខ្លាំងក្លា។យើងព្យាយាមរក្សាតុល្យភាពការអនុញ្ញាតឲ្យមានការពិភាក្សាទាំងនេះ ដោយក្នុងពេលជាមួយគ្នា រក្សាភាពជាកន្លែងមួយដែលនាំមនុស្សមករួមគ្នា និងមិនបង្កឱ្យមានការបែកចែកគ្នា។យើងមិនអនុញ្ញាតការផ្សព្វផ្សាយនយោបាយដោយបង់ប្រាក់ ការផ្សាយពាណិជ្ជកម្មនយោបាយ ឬការរៃអង្គាសប្រាក់ដោយអ្នកនយោបាយ ឬគណបក្សនយោបាយ (សម្រាប់ខ្លួនពួកគេ ឬអ្នកដទៃ) ឡើយ។គោលការណ៍ផ្សាយពាណិជ្ជកម្មទាក់ទងនឹងនយោបាយរបស់យើង រួមបញ្ចូលនូវការផ្សាយពាណិជ្ជកម្មគិតប្រាក់បែបប្រពៃណី និងអ្នកបង្កើតទទួលសំណងប្រាក់ដើម្បីគាំទ្រ ឬជំទាស់បេក្ខជនប្រជែងចូលកាន់តំណែង។

យើងចង់អនុញ្ញាតឲ្យមានការផ្លាស់ប្ដូរគំនិតរបស់ពលរដ្ឋដោយបានទទួលព័ត៌មាន តាមរបៀបដែលលើកតម្កើងសន្ទនាប្រកបដោយផលិតភាព។យើងមិនអនុញ្ញាតឱ្យមានព័ត៌មានភាន់ច្រឡំ ឬខ្លឹមសារអំពីដំណើរការចូលរួមពីពលរដ្ឋ និងការបោះឆ្នោតដែលអាចបណ្តាលឱ្យមានការរំខានដល់អ្នកបោះឆ្នោត រំខានដល់ការផ្ទេរអំណាចដោយសន្តិវិធី ឬនាំឱ្យមានអំពើហិង្សាក្រៅផ្លេតហ្វម។

ខ្លឹមសារអាចនឹងមិនមានសិទ្ធិទទួលបាន FYF ប្រសិនបើវាមានព័ត៌មានភាន់ច្រឡំដែលអាចរារាំងសមត្ថភាពរបស់អ្នកបោះឆ្នោតក្នុងការសម្រេចចិត្តប្រកបដោយការយល់ដឹង។ជាការប្រុងប្រយ័ត្ន ការអះអាងដែលមិនមានការបញ្ជាក់អំពីការបោះឆ្នោត និងខ្លឹមសារដែលស្ថិតក្រោមការត្រួតពិនិត្យជាបណ្ដោះអាសន្នដោយអ្នកត្រួតពិនិត្យព័ត៌មានពិតក៏អាចនឹងមិនមានសិទ្ធិទទួលបាន FYF ផងដែរ។

ដើម្បីជួយអ្នកក្នុងការគ្រប់គ្រងបទពិសោធប្រើប្រាស់ TikTok របស់អ្នក យើងអាចអនុវត្តស្លាកសញ្ញាព្រមានចំពោះខ្លឹមសារដែលត្រូវបានវាយតម្លៃដោយដៃគូត្រួតពិនិត្យព័ត៌មានពិតរបស់យើង និងមិនអាចផ្ទៀងផ្ទាត់ថាត្រឹមត្រូវបានទេ។ស្វែងយល់បន្ថែមអំពីការងារសុចរិតភាពនៃការបោះឆ្នោតរបស់យើង និងគណនីរដ្ឋាភិបាលអ្នកនយោបាយនិងគណបក្សនយោបាយ។

