សេចក្ដីផ្ដើមអំពីប្រព័ន្ធណែនាំ TikTok

របៀបដែល For You feed របស់ TikTok ដំណើរការ

នៅពេលអ្នកធ្វើអន្តរកម្មជាមួយខ្លឹមព័ត៌មាននៅលើ TikTok, អ្នកផ្ដល់ឱ្យយើងនូវសញ្ញាផ្សេងៗជាច្រើន។ សញ្ញាទាំងនេះជួយដល់ប្រព័ន្ធណែនាំរបស់យើងនៅក្នុងការយល់ដឹងអំពីប្រភេទនៃខ្លឹមព័ត៌មានដែលអ្នកអាចរីករាយ។ យើងប្រើប្រាស់សញ្ញាទាំងនេះដើម្បីបង្កើតពិន្ទុព្យាករណ៍សម្រាប់វីដេអូខុសៗគ្នា។ ពិន្ទុនេះគឺជាការប៉ាន់ស្មានមួយថាតើអ្នកទំនងជាធ្វើអន្តរកម្មជាមួយវីដេអូនីមួយៗនៃបណ្ដាវីដេអូទាំងនោះយ៉ាងដូចម្ដេច។ វីដេអូទាំងឡាយដែលមានពិន្ទុខ្ពស់បំផុតត្រូវបានជ្រើសរើសដើម្បីដាក់ទៅក្នុង For You feed របស់អ្នក។ ខាងក្រោមគឺជារូបថតមួយនៃកត្តានានាដែលបង្ហាញជារូបរាងនូវអ្វីដែលអ្នកឃើញនៅក្នុងមតិព័ត៌មានរបស់អ្នក។

សញ្ញានានាចេញពីអ្នក

សញ្ញានានាដែលអ្នកផ្ដល់នៅពេលចូលរួមជាមួយខ្លឹមព័ត៌មាននៅលើ TikTok រួមបញ្ចូលនូវអន្តរកម្មជាច្រើន ដូចជាវីដេអូដែលអ្នកបានមើល ចូលចិត្ត ឬចែករំលែក។ ដោយការធ្វើអន្តរកម្មជាមួយនឹងខ្លឹមព័ត៌មាននៅលើ TikTok, អ្នកជូនព័ត៌មានដល់ប្រព័ន្ធនេះអំពីខ្លឹមព័ត៌មានដែលអ្នកអាចរកឃើញមានពាក់ព័ន្ធ និងមានប្រយោជន៍ ដោយជួយឱ្យបង្ហាញច្បាស់នូវបទពិសោធន៍ For You feed ពិសេស។មើលឧបសម្ព័ន្ធសម្រាប់ឧទាហរណ៍នៃសញ្ញាសំខាន់ៗដែលបានប្រើប្រាស់នៅក្នុងប្រព័ន្ធណែនាំនេះ។

ការព្យាករ

ប្រព័ន្ធនេះប្រើប្រាស់សញ្ញានានាដែលអ្នកផ្ដល់ដើម្បីព្យាករថាខ្លឹមព័ត៌មានមួយណាដែលអ្នកទំនងជារីករាយ។ ការព្យាករទាំងនេះប៉ាន់ស្មានពីភាពទំនងដែលអ្នកនឹងធ្វើអន្តរកម្មជាមួយនឹងវីដេអូដែលបានផ្ដល់ ឧទាហរណ៍ វីដេអូដែលបានផ្ដល់មានភាពអាចនឹងមានការចូលចិត្ត ការចែករំលែក ការបញ្ចេញមតិ ឬការរំលង។ ដោយរួមផ្សំពិន្ទុនៃការព្យាករសម្រាប់អន្តរកម្មនីមួយៗនៃអន្តរកម្មទាំងនេះ យើងអាចមកដល់ពិន្ទុសរុបរួមសម្រាប់វីដេអូនីមួយៗ ដោយពិន្ទុខ្ពស់បំផុតបង្ហាញសញ្ញាការផ្គូផ្គងកាន់តែជិតនឹងចំណូលចិត្តរបស់អ្នក។មើលឧបសម្ព័ន្ធសម្រាប់ឧទាហរណ៍នៃការព្យាករសំខាន់ៗរបស់ប្រព័ន្ធណែនាំនេះ។

ការចាត់ថ្នាក់

ដំណើរការចាត់ថ្នាក់តម្រៀបវីដេអូនានាទៅតាមពិន្ទុព្យាកររបស់វីដេអូទាំងនោះ ពីខ្ពស់ទៅទាប។ For You feed ត្រូវបានបង្កើតឡើងពីវីដេអូមានចំណាត់ថ្នាក់ខ្ពស់ទាំងនេះ ដោយសារវីដេអូទាំងនោះឆ្លងកាត់ការពិនិត្យភាពស្រដៀងគ្នាចុងក្រោយ នៅមុនពេលត្រូវបានណែនាំ។

ការពិនិត្យភាពស្រដៀងគ្នា

ភាពស្រដៀងគ្នានៃខ្លឹមព័ត៌មានវាស់វែងថាតើវីដេអូខុសគ្នាជាបន្តបន្ទាប់នៅក្នុង For You feed របស់អ្នកមានលក្ខណៈយ៉ាងដូចម្ដេច។ ប្រសិនបើវីដេអូខ្លះដែលប្រព័ន្ធបានជ្រើសរើសជាចំណាត់ថ្នាក់ខ្ពស់សម្រាប់អ្នក គឺស្រដៀងគ្នាខ្លាំងនឹងគ្នាទៅវិញទៅមក យើងជំនួសវីដេអូទាំងនោះជាមួយវីដេអូដទៃទៀតដើម្បីធានាភាពផ្សេងៗគ្នាកាន់តែច្រើននៅក្នុងខ្លឹមព័ត៌មានដែលអ្នកមើល។ កិច្ចប្រឹងប្រែងទាំងនេះមានគោលបំណងដើម្បីកាត់បន្ថយឱកាសដែលអ្នកមើលវីដេអូនានាដែលមានប្រធានបទដដែលៗ ហើយជាជំនួសវិញវាជួយអ្នកឱ្យរុករក និងស្វែងរកប្រភេទខុសៗគ្នានៃខ្លឹមព័ត៌មាន។

ការបង្កើតសម្រាប់សុវត្ថិភាពនៅក្នុងប្រព័ន្ធណែនាំ

គោលការណ៍ណែនាំសហគមន៍

គោលការណ៍ណែនាំសហគមន៍ចែងពីបទប្បញ្ញត្តិនានាដែលកំណត់ប្រភេទនៃខ្លឹមព័ត៌មានមួយណាដែលមិនត្រូវបានអនុញ្ញាតនៅលើផ្លេតហ្វម។ គោលការណ៍ណែនាំទាំងនោះក៏ចែងពីប្រភេទនៃខ្លឹមព័ត៌មានដែលមិនមានសិទ្ធិទទួលសម្រាប់ការណែនាំនៅក្នុង For You feed, ដែលជាបទពិសោធន៍មួយមានគោលបំណងសម្រាប់ទស្សនិកជនផ្សេងៗជាច្រើន តាំងពីមនុស្សវ័យជំទង់រហូតដល់ជីដូនជីតាទួតផងដែរ។ យើងដាក់ពង្រាយភាពចម្រុះនៃម៉ូដែលរៀនសូត្រតាមម៉ាស៊ីន និងការពិនិត្យដោយមនុស្សដើម្បី ដាក់ឱ្យអនុវត្តគោលការណ៍ណែនាំសហគមន៍របស់យើង។ ប្រសិនបើអ្នកជួបប្រទះវីដេអូមួយដែលអ្នកគិតថាប្រឆាំងទល់នឹងបទប្បញ្ញត្តិរបស់យើង អ្នកអាចចុចឱ្យយូរលើវីដេអូ និងជ្រើសរើស ‘រាយការណ៍’ ពីម៉ឹនុយលោតឡើង ដើម្បីផ្ញើវីដេអូនោះទៅក្រុមសម្របសម្រួលរបស់យើងសម្រាប់ការត្រួតពិនិត្យ។

