Inilabas noong Abril 17, 2024
May bisa simula Mayo 17, 2024
Ang For You feed (FYF) ay isang natatanging feature ng TikTok na gumagamit ng personalized na sistema ng rekomendasyon para magkaroon ka ng kakayahang tumuklas ng maraming content, creator, at paksa. Sa pagtukoy sa kung ano ang irerekomenda, isinasaalang-alang ng sistema ang mga salik ng account, kabilang ang mga like, mga share, mga komento, mga paghahanap, pagkakaiba-iba ng content, at mga sikat na video. Alamin pa ang tungkol sa sistema ng rekomendasyon, at mga tool para makatulong na mag-customize ng mga rekomendasyon.
May ilang partikular na uri content na posibleng okay lang kung paminsan-minsan na nakikita, pero puwedeng maging problema kung titingnan nang magkakasama. Kasama rito ang content gaya ng pagdidiyeta, matinding fitness, sekswal na pagpapahiwatig, kalungkutan (gaya ng mga pahayag tungkol sa pagkawalang pag-asa, o pagbabahagi ng malulungkot na quote), at impormasyon tungkol sa kalusugan ng pag-iisip (gaya ng quiz na umano'y nagda-diagnose ng isang tao) na labis sa panglalahat. Ang ganitong uri ng content ay puwedeng maging kuwalipikado para sa FYF pero pipigilan namin ang mga paulit-ulit na pattern ng content para matiyak na hindi ito madalas na nakikita. Alamin pa ang tungkol sa aming estratehiya sa pagprotekta at pag-iiba-iba ng mga rekomendasyon.
Pinapanatili namin ang mga pamantayan sa pagiging kuwalipikado para sa FYF na binibigyang-priyoridad ang kaligtasan at nakabatay sa pagiging magkakaiba-iba ng aming komunidad at mga pamantayan sa pangkulturang kaugalian. Bagama’t ang spontaneity ng FYF ang dahilan kung bakit natatangi ang TikTok, inilaan ito para sa iba’t ibang manonood na kinabibilangan ng lahat mula sa kabataan hanggang sa mga lolo’t lola sa tuhod. Ginagawa naming hindi kuwalipikado para sa FYF, at posible rin namin gawing mas mahirap na hanapin, ang ilang partikular na content na posibleng hindi naaangkop para sa maraming iba't ibang manonood.
Alam namin na nagbibigay ang FYF ng oportunidad para makaabot ng malaking tagapanood, na hindi palaging naaangkop sa ilang batang indibidwal. Ginagawa naming hindi kuwalipikado para sa For You feed (FYF) ang content na ginawa ng sinumang wala pang 16 na taong gulang.
Puwede pa ring matuklasan sa ibang paraan ang content na hindi kuwalipikado para sa FYF, gaya ng sa pamamagitan ng search tool o pag-follow sa isang account. Kapag hindi nakakuha ng maraming view ang isang video, posibleng dahil ito sa kakulangan ng engagement sa komunidad sa halip na pagiging hindi kuwalipikado para sa FYF. Puwedeng gamitin ng mga creator ang TikTok analytics tool para masubaybayan ang performance ng kanilang mga video.
Sa buong mga patnubay namin, makikita mo ang mga pamantayan sa pagiging kuwalipikado para sa FYF. Narito ang isang binuong "mabilis na gabay" sa content na hindi kwalipikado para sa FYF.
HINDI KUWALIPIKADO PARA SA FYF
Kaligtasan at Kapakanan ng Kabataan
Mapoot na Pananalita at Mapoot na Gawi
Problema sa Pagkain at Hitsura ng Katawan
Mga Mapanganib na Aktibidad at Hamon
Paghuhubad at Pagpapakita ng Katawan
Nakakagulat at Graphic na Content
Integridad ng Publiko at Halalan
Komersyal na Pagbubunyag at May Bayad na Promotion
Karagdagang impormasyon
Ang ibig sabihin ng mga protektadong grupo ay mga indibidwal o komunidad na may magkakatulad na protektadong katangian.
Ang potensyal na mapanganib na pamamahala sa timbang ay tumutukoy sa mga diyeta, gamot, o ehersisyong ginagamit para sa mabilis o malaking pagbawas sa timbang o pagdagdag ng kalamnan na posibleng magsanhi ng pangmatagalang panganib sa kalusugan o mabuting kalagayan.
Ang katamtamang pisikal na pinsala ay pinsalang hindi malamang na mangailangan ng propesyonal na medikal na panggagamot at hindi nagdadala ng panganib ng kapansanan o pagkasira ng katawan. Kasama rito ang maliliit na hiwa na may kaunting pagdurugo at kaunting pagpapasa sa katawan.
Tumutukoy ang malalaswang bahagi ng katawan sa ari, puwit, at mga dibdib (kabilang ang utong at areola).
Ang bahagyang kahubaran ay nangangahulugan ng kalakhang kawalan ng damit at malapit nang maging (pero hindi pa talaga) hubad, gaya ng ipinapahiwatig na kahubaran o pagsusuot ng mga damit na natatakpan lang nang kaunti ang malalaswang bahagi ng katawan.
Tumutukoy ang mainit na halikan sa halikang posibleng magpahiwatig ng sekswal na pagpukaw o simula ng sekswal na ugnayan.
Tumutukoy ang sexualized na framing sa content na sadyang binibigyang-diin ang mga may damit na malaswang bahagi ng katawan sa pamamagitan ng mga technique, gaya ng pagkuha ng video, pag-edit, o pagpwesto ng katawan sa harap ng camera.
Tumutukoy ang sekswal na pagkilos sa pagkilos inilalayon na maging sekswal na nakakapukaw, kabilang ang mga performance o paulit-ulit na galaw ng katawan na binibigyang-diin ang malalaswang bahagi ng katawan, at paggaya sa mga sekswal na aksyon.
Tumutukoy angprodukto para sa pagtatalik sa isang bagay o device na idinisenyong magamit para sa sekswal na kasiyahan, gaya ng sex toy.
Ang ibig sabihin ng maling impormasyon ay hindi totoo o mapanlinlang na content.
Ang maling impormasyong pangkalusugang may katamtamang pinsala ay tumutukoy sa mali o mapanlinlang na content tungkol sa panggagamot o pag-iwas sa mga pinsala, kundisyon, o sakit na hindi agaran o banta sa buhay.
Ang mga conspiracy theory ay tumutukoy sa mga paniniwala tungkol sa mga hindi maipaliwanag na kaganapan, o kinabibilangan ng pagtanggi sa mga pangkalahatang tinatanggap na paliwanag para sa mga kaganapan, pagbilang at pagpapahiwatig na isinagawa ang mga ito ng mga lihim o makapangyarihang indibidwal o grupo.
Ang media na binago ang layunin ay tumutukoy sa hindi na-edit na media content na ipinapakita nang wala sa koneksto at posibleng makapanlinlang ng tao tungkol sa isang kasalukuyang paksang mahalaga sa publiko.
Ang mga mapagkakatiwalaang sangguniang minali ang representasyon ay tumutukoy sa content na nagpo-promote ng mga mapanlinlang na pag-uugnay o kongklusyon kaugnay ng mapagkakatiwalaang impormasyong kinikilala at pinagkakatiwalaan, gaya ng mga ulat mula sa mga institusyon ng pananaliksik.
Ang pagsusugal ay pagtaya ng pera (kabilang ang mga digital na currency gaya ng bitcoin) o bagay na may katumbas na halaga ng pera sa isang kaganapan na walang kasiguruhan sa kalalabasan, para kumita.
Tumutukoy ang mga aktibidad na parang pagsusugal sa mga aktibidad na hindi kaantas ng pagsusugal, pero katulad ang pagkilos at may mga kaakibat na katulad na panganib, gaya ng mga social casino at software kaugnay ng pagsusugal.
Kabilang sa mga produktong tabako ang mga produkto para sa vaping, smokeless o combustible na produktong tabako, synthetic na produktong nicotine, e-cigarette, at iba pang Electronic Nicotine Delivery System.
Kasama sa mga kinokontrol na substance ang mga inireresetang gamot, mga gamot na nabibili sa reseta, mga compressed air canister (whippets), at nitrite poppers.