យើងស្វាគមន៍ភាពច្នៃប្រឌិតដែលបញ្ញាសិប្បនិម្មិត (AI) ថ្មី និងបច្ចេកវិទ្យាឌីជីថលផ្សេងទៀតអាចបើកបង្ហាញ។ទោះជាយ៉ាងណាក៏ដោយ AI និងបច្ចេកវិទ្យាកែសម្រួលឌីជីថលផ្សេងទៀតអាចបង្កការលំបាកក្នុងការប្រាប់ពីភាពខុសគ្នារវាងការពិត និងរឿងប្រឌិត ដែលអាចបំភាន់បុគ្គល ឬបង្កអន្តរាយដល់សង្គម។ យើងតម្រូវឱ្យអ្នកដាក់ស្លាក AIGC ឬប្រព័ន្ធផ្សព្វផ្សាយដែលបានកែសម្រួល ដែលបង្ហាញពីឈុតឆាកជាក់ស្តែង ឬមនុស្ស។ ការធ្វើបែបនេះអាចធ្វើទៅបាន ដោយប្រើស្លាក AIGC ឬដោយបន្ថែមចំណងជើងច្បាស់លាស់ រូបថ្លាព្រាលៗ ឬស្ទីគ័ររបស់អ្នកផ្ទាល់។

ទោះបីជានៅពេលដែលដាក់ស្លាកយ៉ាងត្រឹមត្រូវក៏ដោយ AIGC ឬមេឌៀដែលបានកែអាចនៅតែបង្កគ្រោះថ្នាក់។យើងមិនអនុញ្ញាតឱ្យមានខ្លឹមសារដែលចែករំលែក ឬបង្ហាញប្រភពយកជាការ ឬព្រឹត្តិការណ៍វិបត្តិ ឬបង្ហាញបុគ្គលសាធារណៈក្លែងក្លាយនៅក្នុងបរិបទមួយចំនួននោះទេ។ សកម្មភាពនេះរួមបញ្ចូលទាំងការសម្លុតធ្វើបាប ការបង្ហាញការគាំទ្រ ឬទទួលការគាំទ្រ។

យើងប្តេជ្ញាការពារឯកជនភាពរបស់មនុស្ស។យើង​មិន​អនុញ្ញាត​ឱ្យ​មាន​ខ្លឹមសារ​ដែល​មានអ្វីស្រដៀងនឹង​មនុស្ស​វ័យ​ក្មេង ឬ​អ្វីស្រដៀងនឹងបុគ្គលឯកជន​ពេញវ័យ​ប្រើ​ដោយ​គ្មាន​ការ​អនុញ្ញាត​ពី​ពួកគេឡើយ។

ការចូលរួមពាក់ព័ន្ធនឹងភាពពិតប្រាកដ ជាចំណុចសំខាន់ចំពោះសុចរិតភាពនៃផ្លេតហ្វមរបស់យើង និងជូនដំណឹងអំពីរបៀបដែលយើងឲ្យយោបល់ខ្លឹមសារដែលអ្នកអាចឃើញថាគួរឲ្យចាប់អារម្មណ៍។យើងមិនអនុញ្ញាតការជួញដូរ ឬការធ្វើទីផ្សារ​សេវាដែលប៉ុនប៉ងបង្កើនការពាក់ព័ន្ធដោយសិប្បនិម្មិត ឬបំភាន់ប្រព័ន្ធឲ្យយោបល់របស់ TikTok ឡើយ។បើយើងស្រាប់តែដឹងអំពីគណនីឬខ្លឹមសារដែលមានរង្វាស់បំប៉ោងភាពមិនពិតប្រាកដ យើងនឹងលុបអ្នកតាម ឬការចូលចិត្តក្លែងក្លាយដែលពាក់ព័ន្ធ។

ខ្លឹមសារមិនទទួលសិទ្ធិទទួលបាន FYF ទេ បើវាខិតខំរៀបឧបាយ ឬបញ្ឆោតអ្នកដទៃ ដើម្បីបង្កើនកាដូ អ្នកតាម ការចូលចិត្ត ការមើល ឬរង្វាស់នៃការពាក់ព័ន្ធផ្សេងទៀត។

ភាពច្នៃប្រឌិតលើ TikTok ជាអ្វីដែលធ្វើឲ្យវាអស្ចារ្យ ដូច្នេះអ្នកគួរបង្ហោះតែស្នាដៃផ្ទាល់ខ្លួនរបស់អ្នកប៉ុណ្ណោះ។យើងមិនអនុញ្ញាតខ្លឹមសារបំពានកម្មសិទ្ធិបញ្ញារបស់នរណាម្នាក់ផ្សេងទៀតឡើយ។បើយើងស្រាប់តែដឹងពីខ្លឹមសារដែលបំពានមួយ យើងនឹងលុបវា។ស្វែងយល់បន្ថែមអំពីគោលការណ៍ស្ដីពីកម្មសិទ្ធិបញ្ញា (IP) របស់យើង។

ខ្លឹមសារមិនទទួលសិទ្ធិទទួលបាន FYF ទេ បើវាទាក់ទងនឹងខ្លឹមសារមិនមែនច្បាប់ដើម ឬផលិតឡើងវិញដែលមិនមានការកែថ្មីឬច្នៃប្រឌិតណាមួយ។

បើអ្នកជឿជាក់ថា អ្នកបានជួបប្រទះការបំពាន IP អ្នកអាចធ្វើការរាយការណ៍អំពីសិទ្ធិអ្នកនិពន្ធ ឬការរាយការណ៍អំពីពាណិជ្ជសញ្ញា។

ដើម្បីបង្កើតសហគមន៍ដែលគួរឲ្យទុកចិត្តនៅលើអនឡាញ វាមានសារៈសំខាន់ដែលអាកប្បកិរិយា និងអត្តសញ្ញាណនៅលើគណនីរបស់អ្នកមានភាពពិតប្រាកដនិងត្រឹមត្រូវ។យើងមិនអនុញ្ញាតឱ្យមានឥរិយាបទគណនីដែលអាចជាសារឥតបានការ ឬបំភាន់សហគមន៍របស់យើងឡើយ។ ចំណុចនេះរាប់បញ្ចូលទាំងការធ្វើប្រតិបត្តិការឥទ្ធិពលសម្ងាត់ ការរៀបចំសញ្ញាចូលរួម ដើម្បីពង្រីកការផ្សាយដល់នៃខ្លឹមសារ​ជាក់លាក់ និងប្រតិបត្តិការគណនីស្ប៉ាម ឬក្លែងក្លាយ។គណនីត្រាប់កំប្លែង ឬអ្នកគាំទ្រត្រូវបានអនុញ្ញាត ឱ្យតែពួកវាត្រូវបានបង្ហាញក្នុងឈ្មោះគណនី (សូមកត់សម្គាល់ថាវាខុសពី @username)។

អ្នកអាចរៀបចំគណនីច្រើនដើម្បីបង្កើតបណ្ដាញផ្សេងៗសម្រាប់ការសម្ដែងច្នៃប្រឌិតពិតប្រាកដ ប៉ុន្តែមិនមែនក្នុងគោលបំណងបំភាន់ឡើយ។យើងមិនអនុញ្ញាតឱ្យការប្រើប្រាស់គណនីចូលរួមក្នុងការរៀបចំផ្លេតហ្វមទេ។ នេះរាប់បញ្ចូលទាំងការប្រើប្រាស់ស្វ័យប្រវត្តិកម្មដើម្បីចុះឈ្មោះ ឬដំណើរការគណនីច្រើន ចែកចាយខ្លឹមសារពាណិជ្ជកម្មដែលមានចំនួនច្រើន បង្កើនសញ្ញាចូលរួមដោយសិប្បនិម្មិត និងជៀសវាងការអនុវត្តគោលការណ៍ណែនាំរបស់យើង។

បើគណនីណាមួយរបស់អ្នកត្រូវបានហាមប្រាម ឬកំហិតមិនឲ្យប្រើមុខងារមួយ អ្នកមិនត្រូវរៀបចំគណនីថ្មី ឬក៏ប្រើគណនីផ្សេងដើម្បីជម្នះការហាមប្រាមឬកំហិតនោះឡើយ។

បើយើងដឹងថាអ្នកបានពាក់ព័ន្ធនឹងអាកប្បករិយា​នៃគណនី​បំភាន់ទាំងនេះ យើងនឹងហាមប្រាមគណនីនោះ និងអាចហាមប្រាមគណនី​ជំនួសណាមួយដែលកំពុងប្រើប្រាស់ ឬគណនីថ្មីទាំងឡាយដែលបានបង្កើតឡើង។