សុវត្ថិភាពយុវជនយើងផ្ដល់អាទិភាពលើសុវត្ថិភាពដើម្បីឱ្យយើងអាចផ្ដល់ដល់មនុស្សវ័យជំទង់នៅលើផ្លេតហ្វមរបស់យើងជាមួយនឹងបទពិសោធន៍ TikTok ដែលសមស្របនឹងអាយុ។ យើងទទួលស្គាល់ថាខណៈដែលមានខ្លឹមព័ត៌មានជាច្រើនត្រូវបានចែករំលែកនៅលើ TikTok បញ្ចូលទៅក្នុងភាពចម្រុះសម្បូរបែបនៃបទពិសោធន៍ មិនមែនបទពិសោធន៍ទាំងអស់នោះអាចសមស្របសម្រាប់ទស្សនិកជនវ័យក្មេងនោះទេ។ យើងដាក់កម្រិតលើខ្លឹមព័ត៌មានសម្រាប់មនុស្សធំ ដូច្នេះវាមិនអាចរកបាននៅកន្លែងណាក៏បាននៅលើ TikTok សម្រាប់គណនីដែលមានអាយុ 13-17 ឆ្នាំ ហើយអាចមើលបានតែដោយមនុស្សពេញវ័យដែលមានអាយុ 18 ឆ្នាំ និងអាយុលើសនេះប៉ុណ្ណោះ។ លើសពីនេះទៀត ខ្លឹមព័ត៌មានដែលបានបង្កើតដោយគណនីមួយដែលមានអាយុក្រោម 16 ឆ្នាំ មិនមានសិទ្ធិទទួលបានការណែនាំទៅ FYF ទេ។

ការផ្ដល់អាទិភាពលើសុវត្ថិភាព នៅពេលធ្វើការណែនាំខ្លឹមព័ត៌មាន

ខណៈប្រព័ន្ធណែនាំព្យាករថាខ្លឹមព័ត៌មានអ្វីខ្លះដែលអ្នកទំនងជារីករាយ បទប្បញ្ញត្តិសម្របសម្រួលមានគោលបំណងដើម្បីធានាថាខ្លឹមព័ត៌មាននេះប្រកាន់ខ្ជាប់ទៅនឹងគោលការណ៍ណែនាំសហគមន៍របស់យើង។ លទ្ធផលគឺ For You feed ដែលឆ្លុះបញ្ចាំងពីចំណាប់អារម្មណ៍ជាបុគ្គលរបស់អ្នក ខណៈពេលកំពុងផ្ដល់អាទិភាពលើសុវត្ថិភាព។

• ប្រព័ន្ធសម្របសម្រួលរបស់យើងដំណើរការដើម្បីដកចេញនូវខ្លឹមព័ត៌មានហិង្សា និងធ្វើឱ្យខ្លឹមព័ត៌មានដែលមិនសមស្របសម្រាប់ទស្សនិកជនទូលំទូលាយមិនមានសិទ្ធិទទួលបានការណែនាំ។ មានតែវីដេអូដែលឆ្លងកាត់ការសម្របសម្រួលប៉ុណ្ណោះត្រូវបានរួមបញ្ចូលនៅក្នុងបណ្ដុំវីដេអូ ដែលអាចត្រូវបានណែនាំទៅដល់សហគមន៍របស់យើងនៅក្នុង For You feed។
• ការប្រើប្រាស់ពិន្ទុព្យាករ ប្រព័ន្ធណែនាំជ្រើសរើសពីវីដេអូនានាដែលបានយល់ព្រមដែលយើងជឿថាអ្នកទំនងជារីករាយ។

របៀបដែលអ្នកអាចមានឥទ្ធិពលលើ For You feed របស់អ្នក

ក្រៅពីសញ្ញានានាដែលអ្នកផ្ដល់ឱ្យតាមរបៀបដែលអ្នកធ្វើអន្តរកម្មជាមួយខ្លឹមព័ត៌មាននៅលើ TikTok, មានឧបករណ៍បន្ថែមទៀតដែលយើងបានបង្កើតដើម្បីជួយអ្នកឱ្យគ្រប់គ្រងបានកាន់តែប្រសើរឡើងនូវប្រភេទខ្លឹមព័ត៌មានអ្វីខ្លះដែលត្រូវបានណែនាំដល់អ្នក។

• មិនចាប់អារម្មណ៍៖ អ្នកអាចចុចឱ្យយូរលើវីដេអូនៅក្នុង For You feed របស់អ្នក និងជ្រើសរើស ‘មិនចាប់អារម្មណ៍’ ពីម៉ឹនុុយលោតឡើង។ ការនេះនឹងប្រាប់ឱ្យយើងដឹងថាអ្នកមិនចាប់អារម្មណ៍នៅក្នុងប្រភេទខ្លឹមព័ត៌មាននេះទេ ហើយយើងនឹងដាក់កម្រិតចំនួនប៉ុន្មាននៃខ្លឹមព័ត៌មាននោះដែលយើងណែនាំនៅក្នុងមតិព័ត៌មានរបស់អ្នក។
• តម្រងពាក្យគន្លឹះវីដេអូ៖ អ្នកអាច បញ្ចូលពាក្យគន្លឹះនានា – ទាំងពាក្យ ឬសញ្ញាទ្រុងជ្រូក – ដែលអ្នកអ្នកចង់ត្រងពី For You feed របស់អ្នក។
• For You រីហ្វ្រេស៖ ដើម្បីជួយអ្នករុករកខ្លឹមព័ត៌មានថ្មី អ្នកអាច រីហ្វ្រេស For You feed របស់អ្នក ដែលអនុញ្ញាតឱ្យអ្នករុករកចំហៀងថ្មីទាំងមូលនៃ TikTok។

ឧបសម្ព័ន្ធ

បញ្ជីមិនរាយអស់នេះផ្ដល់ជូននូវការយល់ដឹងអំពីសញ្ញា និងអន្តរកម្មផ្សេងៗជាច្រើនដែលប្រព័ន្ធប្រើប្រាស់ដើម្បីផ្ដល់ខ្លឹមព័ត៌មានតម្រូវតាមបុគ្គលទៅ FYF របស់អ្នក។ សញ្ញានានាដែលបម្រើជាធាតុចូលទៅដល់ប្រព័ន្ធរបស់យើងគឺមានលក្ខណៈឌីណាម៉ិក និងត្រូវបានធ្វើបច្ចុប្បន្នភាពជាញឹកញាប់ដើម្បីលើកទឹកចិត្តចំណាប់អារម្មណ៍ដែលមានការវិវត្តន៍ និងប្រព័ន្ធអេកូដែលរីកចម្រើន។ ប្រសិនបើអ្នកចាប់អារម្មណ៍ក្នុងការស្វែងយល់បន្ថែមទៀត សូមទៅកាន់ មជ្ឈមណ្ឌលជំនួយ របស់យើងដើម្បីមើលព័ត៌មានថ្មីៗស្ដីពីរបៀបដែល TikTok ណែនាំខ្លឹមព័ត៌មាន។TikTok ធ្វើតម្រូវតាមបុគ្គល For You feed របស់អ្នកដោយផ្អែកលើកត្តាផ្សេងៗ រួមមាន៖

• តំបន់របស់អ្នក លៃតម្រូវការណែនាំស្របទៅតាមស្តង់ដារតំបន់ និងបទដ្ឋានវប្បធម៌។
• ភាសាដែលឧបករណ៍របស់អ្នកនឹងត្រូវបានកំណត់។
• ប្រព័ន្ធប្រតិបត្តិការរបស់ឧបករណ៍អ្នក។
• វីដេអូនានាដែលអ្នកបានធ្វើអន្តរកម្មក្នុងពេលថ្មីៗ រួមមានវីដេអូទាំងនោះដែលអ្នកបានមើល បានបញ្ចប់ បានចូលចិត្ត ឬបានរំលង។
• ទំនាក់ទំនងរបស់អ្នកដែលតាមដានជាមួយមនុស្សដទៃទៀតនៅលើ TikTok។

  ប្រព័ន្ធនេះព្យាករអន្តរកម្មផ្សេងៗជាច្រើន រួមមានភាពទំនងរបស់អ្នកក្នុងការ៖

• ចូលចិត្ត ចែករំលែក បញ្ចេញមតិ ឬសម្គាល់វីដេអូមួយថា ‘មិនចាប់អារម្មណ៍’។
• តាមអ្នកនិពន្ធនៃវីដេអូ ឬធ្វើអន្តរកម្មជាមួយកម្រងព័ត៌មានរបស់ពួកគេ។
• បញ្ចប់ រំលង ឬពេញចិត្តនឹងវីដេអូ។
• ចំណាយចំនួនពេលវេលាជាក់លាក់ក្នុងការមើលវីដេអូមួយ។
• ចុចសំឡេងនៃវីដេអូ។

  លើសពីសញ្ញានានាដែលអ្នកបង្កើតតាមរយៈការធ្វើអន្តរកម្មជាមួយខ្លឹមព័ត៌មាន យើងក៏ពិចារណាផងដែរលើសញ្ញាផ្សេងៗទាក់ទងនឹងវីដេអូ រួមមាន៖

• ពេលវេលាដែលវីដេអូត្រូវបានបង្ហោះ។
• តំបន់ដែលវីដេអូត្រូវបានបង្ហោះ។
• ការកំណត់ភាសានៃអ្នកនិពន្ធវីដេអូ។
• សំឡេងនៃវីដេអូ។
• រយៈពេលវីដេអូ។
• សញ្ញាទ្រុងជ្រូកពាក់ព័ន្ធជាមួយនឹងវីដេអូ។