Digital nga kaayohan
Sa TikTok, naningkamot mi aron suportahan ang kaayohan sa tanan sa among komunidad. Samtang ang teknolohiya nagpadayon sa pagtabang sa among adlaw-adlaw nga kinabuhi, gusto namo nga motabang sa pagsiguro nga ang imong online nga pakiglambigit usa ka positibo nga kasinatian. Komitido mi sa paghatag kanimo og mga himan ug mga kakuhaan aron sa pagtabang kanimo sa imong pagpanikay-sikay sa digital nga kaayohan, aron makapangita kag balanse nga para nimo. Diha sa ubos, mahimo nimong mahibal-an ang bahin sa pipila sa among mga feature ug ang eksperto nga mga kakuhaan nga among gihatag nga in-app nga magamit sa mga user, ginikanan, ug tig-atiman.
Digital nga kaayohan
Ang imong kaayohan, online ug offline, importante kanamo. Gusto namo nga mobati kang positibo ug kontrolado ang imong kasinatian sa TikTok, ug makapangita ka ug usa ka balanse sa teknolohiya nga angay gyod nimo.
Mga feature sa kaayohan
Ang among kaayohan sa digital nga mga tool makatabang nimo nga mas masabtan ug makontrol kung pila ka oras ang imong gigugol sa TikTok, ug limitahan ang content nga mahimong dili angay sa tanan nga mamiminaw. Kini nga mga setting lagmit magkalahi depende sa imong rehiyon ug bersyon sa app.
Ang Screen Time Adlaw-adlaw maoy usa ka bahin nga makapahimo kanimo sa pagdesisyon kung pila ang oras nga gusto nimong igugol sa TikTok matag adlaw. Pagkat-on og dugang
Ang Screen Time Dashboard mao ang usa ka bahin nga dali ma-access, nga nagtagana nimo ug panan-aw kung giunsa ug kanus-a nimo gigamit ang TikTok. Mahimo pod ka nga mag-opt-in para sa ‘Senemanang Mga Pag-update sa Oras sa Screen’ alang niini nga mga panan-aw nga ihatud diretso sa imong inbox. Niining paagiha, makahimo ka ug mas intensyonal nga mga desisyon bahin sa imong paggamit, ug mahimong mas nakapokus kung imo kining gamiton. Pagkat-on og dugang
Ang Screen Time Break maoy usa ka bahin nga mag-aghat kanimo sa pagpahulay pagkahuman sa usa ka piho nga kadugayon sa walay hunong nga oras sa screen, nga mahimo nimong itakda. Pagkat-on og dugang
Ang Restricted Mode maoy usa ka kapilian nga naglimite sa dagway sa content nga mahimong dili angay alang sa tanan nga mamiminaw. Pwede kining i-on o i-off pinaagi sa mga setting sa imong account. Ang Restricted Mode usa pod sa mga feature nga direktang makontrol sa ginikanan kung kanus-a nga ang Family Pairing ma-on.
Mga tip para sa pagpamalandong sa oras sa screen
Ang pagpamalandong sa akong digital nga kaayohan uban sa akong mga higala ug mga minahal
Bisan kung batan-on ka nga nagsugod sa pagkat-on kung giunsa pagdumala ang imong oras sa screen o usa ka pamilya nga nagtinguha nga mapaayo ang imong pamaagi sa oras nga gigugol sa online nga magkauban, kitang tanan makakitag mga paagi aron makit-an ang balanse sa among pagbiyahe sa digital nga kaayohan.
Gibuhat kauban ang mga eksperto sa Internet Matters, ania ang 7 nga mga pangutana para suportahan ka sa imong pagpamalandong ug paghimo og lig-on ug balanse nga digital nga mga habit nga magkauban.
Sa dili pa gamiton
- Unsa ang gusto nakong makuha niining orasa sa online?Gusto ba nimong makonektar uban sa mga higala? Relaks? Malingaw? Pinaagi sa paghunahuna kung unsa ang imong gilauman nga makuha gikan sa usa ka butang sa dili pa ka magsugod, mas sayon ang pagpamalandong kung unsay nakaimpluwensya sa imong kinaiya ug kon ang kasinatian milampos ba sa imong gidahom.
- Duna pa bay laing mga butang nga angay nakong buhaton?
Unsa ang kinahanglan nakong unahon? Unsa ang pinakamaayo nga han-ay sa pagbuhat sa mga butang? Tanan kita kinahanglang balansehon kung unsa ang gusto natong buhaton, kung unsa ang kinahanglan natong buhaton – usahay swerte kita ug parehas sila nga butang! Kining dali nga pagsusi sa dili pa magsugod ang usa ka kalihokan makatabang sa pagsiguro nga dili kini negatibog epekto sa laing bahin sa imong adlaw. - Makapauswag ba kini nga kalihokan sa nahibilin sa akong adlaw?
Pwede ba nimong sulayan ang usa ka resipe nga imong nakita online para sa panihapon nga imong gihimo para sa mga higala unya? Makahimo ka ba og content base sa imong kahanas, kasinatian, o interes? Interesado ba ang usa ka higala o membro sa pamilya nga maapil sa imong gibuhat? Pinaagi sa paghunahuna kon sa unsang paagi mosakto ang tanan sa atong adlaw, atong gipahimuslan ang atong gibuhat.
Panahon sa paggamit
- Unsa ang akong gibati – sa pagsugod, sa panahon, ug sa katapusan?
Nabag-o ba ang akong gibati? Mas maayo ba ang akong gibati o mas grabe? Gibati ba nako ang akong gidahom? Unsay nakaapekto sa akong gibati? Ang paggahin ug panahon sa pagkonsiderar sa imong gibati sa wala pa, sa panahon, ug pagkahuman sa usa ka kalihokan usa ka maayong pamatasan nga buhaton ug makatabang kanimo nga mahunahuna kung sa unsang paagi kini nakaapekto sa imong kaayohan, positibo ug negatibo.
Human sa paggamit
- Giunsa nako paggamit ang akong oras?
Nakakat-on ka ba og bag-ong butang? Nakatan-aw ka ba ug video nga gihimo sa uban? Naghimo ka ba ug bisan unsa sa imong kaugalingon? Ang paghunahuna bahin sa among gibuhat, ug dili lang kung unsa kadugay nga gibuhat namo ang usa ka butang, makatabang kanamo nga masabtan ang among mga motibo ug mahimong mas mahunahunaon bahin sa among mga aksyon sa umaabot. - Gibuhat ba nako ang akong giplano nga buhaton?
Duna ka bay plano ug gisunod kini? Wala ka bay plano, ug asa ka gidala niini? Nagdahum ka ba nga imong buhaton ang imong gibuhat? Unsay naggiya sa imong mga aksyon? Ang pagpamalandong niining paagiha makatabang nato nga masabtan ang atong kinaiya ug kon unsay makaapekto kanato. - Mas maayo kaha ang mahimo nakong kasinatian?
Unsay maayo nga nahitabo? Unsay dili maayo nga nahitabo? Ngano? Ang paghunahuna bahin sa kung unsa ang mahimo nga lahi sa sunod nga higayon o kung unsa ang naghatag kanimo ug labing kalipay sa usa ka kalihokan makatabang kanimo sa pagporma sa imong sunod nga kasinatian para sa mas maayo!
Asa ko mangita ug dugang tambag?
Mahimong mas hagit nga mahibal-an kung unsaon pag-ayo ang imong digital nga mga batasan – labi na sa mga ginikanan ug mga tig-atiman nga lagmit naa sa usa ka panaw sa digital nga kaayohan sa ilang kaugalingon. Aniay pipila nga mga kakuhaan sa Internet Matters nga lagmit makatabang nimo samtang nagpauswag ka sa imong katakos sa digital nga kaayohan: